سەرسەنبٸ, 8 قىركٷيەكتە قازاقستاندا 4 106 ادامنىڭ اناليزٸنەن كوروناۆيرۋس تابىلدى. بۇل بٸر كٷن بۇرىنعى كٶرسەتكٸشپەن سالىستىرعاندا شامامەن 500-گە كٶپ. ٸندەت باستالعالى بەرٸ ەلدە 828 224 ادامنىڭ پتر تەستٸ وڭ كٶرسەتكەن.
7 قىركٷيەكتە 86 ادام كوروناۆيرۋس پەن پنەۆمونييادان قايتىس بولعان. 72-ٸنٸڭ پتر تەستٸ وڭ شىققان, 14 ادام پنەۆمونييانىڭ كوروناۆيرۋسقا ۇقساس تٷرٸنەن قايتىس بولدى دەپ ايتىلادى. سەيسەنبٸ كٷنٸ 302 ادامعا كوروناۆيرۋس پنەۆمونيياسى دياگنوزى قويىلعان.
حالىقارالىق ۇيىمداردىڭ قىسىمىنان كەيٸن قازاقستان بيلٸگٸ 2020 جىلدىڭ تامىزىنان باستاپ كوروناۆيرۋس پنەۆمونيياسىنىڭ ستاتيستيكاسىن جٷرگٸزە باستاعان. دٷنيەجٷزٸلٸك دەنساۋلىق ساقتاۋ ۇيىمى بىلتىر ماۋسىم مەن شٸلدەدە قاتتى ٶرشٸپ, بەسەڭسٸگەن "پنەۆمونييانى" "دياگنوزى دۇرىس قويىلماعان كوروناۆيرۋس" دەپ اتاعان ەدٸ. 2020 جىلدىڭ تامىزىنان بەرٸ ەلدە شامامەن 72 مىڭ ادام كوروناۆيرۋس پنەۆمونيياسىنا شالدىققان.
قازٸر 84 262 ادام كوروناۆيرۋس ينفەكتسيياسىنان (–76 339 + جەنە 7 923 كۆي-) ەمدەلٸپ جاتىر. ولاردىڭ ٸشٸندە 17 749 پاتسيەنت ستاتسيوناردا, 66 513 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
• 1 390 ادامنىڭ جاعدايى اۋىر,
• 346 پاتسيەنتتٸڭ جاعدايى ٶتە اۋىر,
• 197 ناۋقاس ٶجج اپپاراتىندا جاتىر.
ٸندەت باستالعالى بەرٸ قازاقستاندا 10 076 ادام كوروناۆيرۋستان قايتىس بولعان. كوروناۆيرۋس پنەۆمونيياسى 4 611 ادامنىڭ ٶلٸمٸنە سەبەپ بولعان. جەرگٸلٸكتٸ كوميسسييانىڭ شەشٸمٸمەن "Covid-تەن ەمەس, باسقا اۋرۋدان قايتىس بولدى" دەگەن مىڭداعان ادام ٶلٸمٸ دەنساۋلىق ساقتاۋ مينيسترلٸگٸنٸڭ بازاسىنا ەنگٸزٸلمەگەن.
19 ملن حالقى بار قازاقستاندا 5,8 ملن-عا جۋىق ادام كوروناۆيرۋسقا قارسى تولىق ەگٸلگەن.
ۆاكتسينالاۋ ناۋقانىن 1 اقپاندا باستاعان قازاقستاندا رەسەيلٸك "سپۋتنيك V" (قازٸر ونى قاراعاندىدا ٶندٸرەدٸ), وتاندىق QazVac, قىتايلىق Sinopharm كومپانيياسىنىڭ باە-دە ٶندٸرٸلگەن ۆاكتسيناسى Hayat-Vax پەن قىتايدا ٶندٸرٸلگەن ەكپەسٸن Vero Cell, سونداي-اق تاعى بٸر قىتاي كومپانيياسى Sinovac كومپانيياسىنىڭ ەكپەسٸ CoronaVac قولدانىلادى.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸ بويىنشا, ەلەمدە 222 ملن ادام كوروناۆيرۋسقا شالدىققان, 4,6 ميلليونى قايتىس بولعان.
