Ótken táýlikte Qazaqstanda 3 676 adamǵa koronavirýs juqqany PTR testpen anyqtaldy. Bul bir kún burynǵy kórsetkishpen salystyrǵanda 430 adamǵa az.
Densaýlyq saqtaý ministrliginiń málimetinshe, juma kúni Almatyda 889 adamnyń koronavirýs testi oń shyqqan. Qazaqstandaǵy eń iri qala kúndik kórsetkish boiynsha respýblikada birinshi orynda tur. Qaraǵandy oblysynda - 390, Nur-Sultanda 317 naýqas tirkelgen.
2020 jyldyń naýryz aiynan beri 835 myń adamnyń koronavirýs testi oń shyqqan.
9 qyrkúiekte Qazaqstanda 84 adam – koronavirýstan, 21 adam koronavirýs pnevmoniiasynan (pnevmoniianyń Covid-ke uqsas túri, biraq ádette oǵan shaldyqqandyń PTR testi teris kórsetedi) qaitys bolǵan.
Halyqaralyq uiymdardyń qysymynan keiin Qazaqstan biligi 2020 jyldyń tamyzynan bastap koronavirýs pnevmoniiasynyń statistikasyn júrgize bastaǵan. Dúniejúzilik densaýlyq saqtaý uiymy byltyr maýsym men shildede qatty órship, báseńsigen "pnevmoniiany" "diagnozy durys qoiylmaǵan koronavirýs" dep ataǵan edi. Elde 2020 jyldyń tamyzyna deiin koronavirýs pnevmoniiasyna shaldyqqandar kóp bolsa da, onyń esebi "pnevmoniia" statistikasyna engizilmedi.
Eki kún buryn iaǵni, 9 tamyzda Qazaqstanda 249 adamǵa koronavirýs pnevmoniiasy diagnozy qoiyldy, 2020 jyldyń tamyzynan beri 72 myń adam osy aýrýǵa shaldyqqan.
Ministrlik málimetinshe, indet bastalǵaly koronavirýstan – 10 238, koronavirýs pnevmoniiasynan 4 651 adam qaitys bolǵan. Jergilikti komissiianyń sheshimimen "Covid-ten emes, basqa aýrýdan qaitys boldy" degen myńdaǵan adam ólimi densaýlyq saqtaý ministrliginiń bazasyna engizilmegen.
Qazir 11 qyrkúiektegi málimet boiynsha 79 884 adam koronavirýs infektsiiasynan (71 716 KVI+ jáne 8 168 KVI-) emdelip jatyr. Olardyń ishinde: 16 528 patsient statsionarda, 63 356 naýqas ambýlatoriialyq deńgeide em qabyldaýda.
KVI+, KVI- shaldyqqandardyń arasynda:
1 316 adamnyń jaǵdaiy aýyr,
346 patsienttiń jaǵdaiy óte aýyr,
193 naýqas ÓJJ apparatynda jatyr.
19 mln halqy bar Qazaqstanda 5,8 mln adam koronavirýsqa qarsy tolyq egilgen. 1,3 mln adam ázirge bir dozasyn ǵana alǵan.
Vaktsinalaý naýqanyn 1 aqpanda bastaǵan Qazaqstanda reseilik "Spýtnik V" (qazir ony Qaraǵandyda óndiredi), otandyq QazVac, qytailyq Sinopharm kompaniiasynyń BAÁ-de óndirilgen vaktsinasy Hayat-Vax pen Qytaida óndirilgen ekpesin Vero Cell, sondai-aq taǵy bir qytai kompaniiasy Sinovac kompaniiasynyń ekpesi CoronaVac qoldanylady. Bilik DDSU maquldaǵan amerikalyq Pfizer vaktsinasy elge qazan aiynda jetkiziledi, biraq preparat birinshi kezekte júkti áielder men 12 jastan asqan balalarǵa salynatynyn málimdegen. Ministrlik vaktsina balalarǵa ata-anasynyń ruqsatymen egiletinin aityp otyr.
Amerikalyq Djons Hopkins ýniversitetiniń málimeti boiynsha, álemde 223 mln adam koronavirýsqa shaldyqqan, 4,6 milliony qaitys bolǵan.
