بٷگٸن قر پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن كوروناۆيرۋستىڭ تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييا حالىق پەن مەملەكەتتٸك ورگانداردىڭ ۇسىنىستارىن ەسكەرە وتىرىپ, ەلٸمٸزدە شەكتەۋ شارالارىن تٶمەندەتۋ بويىنشا قوسىمشا شەشٸمدەر قابىلدادى.
2020 جىلعى 1 ماۋسىمنان باستاپ:
1) ٶڭٸرارالىق بلوك-بەكەتتەر الىنادى. باس مەملەكەتتٸك سانيتارلىق دەرٸگەرلەر مەن ٶڭٸرلەر ەكٸمدٸكتەرٸنٸڭ شەشٸمٸ بويىنشا كوروناۆيرۋستىڭ تارالۋ وشاعى بار ايماقتاردا جەرگٸلٸكتٸ بلوك-بەكەتتەر ساقتالۋى مٷمكٸن.
2) قازاقستاننىڭ وبلىس ورتالىقتارى مەن ٸرٸ قالالارىنا تەمٸر جول تاسىمالدارى, سونداي-اق ٶڭٸرارالىق اۆتوبۋسپەن جولاۋشىلار تاسىمالى قايتا جاڭعىرتىلادى.
جولاۋشىلاردى تاسىمالداۋ قاتاڭ تٷردە دەنساۋلىق ساقتاۋ مينيسترلٸگٸنٸڭ بەكٸتٸلگەن سانيتارلىق تالاپتارىنا سەيكەس جٷزەگە اسىرىلادى.
تەمٸرجول جەنە اۆتوۆوكزالداردا بەكٸتٸلگەن تالاپتاردىڭ ورىندالۋى ٸشكٸ ٸستەر مينيسترلٸگٸنٸڭ قىزمەتكەرلەرٸنٸڭ باقىلاۋىندا بولادى.
3) فيتنەس جەنە SPA ورتالىقتارىنىڭ قىزمەتٸ قايتا جاندانادى;
4) سپورت جەنە مەدەنيەت وبەكتٸلەرٸ كٶرەرمەنسٸز جۇمىس ٸستەي باستايدى.
5) مەكتەپكە دەيٸنگٸ بالالار مەكەمەلەرٸنٸڭ, قوسىمشا بٸلٸم بەرۋ ۇيىمدارىنىڭ (بٸر توپتا 15 بالادان كٶپ ەمەس), عىلىمي-زەرتتەۋ ينستيتۋتتارىنىڭ جەنە عىلىمي ورتالىقتاردىڭ جۇمىسى جاندانادى.
2020 جىلدىڭ 15 ماۋسىمىنان باستاپ سانيتارلىق تالاپتاردى ساقتاعان جاعدايدا كينوتەاترلاردىڭ جۇمىسى قايتا قالپىنا كەلتٸرٸلەتٸن بولادى.
سونىمەن قاتار بٸرقاتار ەلدەردە سانيتارلىق-ەپيدەميولوگييالىق جاعدايدىڭ تۇراقتالۋىن ەسكەرۋمەن, ۆەدومستۆوارالىق كوميسسييا مەملەكەتتٸك ورگاندارعا حالىقارالىق ەۋە رەيستەرٸن كەزەڭ-كەزەڭمەن جاڭعىرتۋ مەسەلەسٸن پىسىقتاۋدى تاپسىردى (ٸ كەزەڭ اياسىندا وڭتٷستٸك كورەيا, قىتاي حالىق رەسپۋبليكاسى جەنە ەزەربايجانمەن; ٸٸ كەزەڭ اياسىندا بٸرٸككەن اراب ەمٸرلٸگٸ, گەرمانييا, تٷركييا جەنە تايلاندپەن).
حالىقارالىق ەۋە رەيستەرٸنٸڭ قايتا ۇشىرىلا باستايتىن كٷنٸ مەملەكەتتٸك شەكارالاردىڭ اشىلۋىنا جەنە سانيتارلىق-ەپيدەميولوگييالىق جاعدايعا بايلانىستى انىقتالاتىن بولادى.
بٸرقاتار سالالار مەن وبەكتٸلەردٸڭ جۇمىسقا كٸرٸسۋٸن ەسكەرە وتىرىپ, ۆەدومستۆوارالىق كوميسسييا قازاقستاندىقتارعا اۋرۋدىڭ الدىن-الۋ شارالارىن قاتاڭ ساقتاۋ قاجەتتٸگٸن ەسكە سالادى (ماسكا كييۋ, ەلەۋمەتتٸك اراقاشىقتىقتى ساقتاۋ, قارىم-قاتىناستى ازايتۋ).
وتىرىس قورىتىندىسى بويىنشا پرەمەر-مينيستردٸڭ ورىنباسارى ە. توعجانوۆ بٸرقاتار ناقتى تاپسىرمالار بەردٸ.
