11 tamyzda Qazaqstanda 7 747 adamnyń analizinen koronavirýs anyqtaldy. Bir kúnde 7 512 adam jazyldy. Densaýlyq saqtaý ministrliginiń beisenbi kúngi habarlamasynda osyndai málimet kórsetilgen.
Sársenbi kúni Almatyda – 1510, Nur-Sultanda – 1384, Qaraǵandy oblysynda – 1127, Shymkent qalasynda – 515, Atyraý oblysynda – 460, Aqtóbe oblysynda - 364, Pavlodar oblysynda 297 naýqas tirkelgen. Qalǵan oblystarda budan tómen kórsetkish tirkelgen.
Bir kún buryn densaýlyq saqtaý ministri Aleksei Tsoi tamyz bastalǵaly beri indet báseńdedi dep málimdegen. Biraq soǵan qaramastan kún saiyn ortasha eseppen 7,5 myń tóńireginde naýqas anyqtalyp jatyr. Bul ministrliktiń "optimistik stsenariiindegi" kórsetkishten shamamen myń naýqasqa kóp.
Vedomstvo málimetinshe, 10 tamyzda 427 adamǵa koronavirýs pnevmoniiasy diagnozy qoiylǵan. Sol kúni 129 adam ólimi tirkelgen: 105 adam – koronavirýstan, 24 adam koronavirýs pnevmoniiasynan qaitys boldy dep aitylady.
Densaýlyq saqtaý salasynyń mamandary virýstyń kúsheiýin koronavirýstyń delta variantynyń jyldam taraýymen bailanystyrady. Dárigerlerdiń aitýynsha, delta "aǵza tańdamaidy, ol jyldam asqynady, sozylmaly aýrýdyń joqtyǵy aýrýdyń asqynbaýyna kepildik bola almaidy".
Indet bastalǵaly beri 664 myń adamnyń koronavirýs testi oń shyqqan. 548 myńy jazylǵan. 7 208-i qaitys bolǵan. 2020 jyldyń tamyz aiynan beri 64 myń adam koronavirýs pnevmoniiasyna shaldyqqan. 3973-i qaitys bolǵan.
Qazir 113 myń adam koronavirýstan emdelip jatyr. 30 myń naýqas statsionarda jatyr. 1849 adamnyń jaǵdaiy aýyr, 479 naýqastyń hali múshkil. 215 adam jasandy tynys apparatyna qosylǵan.
Aqpan aiynan beri Qazaqstanda I komponentpen - 5 939 533, II komponentpen 4 563 841 adam vaktsina saldyrdy.
