11 تامىزدا قازاقستاندا 7 747 ادامنىڭ اناليزٸنەن كوروناۆيرۋس انىقتالدى. بٸر كٷندە 7 512 ادام جازىلدى. دەنساۋلىق ساقتاۋ مينيسترلٸگٸنٸڭ بەيسەنبٸ كٷنگٸ حابارلاماسىندا وسىنداي مەلٸمەت كٶرسەتٸلگەن.
سەرسەنبٸ كٷنٸ الماتىدا – 1510, نۇر-سۇلتاندا – 1384, قاراعاندى وبلىسىندا – 1127, شىمكەنت قالاسىندا – 515, اتىراۋ وبلىسىندا – 460, اقتٶبە وبلىسىندا - 364, پاۆلودار وبلىسىندا 297 ناۋقاس تٸركەلگەن. قالعان وبلىستاردا بۇدان تٶمەن كٶرسەتكٸش تٸركەلگەن.
بٸر كٷن بۇرىن دەنساۋلىق ساقتاۋ مينيسترٸ الەكسەي تسوي تامىز باستالعالى بەرٸ ٸندەت بەسەڭدەدٸ دەپ مەلٸمدەگەن. بٸراق سوعان قاراماستان كٷن سايىن ورتاشا ەسەپپەن 7,5 مىڭ تٶڭٸرەگٸندە ناۋقاس انىقتالىپ جاتىر. بۇل مينيسترلٸكتٸڭ "وپتيميستٸك ستسەنارييٸندەگٸ" كٶرسەتكٸشتەن شامامەن مىڭ ناۋقاسقا كٶپ.
ۆەدومستۆو مەلٸمەتٸنشە, 10 تامىزدا 427 ادامعا كوروناۆيرۋس پنەۆمونيياسى دياگنوزى قويىلعان. سول كٷنٸ 129 ادام ٶلٸمٸ تٸركەلگەن: 105 ادام – كوروناۆيرۋستان, 24 ادام كوروناۆيرۋس پنەۆمونيياسىنان قايتىس بولدى دەپ ايتىلادى.
دەنساۋلىق ساقتاۋ سالاسىنىڭ ماماندارى ۆيرۋستىڭ كٷشەيۋٸن كوروناۆيرۋستىڭ دەلتا ۆاريانتىنىڭ جىلدام تاراۋىمەن بايلانىستىرادى. دەرٸگەرلەردٸڭ ايتۋىنشا, دەلتا "اعزا تاڭدامايدى, ول جىلدام اسقىنادى, سوزىلمالى اۋرۋدىڭ جوقتىعى اۋرۋدىڭ اسقىنباۋىنا كەپٸلدٸك بولا المايدى".
ٸندەت باستالعالى بەرٸ 664 مىڭ ادامنىڭ كوروناۆيرۋس تەستٸ وڭ شىققان. 548 مىڭى جازىلعان. 7 208-ٸ قايتىس بولعان. 2020 جىلدىڭ تامىز ايىنان بەرٸ 64 مىڭ ادام كوروناۆيرۋس پنەۆمونيياسىنا شالدىققان. 3973-ٸ قايتىس بولعان.
قازٸر 113 مىڭ ادام كوروناۆيرۋستان ەمدەلٸپ جاتىر. 30 مىڭ ناۋقاس ستاتسيوناردا جاتىر. 1849 ادامنىڭ جاعدايى اۋىر, 479 ناۋقاستىڭ حالٸ مٷشكٸل. 215 ادام جاساندى تىنىس اپپاراتىنا قوسىلعان.
اقپان ايىنان بەرٸ قازاقستاندا I كومپونەنتپەن - 5 939 533, II كومپونەنتپەن 4 563 841 ادام ۆاكتسينا سالدىردى.
