Jeksenbi, 5 qyrkúiekte Qazaqstanda 3897 adamnyń analizinen koronavirýs anyqtaldy. Bul senbi kúngi kórsetkishpen salystyrǵanda 671 adamǵa az.
Almaty qalasy bir kúnde tirkeletin naýqastar sany jóninen respýblika boiynsha aldyńǵy orynda qalyp otyr. Munda ótken táýlikte 1085 adamǵa Covid juqqany belgili boldy. Qaraǵandy oblysynda – 492, Nur-Sultanda 330 naýqas tirkelgen.
Indet bastalǵaly beri Qazaqstanda 816 896 adamǵa koronavirýs juqqan, olardyń PTR-testi oń kórsetken. Biraq bul statistikaǵa pnevmoniianyń koronavirýsqa uqsas túri – koronavirýs pnevmoniiasyna shaldyqqandar engizilmegen.
4 qyrkúiekte Qazaqstanda koronavirýs infektsiiasymen bailanysty 91 adam ólimi tirkelgen. Kovid 72 adamnyń ólimine sebep bolǵan, 19 adam koronavirýs pnevmoniiasynan qaitys boldy dep aitylady.
Buǵan qosa, senbi kúni 67 adamnyń koronavirýs pnevmoniiasyna shaldyqqany belgili bolǵan.
Qazir Qazaqstanda 93 myń adam koronavirýstan emdelip jatyr. Olardyń ishinde 21 074 patsient statsionarda, 71 940 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
• 1 491 adamnyń jaǵdaiy aýyr,
• 425 patsienttiń jaǵdaiy óte aýyr,
• 201 naýqas ÓJJ apparatynda jatyr.
2020 jyldyń naýryz aiynan beri elde 9851 adam koronavirýstan qaitys bolǵan. Buǵan qosa, 4572 adam koronavirýs pnevmoniiasynan (esep 2020 jyldyń 1 tamyzynan beri júrgizilip keledi) kóz jumǵan. Odan bólek, arnaiy komissiia ólimine "koronavirýs emes", "basqa aýrý sebep boldy" dep tanylǵan myńnan astam adamnyń ólimi Covid statistikasyna engizilmegen. Olardyń barlyǵynyń PTR-testi oń shyqqan.
Qazir Almaty qalasy, Nur-Sultan men Shymkent qalalary jáne 9 oblys "qyzyl aimaqta" tur. Shyǵys Qazaqstan oblysy, Jambyl, Qyzylorda, Soltústik Qazaqstan oblystary – "sary aimaqta". "Jasyl aimaqta" tek Túrkistan oblysy ǵana tur.
19 mln halqy bar Qazaqstanda 5,6 mln adam vaktsinanyń tolyq dozasyn alǵan. 1,2 mln adamǵa bir dozasy ǵana salynǵan.
Amerikalyq Djons Hopkins ýniversitetiniń málimetinshe, indet bastalǵaly beri álemde 220 millionnan astam adam koronavirýspen aýyrǵan, 4,5 milliony qaitys bolǵan.
