6 قىركٷيەكتە قازاقستاندا 3583 ادامنىڭ اناليزٸنەن كوروناۆيرۋس تابىلدى. بيىل شٸلدە مەن تامىز ايلارىندا كوروناۆيرۋس ۋشىققان كەزدەن بەرٸ العاش رەت بٸر كٷندە تٸركەلگەن ناۋقاستار شامامەن 3,6 مىڭعا ازايىپ وتىر. بٸر كٷن بۇرىن 3,9 مىڭ ناۋقاس انىقتالعان.
كٷندٸك كٶرسەتكٸش بويىنشا الماتى (957), قاراعاندى وبلىسى (398), نۇر-سۇلتان (327), الماتى وبلىسى (246), اقمولا وبلىسى (221), قوستاناي وبلىسى (203) الدا تۇر. قالعان قالالار مەن وبلىستاردا بٸر تەۋلٸكتە تٸركەلگەن ناۋقاستار 200-گە جەتپەيدٸ.
2020 جىلدىڭ ناۋرىز ايىنان بەرٸ قازاقستاندا 820 مىڭ ادامنىڭ كوروناۆيرۋس تەستٸ وڭ شىققان. 727 مىڭى جازىلعان. كەشە, 6 قىركٷيەكتە 6342 ادام ايىققان.
قازاقستاندا پنەۆمونييانىڭ كوروناۆيرۋسقا ۇقساس تٷرٸنە شالدىققاندار Covid ستاتيستيكاسىنا ەنگٸزٸلمەي, بٶلەك ەسەپتەلەدٸ. بٸراق حالىقارالىق ساراپشىلار ونى كوروناۆيرۋس دەپ ەسەپتەيدٸ. 5 قىركٷيەكتە قازاقستاندا 12 ادامنىڭ كوروناۆيرۋس پنەۆمونيياسىنا شالدىققانى انىقتالعان. 2020 جىلدىڭ 1 تامىزىنان بەرٸ 71 مىڭ ادام وسى اۋرۋمەن اۋىرعان.
ٸندەت باستالعالى بەرٸ كوروناۆيرۋس تەستٸ وڭ شىققاندار اراسىندا 9915 ادام ٶلٸمٸ تٸركەلگەن. 5 قىركٷيەكتە 64 ادام قايتىس بولعان. 2020 جىلدىڭ تامىزىنان بەرٸ 4,5 مىڭ ادام كوروناۆيرۋس پنەۆمونيياسىنان كٶز جۇمعان. 15-ٸ ەكٸ كٷن بۇرىن قايتىس بولعان.
قازٸر 90 160 ادام كوروناۆيرۋس ينفەكتسيياسىنان (–82 575 + جەنە 7 585 كۆي-) ەمدەلٸپ جاتىر. ولاردىڭ ٸشٸندە 19 279 پاتسيەنت ستاتسيوناردا, 70 881 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
• 1 479 ادامنىڭ جاعدايى اۋىر,
• 387 پاتسيەنتتٸڭ جاعدايى ٶتە اۋىر,
• 209 ناۋقاس ٶجج اپپاراتىنا قوسىلعان
19 ملن حالقى بار قازاقستاندا 5,7 ملن ادام ۆاكتسينانىڭ تولىق دوزاسىن العان. 1,1 ملن ادامعا بٸر دوزاسى عانا سالىنعان.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸنشە, ٸندەت باستالعالى بەرٸ ەلەمدە 220 ميلليوننان استام ادام كوروناۆيرۋسپەن اۋىرعان, 4,5 ميلليونى قايتىس بولعان.
