قازاقستاندا كوروناۆيرۋستى تاعى 4866 ادام جۇقتىردى جەنە بۇعان دەيٸن اۋرۋعا شالدىققان 101 ادام قايتىس بولدى. بۇل تۋرالى دەنساۋلىق ساقتاۋ مينيسترلٸگٸ حابارلادى.
ماۋسىمنىڭ سوڭىندا ەلدە جۇقپالىعى مەن اۋىر حالگە تٷسٸرۋ جىلدامدىعى جوعارى "دەلتا" ۆاريانتى تٸركەلٸپ, كٷندەلٸكتٸ ناۋقاس سانى كٷرت ارتتى. شٸلدەنٸڭ سوڭىنان تامىزدىڭ ورتاسىنا دەيٸن كٷنٸنە اراسىندا 8 مىڭنان استام ناۋقاس انىقتالىپ جٷردٸ. كٸسٸ ٶلٸمٸ دە ارتتى. بٸرنەشە كٷندە تەۋلٸگٸنە 150-دەن استام ادام قايتىس بولدى, ال 18 تامىز كٷنٸ 163 كٸسٸنٸڭ ٶلٸمٸ تٸركەلٸپ, رەكورد ورنادى.
بٸراق تامىزدىڭ سوڭىنان باستاپ ٸندەتتٸڭ بەتٸ قايتا باستاعانى بايقالدى. كٷندەلٸك تٸركەلەتٸن ناۋقاستار سانى بٸرتٸندەپ ازايىپ, بەس مىڭنان تٶمەندەدٸ. كٸسٸ ٶلٸمٸ دە اۋرۋ ۋشىعا باستاعان شٸلدەنٸڭ سوڭىنداعى دەڭگەيگە دەيٸن تٶمەندەدٸ.
ەلدٸڭ ەپيدەمييالىق كارتاسىندا "قىزىل ايماقتان" شىعىپ جاتقان ٶڭٸرلەر سانى ارتتى. 3 قىركٷيەك كٷنٸ "سارى ايماقتا" شىعىس قازاقستان, جامبىل جەنە سولتٷستٸك قازاقستان وبلىستارى بولسا, 4 قىركٷيەك كٷنٸ ولاردىڭ قاتارىنا قىزىلوردا وبلىسى قوسىلدى. ٸندەتتٸڭ شارىقتاۋ شەگٸندە "قىزىل ايماقتا" بولعان تٷركٸستان وبلىسى قازٸر "جاسىل ايماقتا".
دەگەنمەن ٸندەت دەنساۋلىق جٷيەسٸنە ەلٸ دە سالماق تٷسٸرٸپ تۇر. دەنساۋلىق ساقتاۋ مينيسترلٸگٸنٸڭ مەلٸمەتٸنشە, قازٸر ەلدە كوروناۆيرۋستان بارلىعى 94 مىڭنان استام ادام ەمدەلٸپ جاتىر. ونىڭ 20,7 مىڭى ەمدٸ ستاتسيوناردا الىپ جاتىر. 420 ناۋقاستىڭ جاعدايى ٶتە اۋىر, 220 ادام ٶكپەنٸ جەلدەتۋ اپپاراتىنا قوسىلعان.
ٸندەت باستالعالى ەلدە 812 999 ادامنىڭ اناليزٸنەن كوروناۆيرۋس انىقتالعان. ولاردىڭ اراسىندا 9779 ادام قايتىس بولعان. بيلٸك بۇل ەسەپكە كوروناۆيرۋس جۇقتىرعانى راستالعان, بٸراق "ٶزگە اۋرۋدان قايتىس بولدى" دەگەن 2633 ادامدى قوسپاي وتىر.
سونىمەن قاتار قازاقستان ٷكٸمەتٸ بىلتىر 1 تامىزدان باستاپ كوروناۆيرۋس جۇقتىرعانى پتر تەستٸمەن راستالماعان, بٸراق اۋرۋ بەلگٸلەرٸ سوعان ۇقسايتىن "كوۆيدتەكستەس پنەۆمونييا" ناۋقاستارىنىڭ ەسەبٸن جٷرگٸزە باستادى. وسى كٷنگە دەيٸن پنەۆمونييانىڭ بۇل تٷرٸمەن 71 225 ادام تٸركەلدٸ. ونىڭ 4553-ٸ قايتىس بولعان.
19 ميلليون حالقى بار قازاقستاندا ٷكٸمەت 10 ميلليون ادامعا ۆاكتسينا سالۋدى كٶزدەپ وتىر. ۆاكتسينالاۋ ناۋقانىن 1 اقپاندا باستاعان بۇل ەلدە وسى كٷنگە دەيٸن بارلىعى 5,6 ميلليون ادام عانا ەكپەنٸ تولىق العان. بۇدان بٶلەك, 1 ميلليون 172 مىڭ ادام بٸرٸنشٸ دوزانى الىپ, ەكٸنشٸسٸن كٷتٸپ وتىر.
