ٶتكەن تەۋلٸكتە 5631 ادامنىڭ كوروناۆيرۋس جۇقتىرعانى پتر تەست ارقىلى راستالدى دەپ حابارلايدى قازاقستان دەنساۋلىق ساقتاۋ مينيسترلٸگٸ. بۇل - كەشەگٸدەن 683 ادامعا از.
شٸلدەنٸڭ سوڭىنان بەرٸ تەۋلٸگٸنە مىڭ جارىم ادام كوروناۆيرۋس جۇقتىرىپ كەلە جاتقان الماتىدا بٷگٸن دە 1505 ادامنىڭ وسى اۋرۋمەن اۋىراتىنى بەلگٸلٸ بولدى. ۆيرۋس جۇقتىرعاندار جٶنٸنەن الدىڭعى ورىندا تۇرعان قاراعاندى وبلىسىنان ٶتكەن تەۋلٸكتە 860 ادام, نۇر-سۇلتان قالاسىنان 422 ادام انىقتالعان.
رەسمي ماعلۇمات بويىنشا, قازاقستاندا كوروناۆيرۋسپەن اۋىرعانى لابوراتورييادا راستالعان 748 851 ادام بار. دەنساۋلىق ساقتاۋ مينينسترلٸگٸ بازاسىندا تاعى دا 67,8 مىڭ ادام "كوروناۆيرۋس تەرٸزدٸ پنەۆمونييامەن اۋىرعاندار" تٸزٸمٸندە تۇر.
22 تامىز, جەكسەنبٸ كٷنٸ قازاقستاندا 97 ادام كوروناۆيرۋستان, 23 ادام "كوروناۆيرۋس تەرٸزدٸ پنەۆمونييادان" قايتىس بولعان.
ٸندەت باستالعالى قازاقستاندا 8512 ادام كوروناۆيرۋستان, 4263 "پنەۆمونييادان" قايتىس بولعان. بۇل ستاتيستيكاعا كوروناۆيرۋس قوسىمشا دياگنوز رەتٸندە عانا قويىلىپ, باسقا اۋرۋدان قايتىس بولدى دەپ ەسەپتەلگەندەر كٸرمەيدٸ. بۇل ستاتيستيكاعا كٷمەنمەن قارايتىندار دا بار.
شٸلدەنٸڭ سوڭىنان باستاپ قازاقستاندا تەۋٸلٸگٸنە التى-جەتٸ مىڭ ادام كوروناۆيرۋس جۇقتىراتىنى انىقتالعان. دەنساۋلىق ساقتاۋ مينيسترلٸگٸ ۆيرۋس جۇقتىرعانداردىڭ كٷرت كٶبەيگەنٸن تەز جۇعىپ, جىلدام تارالاتىن دەلتا-شتامنىڭ پايدا بولۋىمەن جەنە حالىقتىڭ قاۋٸپسٸزدٸك ساقتامايتىنىمەن بايلانىستىرادى.
24 تامىزداعى مەلٸمەت بويىنشا 123 226 ادام كوروناۆيرۋس ينفەكتسيياسىنان (117 339 كۆي+ جەنە 5 887 كۆي-) ەمدەلٸپ جاتىر. ولاردىڭ ٸشٸندە 28 577 پاتسيەنت ستاتسيوناردا, 94 649 ناۋقاس امبۋلاتورييالىق دەڭگەيدە ەم قابىلداپ جٷر.
كۆي+, كۆي- شالدىققانداردىڭ اراسىندا:
1 824 ادامنىڭ جاعدايى اۋىر,
555 پاتسيەنتتٸڭ جاعدايى ٶتە اۋىر,
267 ناۋقاس ٶجج اپپاراتىندا جاتىر
سونداي-اق, 24 تامىزداعى مەلٸمەت بويىنشا قازاقستاندا كوروناۆيرۋس ۆاكتسيناسىنىڭ I كومپونەنتٸن - 6 413 010, II كومپونەنتتٸ 5 070 640 ادام سالدىرعان.
ۆاكتسينا سالدىرعاندار سانى بويىنشا الماتى قالاسى الدىڭعى ورىندا, قالادا 844 909 تۇرعىن ۆاكتسينانىڭ بٸرٸنشٸ كومپونەنتٸن, 689 202 ادام ەكٸنشٸ كومپونەنتٸن سالدىرعان. ەكپە الۋدان ەكٸنشٸ ورىندا - تٷركٸستان وبلىسى. ٶڭٸردە 721 905 ادام كوروناۆيرۋس ۆاكتسيناسىنىڭ 1-كومپونەنتٸن, 542 455 ادام 2-كومپونەنتٸن ەگٸلگەن. ٷشٸنشٸ ورىندا الماتى وبلىسى - 647 770 ادام ەكپەنٸڭ بٸرٸنشٸ بٶلٸگٸن السا, 515 560 ادام ەكٸنشٸ بٶلٸگٸن قابىلداعان.
