6 qyrkúiekte Qazaqstanda 3583 adamnyń analizinen koronavirýs tabyldy. Biyl shilde men tamyz ailarynda koronavirýs ýshyqqan kezden beri alǵash ret bir kúnde tirkelgen naýqastar shamamen 3,6 myńǵa azaiyp otyr. Bir kún buryn 3,9 myń naýqas anyqtalǵan.
Kúndik kórsetkish boiynsha Almaty (957), Qaraǵandy oblysy (398), Nur-Sultan (327), Almaty oblysy (246), Aqmola oblysy (221), Qostanai oblysy (203) alda tur. Qalǵan qalalar men oblystarda bir táýlikte tirkelgen naýqastar 200-ge jetpeidi.
2020 jyldyń naýryz aiynan beri Qazaqstanda 820 myń adamnyń koronavirýs testi oń shyqqan. 727 myńy jazylǵan. Keshe, 6 qyrkúiekte 6342 adam aiyqqan.
Qazaqstanda pnevmoniianyń koronavirýsqa uqsas túrine shaldyqqandar Covid statistikasyna engizilmei, bólek esepteledi. Biraq halyqaralyq sarapshylar ony koronavirýs dep esepteidi. 5 qyrkúiekte Qazaqstanda 12 adamnyń koronavirýs pnevmoniiasyna shaldyqqany anyqtalǵan. 2020 jyldyń 1 tamyzynan beri 71 myń adam osy aýrýmen aýyrǵan.
Indet bastalǵaly beri koronavirýs testi oń shyqqandar arasynda 9915 adam ólimi tirkelgen. 5 qyrkúiekte 64 adam qaitys bolǵan. 2020 jyldyń tamyzynan beri 4,5 myń adam koronavirýs pnevmoniiasynan kóz jumǵan. 15-i eki kún buryn qaitys bolǵan.
Qazir 90 160 adam koronavirýs infektsiiasynan (–82 575 + jáne 7 585 KVI-) emdelip jatyr. Olardyń ishinde 19 279 patsient statsionarda, 70 881 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 1 479 adamnyń jaǵdaiy aýyr,
• 387 patsienttiń jaǵdaiy óte aýyr,
• 209 naýqas ÓJJ apparatyna qosylǵan
19 mln halqy bar Qazaqstanda 5,7 mln adam vaktsinanyń tolyq dozasyn alǵan. 1,1 mln adamǵa bir dozasy ǵana salynǵan.
Amerikalyq Djons Hopkins ýniversitetiniń málimetinshe, indet bastalǵaly beri álemde 220 millionnan astam adam koronavirýspen aýyrǵan, 4,5 milliony qaitys bolǵan.
