Sársenbi, 8 qyrkúiekte Qazaqstanda 4 106 adamnyń analizinen koronavirýs tabyldy. Bul bir kún burynǵy kórsetkishpen salystyrǵanda shamamen 500-ge kóp. Indet bastalǵaly beri elde 828 224 adamnyń PTR testi oń kórsetken.
7 qyrkúiekte 86 adam koronavirýs pen pnevmoniiadan qaitys bolǵan. 72-iniń PTR testi oń shyqqan, 14 adam pnevmoniianyń koronavirýsqa uqsas túrinen qaitys boldy dep aitylady. Seisenbi kúni 302 adamǵa koronavirýs pnevmoniiasy diagnozy qoiylǵan.
Halyqaralyq uiymdardyń qysymynan keiin Qazaqstan biligi 2020 jyldyń tamyzynan bastap koronavirýs pnevmoniiasynyń statistikasyn júrgize bastaǵan. Dúniejúzilik densaýlyq saqtaý uiymy byltyr maýsym men shildede qatty órship, báseńsigen "pnevmoniiany" "diagnozy durys qoiylmaǵan koronavirýs" dep ataǵan edi. 2020 jyldyń tamyzynan beri elde shamamen 72 myń adam koronavirýs pnevmoniiasyna shaldyqqan.
Qazir 84 262 adam koronavirýs infektsiiasynan (–76 339 + jáne 7 923 KVI-) emdelip jatyr. Olardyń ishinde 17 749 patsient statsionarda, 66 513 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 1 390 adamnyń jaǵdaiy aýyr,
• 346 patsienttiń jaǵdaiy óte aýyr,
• 197 naýqas ÓJJ apparatynda jatyr.
Indet bastalǵaly beri Qazaqstanda 10 076 adam koronavirýstan qaitys bolǵan. Koronavirýs pnevmoniiasy 4 611 adamnyń ólimine sebep bolǵan. Jergilikti komissiianyń sheshimimen "Covid-ten emes, basqa aýrýdan qaitys boldy" degen myńdaǵan adam ólimi densaýlyq saqtaý ministrliginiń bazasyna engizilmegen.
19 mln halqy bar Qazaqstanda 5,8 mln-ǵa jýyq adam koronavirýsqa qarsy tolyq egilgen.
Vaktsinalaý naýqanyn 1 aqpanda bastaǵan Qazaqstanda reseilik "Spýtnik V" (qazir ony Qaraǵandyda óndiredi), otandyq QazVac, qytailyq Sinopharm kompaniiasynyń BAÁ-de óndirilgen vaktsinasy Hayat-Vax pen Qytaida óndirilgen ekpesin Vero Cell, sondai-aq taǵy bir qytai kompaniiasy Sinovac kompaniiasynyń ekpesi CoronaVac qoldanylady.
Amerikalyq Djons Hopkins ýniversitetiniń málimeti boiynsha, álemde 222 mln adam koronavirýsqa shaldyqqan, 4,6 milliony qaitys bolǵan.
