8 تامىزدا قازاقستاندا 7 671 ادامنىڭ اناليزٸنەن كوروناۆيرۋس انىقتالدى.
جەكسەنبٸ كٷنٸ ەڭ كٶپ ناۋقاس الماتىدا (1503) تٸركەلدٸ. نۇر-سۇلتاندا – 1452, قاراعاندىدا – 1058, شىمكەنتتە 565 ادامنىڭ كوروناۆيرۋس تەستٸ وڭ كٶرسەتكەن. اتىراۋ وبلىسىندا – 416, اقتٶبە وبلىسىندا 393 ادام كوروناۆيرۋس اۋرۋىنا شالدىققان. قالعان وبلىستاردا تٸركەلگەن ناۋقاستار 300-گە جەتپەيدٸ.
قازٸر تٷركٸستان وبلىسى كوروناۆيرۋستىڭ تاراۋى بويىنشا "سارى ايماقتا" تۇر. قالعان قالالار مەن وبلىستار "قىزىل ايماقتا".
دەنساۋلىق ساقتاۋ مينيسترلٸگٸنٸڭ مەلٸمەتٸنشە, 7 تامىزدا 76 ادامعا كوروناۆيرۋس پنەۆمونيياسى دياگنوزى قويىلعان. سول كٷنٸ 140 ادام ٶلٸمٸ تٸركەلگەن.
ٶتكەن اپتادا دەنساۋلىق ساقتاۋ سالاسىنىڭ ماماندارى ادام ٶلٸمٸنٸڭ كٶپ بولۋ سەبەبٸن كوروناۆيرۋستىڭ دەلتا ۆاريانتىنىڭ جىلدام تاراۋىمەن بايلانىستىرعان. دەرٸگەرلەردٸڭ ايتۋىنشا, دەلتا "اعزا تاڭدامايدى, ول جىلدام اسقىنادى, سوزىلمالى اۋرۋدىڭ جوقتىعى اۋرۋدىڭ اسقىنباۋىنا كەپٸلدٸك بولا المايدى".
ٸندەت باستالعالى بەرٸ 641 مىڭ ادامنىڭ كوروناۆيرۋس تەستٸ وڭ شىققان. 6876-سى قايتىس بولعان. 2020 جىلدىڭ تامىز ايىنان بەرٸ 63 مىڭ ادام كوروناۆيرۋس پنەۆمونيياسىنا شالدىققان. 3915-ٸ قايتىس بولعان.
قازاقستان كوروناۆيرۋس جۇقتىرعاندار مەن ودان قايتىس بولعاندار جٶنٸنەن ورتالىق ازييادا بٸرٸنشٸ ورىندا تۇر. پوستسوۆەتتٸك كەڭٸستٸكتە ونىڭ الدىندا رەسەي (6,3 ملن) مەن ۋكراينا (2,3 ملن) عانا بار.
دجونس حوپكينس ۋنيۆەرسيتەتٸنٸڭ مەلٸمەتٸنشە, قازاقستاندا ٸندەت باستالعالى بەرٸ كەمٸندە 697 580 ادام كوروناۆيرۋسقا شالدىققان. زەرتتەۋ ينستيتۋتى كوروناۆيرۋس پەن كوروناۆيرۋس پنەۆمونيياسىنا شالدىققانداردى بٸرگە ەسەپتەيدٸ. قازاقستان بيلٸگٸ كوروناۆيرۋس ستاتيستيكاسىنا كوروناۆيرۋس پنەۆمونيياسىن قوسۋدان باس تارتقان.
9 تامىزداعى دەرەك بويىنشا, قازٸر ەل ٶڭٸرلەرٸندە 113 186 ادام كوروناۆيرۋس ينفەكتسيياسىنان (–109 382 + جەنە 3 804 كۆي-) ەم قابىلداۋدا. ولاردىڭ ٸشٸندە 31 504 پاتسيەنت ستاتسيوناردا, 81 682 ناۋقاس امبۋلاتورييالىق دەڭگەيدە ەمدەلٸپ جاتىر.
كۆي+, كۆي- شالدىققانداردىڭ اراسىندا:
- 1 981 ادامنىڭ جاعدايى اۋىر,
- 402 پاتسيەنتتٸڭ جاعدايى ٶتە اۋىر,
- 192 ناۋقاس ٶكپەنٸ جاساندى جەلدەتۋ اپپاراتىنا قوسىلعان.
اقپان ايىنان بەرٸ 4,3 ملن-نان استام ادامعا كوروناۆيرۋسقا قارسى ۆاكتسينانىڭ ەكٸ دوزاسى سالىنعان. ال 5,7 ملن ادام ۆاكتسينانىڭ العاشقى دوزاسىن قابىلداعان.
