سۋرەت: egemen.kz
قر ۇلتتىق ەكونوميكا مينيسترٸ ەلٸبەك قۋانتىروۆ 2023 جىلى كوممۋنالدىق تاريفتەر ٶسەتٸنٸن ايتتى, دەپ حابارلايدى قازاقپارات.
بٷگٸن سەناتتىڭ جالپى وتىرىسىنان كەيٸن تٸلشٸلەر مينيستردەن ەلٸمٸزدە جەلٸلەردٸڭ توزۋى كٶرسەتكٸشٸنە قاراي تاريفتەر قالاي ٶزگەرەتٸنٸن سۇرادى.
«كەلەسٸ جىلدا, ياعني ەكٸنشٸ جارتىجىلدىقتان باستاپ تيٸستٸ ٶزگەرٸستەر بولادى. سەبەبٸ سۋبەكتٸلەرگە, سودان كەيٸن مەملەكەتتٸك مەنشٸكتە بولاتىن سۋبەكتٸلەرگە ٶز جۇمىسىن جاڭعىرتىپ, جەلٸلەردٸ جاڭارتۋ كەرەك. پرەزيدەنت سايلاۋالدى باعدارلاماسىندا تيٸستٸ كٶرسەتكٸشتەردٸ بەلگٸلەدٸ. وسى ورايدا جٷرگٸزٸلگەن ەسەپتەۋلار اياسىندا جەلٸلەردٸڭ توزۋ كٶرسەتكٸشٸن 15-20 پايىزعا تٶمەندەتەمٸز. تاريف كٶتەرٸلەدٸ, باسقا جول جوق. ەڭ كٷردەلٸ نىسانداردى قارايمىز. ولار جان-جاقتى زەرتتەلەدٸ. وعان بايلانىستى تيٸستٸ تاريفتٸ كٶتەرۋ مەسەلەسٸ قارالادى», - دەدٸ قۋانتىروۆ.
ونىڭ سٶزٸنە قاراعاندا, اتالعان زەرتتەۋلەر اياسىندا تاريفتەردٸڭ كٶلەمٸ ناقتىلانادى.
«مىسالى, ەكٸباستۇزدا سۋبەكتٸ تاريفتٸ 2,5 ەسە كٶتەرۋگە ۇسىنىس بەردٸ. ەرينە, وسىنداي دەڭگەيدە كٶتەرۋ مٷمكٸن ەمەس. سوندىقتان ونى ەلٸ دە تالقىلايمىز», - دەدٸ ۆەدومستۆو باسشىسى.
بۇل تۇرعىدا مينيستر تاريف كٶتەرۋ اياسىندا تۇرعىنداردىڭ جاعدايى نازارعا الىناتىنىن, حالىققا ەلەۋلٸ اۋىرتپالىق تٷسٸرمەۋ مەسەلەسٸ ەگجەي-تەگجەيلٸ قارالاتىنىن ايتتى.
ايتا كەتەيٸك, بٷگٸن سەناتتا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە مەملەكەت باسشىسىنىڭ جەكەلەگەن تاپسىرمالارىن ٸسكە اسىرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى قارالدى.
قۇجاتتا ينۆەستيتسييالاردى ۇلعايتۋ جەنە كوممۋنالدىق جەلٸلەردٸڭ توزۋىن ازايتۋ ٷشٸن قاجەتتٸ جۇمىستاردى جٷرگٸزۋ ماقساتىندا زاڭدا بەكٸتٸلگەن تاريفتٸ ونىڭ قولدانىلۋ مەرزٸمٸ اياقتالعانعا دەيٸن ٶزگەرتۋ تۇرعىسىندا قوسىمشا نەگٸزدٸ كٶزدەيتٸن تٷزەتۋلەر ۇسىنىلدى.
ەلٸبەك قۋانتىروۆ بۇل نورما قابىلدانسا, كەسٸپورىندار تاريفتٸ ٶز ەركٸنە قاراي كٶتەرە المايتىنىن تٷسٸندٸردٸ.
«بۇل رەتتە تيٸستٸ شەكتەۋلەر بولادى. ەر سۋبەكت پەن ٶڭٸر بويىنشا تاريفتەردٸ كٶتەرۋ تۋرالى ۇسىنىستارىن ەگجەي-تەگجەيلٸ قارايمىز. اتاپ ايتقاندا, بٸزدٸڭ ۆەدومستۆودا, ودان كەيٸن قوعام تالقىلاۋىندا بولادى», - دەدٸ مينيستر.
