جەكسەنبٸ, 5 قىركٷيەكتە قازاقستاندا 3897 ادامنىڭ اناليزٸنەن كوروناۆيرۋس انىقتالدى. بۇل سەنبٸ كٷنگٸ كٶرسەتكٸشپەن سالىستىرعاندا 671 ادامعا از.
الماتى قالاسى بٸر كٷندە تٸركەلەتٸن ناۋقاستار سانى جٶنٸنەن رەسپۋبليكا بويىنشا الدىڭعى ورىندا قالىپ وتىر. مۇندا ٶتكەن تەۋلٸكتە 1085 ادامعا Covid جۇققانى بەلگٸلٸ بولدى. قاراعاندى وبلىسىندا – 492, نۇر-سۇلتاندا 330 ناۋقاس تٸركەلگەن.
ٸندەت باستالعالى بەرٸ قازاقستاندا 816 896 ادامعا كوروناۆيرۋس جۇققان, ولاردىڭ پتر-تەستٸ وڭ كٶرسەتكەن. بٸراق بۇل ستاتيستيكاعا پنەۆمونييانىڭ كوروناۆيرۋسقا ۇقساس تٷرٸ – كوروناۆيرۋس پنەۆمونيياسىنا شالدىققاندار ەنگٸزٸلمەگەن.
4 قىركٷيەكتە قازاقستاندا كوروناۆيرۋس ينفەكتسيياسىمەن بايلانىستى 91 ادام ٶلٸمٸ تٸركەلگەن. كوۆيد 72 ادامنىڭ ٶلٸمٸنە سەبەپ بولعان, 19 ادام كوروناۆيرۋس پنەۆمونيياسىنان قايتىس بولدى دەپ ايتىلادى.
بۇعان قوسا, سەنبٸ كٷنٸ 67 ادامنىڭ كوروناۆيرۋس پنەۆمونيياسىنا شالدىققانى بەلگٸلٸ بولعان.
قازٸر قازاقستاندا 93 مىڭ ادام كوروناۆيرۋستان ەمدەلٸپ جاتىر. ولاردىڭ ٸشٸندە 21 074 پاتسيەنت ستاتسيوناردا, 71 940 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
• 1 491 ادامنىڭ جاعدايى اۋىر,
• 425 پاتسيەنتتٸڭ جاعدايى ٶتە اۋىر,
• 201 ناۋقاس ٶجج اپپاراتىندا جاتىر.
2020 جىلدىڭ ناۋرىز ايىنان بەرٸ ەلدە 9851 ادام كوروناۆيرۋستان قايتىس بولعان. بۇعان قوسا, 4572 ادام كوروناۆيرۋس پنەۆمونيياسىنان (ەسەپ 2020 جىلدىڭ 1 تامىزىنان بەرٸ جٷرگٸزٸلٸپ كەلەدٸ) كٶز جۇمعان. ودان بٶلەك, ارنايى كوميسسييا ٶلٸمٸنە "كوروناۆيرۋس ەمەس", "باسقا اۋرۋ سەبەپ بولدى" دەپ تانىلعان مىڭنان استام ادامنىڭ ٶلٸمٸ Covid ستاتيستيكاسىنا ەنگٸزٸلمەگەن. ولاردىڭ بارلىعىنىڭ پتر-تەستٸ وڭ شىققان.
قازٸر الماتى قالاسى, نۇر-سۇلتان مەن شىمكەنت قالالارى جەنە 9 وبلىس "قىزىل ايماقتا" تۇر. شىعىس قازاقستان وبلىسى, جامبىل, قىزىلوردا, سولتٷستٸك قازاقستان وبلىستارى – "سارى ايماقتا". "جاسىل ايماقتا" تەك تٷركٸستان وبلىسى عانا تۇر.
19 ملن حالقى بار قازاقستاندا 5,6 ملن ادام ۆاكتسينانىڭ تولىق دوزاسىن العان. 1,2 ملن ادامعا بٸر دوزاسى عانا سالىنعان.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸنشە, ٸندەت باستالعالى بەرٸ ەلەمدە 220 ميلليوننان استام ادام كوروناۆيرۋسپەن اۋىرعان, 4,5 ميلليونى قايتىس بولعان.
