ٶتكەن تەۋلٸكتە قازاقستاندا 3 676 ادامعا كوروناۆيرۋس جۇققانى پتر تەستپەن انىقتالدى. بۇل بٸر كٷن بۇرىنعى كٶرسەتكٸشپەن سالىستىرعاندا 430 ادامعا از.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, جۇما كٷنٸ الماتىدا 889 ادامنىڭ كوروناۆيرۋس تەستٸ وڭ شىققان. قازاقستانداعى ەڭ ٸرٸ قالا كٷندٸك كٶرسەتكٸش بويىنشا رەسپۋبليكادا بٸرٸنشٸ ورىندا تۇر. قاراعاندى وبلىسىندا - 390, نۇر-سۇلتاندا 317 ناۋقاس تٸركەلگەن.
2020 جىلدىڭ ناۋرىز ايىنان بەرٸ 835 مىڭ ادامنىڭ كوروناۆيرۋس تەستٸ وڭ شىققان.
9 قىركٷيەكتە قازاقستاندا 84 ادام – كوروناۆيرۋستان, 21 ادام كوروناۆيرۋس پنەۆمونيياسىنان (پنەۆمونييانىڭ Covid-كە ۇقساس تٷرٸ, بٸراق ەدەتتە وعان شالدىققاندىڭ پتر تەستٸ تەرٸس كٶرسەتەدٸ) قايتىس بولعان.
حالىقارالىق ۇيىمداردىڭ قىسىمىنان كەيٸن قازاقستان بيلٸگٸ 2020 جىلدىڭ تامىزىنان باستاپ كوروناۆيرۋس پنەۆمونيياسىنىڭ ستاتيستيكاسىن جٷرگٸزە باستاعان. دٷنيەجٷزٸلٸك دەنساۋلىق ساقتاۋ ۇيىمى بىلتىر ماۋسىم مەن شٸلدەدە قاتتى ٶرشٸپ, بەسەڭسٸگەن "پنەۆمونييانى" "دياگنوزى دۇرىس قويىلماعان كوروناۆيرۋس" دەپ اتاعان ەدٸ. ەلدە 2020 جىلدىڭ تامىزىنا دەيٸن كوروناۆيرۋس پنەۆمونيياسىنا شالدىققاندار كٶپ بولسا دا, ونىڭ ەسەبٸ "پنەۆمونييا" ستاتيستيكاسىنا ەنگٸزٸلمەدٸ.
ەكٸ كٷن بۇرىن ياعني, 9 تامىزدا قازاقستاندا 249 ادامعا كوروناۆيرۋس پنەۆمونيياسى دياگنوزى قويىلدى, 2020 جىلدىڭ تامىزىنان بەرٸ 72 مىڭ ادام وسى اۋرۋعا شالدىققان.
مينيسترلٸك مەلٸمەتٸنشە, ٸندەت باستالعالى كوروناۆيرۋستان – 10 238, كوروناۆيرۋس پنەۆمونيياسىنان 4 651 ادام قايتىس بولعان. جەرگٸلٸكتٸ كوميسسييانىڭ شەشٸمٸمەن "Covid-تەن ەمەس, باسقا اۋرۋدان قايتىس بولدى" دەگەن مىڭداعان ادام ٶلٸمٸ دەنساۋلىق ساقتاۋ مينيسترلٸگٸنٸڭ بازاسىنا ەنگٸزٸلمەگەن.
قازٸر 11 قىركٷيەكتەگٸ مەلٸمەت بويىنشا 79 884 ادام كوروناۆيرۋس ينفەكتسيياسىنان (71 716 كۆي+ جەنە 8 168 كۆي-) ەمدەلٸپ جاتىر. ولاردىڭ ٸشٸندە: 16 528 پاتسيەنت ستاتسيوناردا, 63 356 ناۋقاس امبۋلاتورييالىق دەڭگەيدە ەم قابىلداۋدا.
كۆي+, كۆي- شالدىققانداردىڭ اراسىندا:
1 316 ادامنىڭ جاعدايى اۋىر,
346 پاتسيەنتتٸڭ جاعدايى ٶتە اۋىر,
193 ناۋقاس ٶجج اپپاراتىندا جاتىر.
19 ملن حالقى بار قازاقستاندا 5,8 ملن ادام كوروناۆيرۋسقا قارسى تولىق ەگٸلگەن. 1,3 ملن ادام ەزٸرگە بٸر دوزاسىن عانا العان.
ۆاكتسينالاۋ ناۋقانىن 1 اقپاندا باستاعان قازاقستاندا رەسەيلٸك "سپۋتنيك V" (قازٸر ونى قاراعاندىدا ٶندٸرەدٸ), وتاندىق QazVac, قىتايلىق Sinopharm كومپانيياسىنىڭ باە-دە ٶندٸرٸلگەن ۆاكتسيناسى Hayat-Vax پەن قىتايدا ٶندٸرٸلگەن ەكپەسٸن Vero Cell, سونداي-اق تاعى بٸر قىتاي كومپانيياسى Sinovac كومپانيياسىنىڭ ەكپەسٸ CoronaVac قولدانىلادى. بيلٸك ددسۇ ماقۇلداعان امەريكالىق Pfizer ۆاكتسيناسى ەلگە قازان ايىندا جەتكٸزٸلەدٸ, بٸراق پرەپارات بٸرٸنشٸ كەزەكتە جٷكتٸ ەيەلدەر مەن 12 جاستان اسقان بالالارعا سالىناتىنىن مەلٸمدەگەن. مينيسترلٸك ۆاكتسينا بالالارعا اتا-اناسىنىڭ رۇقساتىمەن ەگٸلەتٸنٸن ايتىپ وتىر.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸ بويىنشا, ەلەمدە 223 ملن ادام كوروناۆيرۋسقا شالدىققان, 4,6 ميلليونى قايتىس بولعان.
