Ótken táýlikte 5631 adamnyń koronavirýs juqtyrǵany PTR test arqyly rastaldy dep habarlaidy Qazaqstan Densaýlyq saqtaý ministrligi. Bul - keshegiden 683 adamǵa az.
Shildeniń sońynan beri táýligine myń jarym adam koronavirýs juqtyryp kele jatqan Almatyda búgin de 1505 adamnyń osy aýrýmen aýyratyny belgili boldy. Virýs juqtyrǵandar jóninen aldyńǵy orynda turǵan Qaraǵandy oblysynan ótken táýlikte 860 adam, Nur-Sultan qalasynan 422 adam anyqtalǵan.
Resmi maǵlumat boiynsha, Qazaqstanda koronavirýspen aýyrǵany laboratoriiada rastalǵan 748 851 adam bar. Densaýlyq saqtaý mininstrligi bazasynda taǵy da 67,8 myń adam "koronavirýs tárizdi pnevmoniiamen aýyrǵandar" tiziminde tur.
22 tamyz, jeksenbi kúni Qazaqstanda 97 adam koronavirýstan, 23 adam "koronavirýs tárizdi pnevmoniiadan" qaitys bolǵan.
Indet bastalǵaly Qazaqstanda 8512 adam koronavirýstan, 4263 "pnevmoniiadan" qaitys bolǵan. Bul statistikaǵa koronavirýs qosymsha diagnoz retinde ǵana qoiylyp, basqa aýrýdan qaitys boldy dep eseptelgender kirmeidi. Bul statistikaǵa kúmánmen qaraityndar da bar.
Shildeniń sońynan bastap Qazaqstanda táýiligine alty-jeti myń adam koronavirýs juqtyratyny anyqtalǵan. Densaýlyq saqtaý ministrligi virýs juqtyrǵandardyń kúrt kóbeigenin tez juǵyp, jyldam taralatyn delta-shtamnyń paida bolýymen jáne halyqtyń qaýipsizdik saqtamaitynymen bailanystyrady.
24 tamyzdaǵy málimet boiynsha 123 226 adam koronavirýs infektsiiasynan (117 339 KVI+ jáne 5 887 KVI-) emdelip jatyr. Olardyń ishinde 28 577 patsient statsionarda, 94 649 naýqas ambýlatoriialyq deńgeide em qabyldap júr.
KVI+, KVI- shaldyqqandardyń arasynda:
1 824 adamnyń jaǵdaiy aýyr,
555 patsienttiń jaǵdaiy óte aýyr,
267 naýqas ÓJJ apparatynda jatyr
Sondai-aq, 24 tamyzdaǵy málimet boiynsha Qazaqstanda koronavirýs vaktsinasynyń I komponentin - 6 413 010, II komponentti 5 070 640 adam saldyrǵan.
Vaktsina saldyrǵandar sany boiynsha Almaty qalasy aldyńǵy orynda, qalada 844 909 turǵyn vaktsinanyń birinshi komponentin, 689 202 adam ekinshi komponentin saldyrǵan. Ekpe alýdan ekinshi orynda - Túrkistan oblysy. Óńirde 721 905 adam koronavirýs vaktsinasynyń 1-komponentin, 542 455 adam 2-komponentin egilgen. Úshinshi orynda Almaty oblysy - 647 770 adam ekpeniń birinshi bóligin alsa, 515 560 adam ekinshi bóligin qabyldaǵan.
