قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ قازاقستان اۋماعىندا قانشا تەكشە شاقىرىم جەراستى سۋ قورى بار ەكەنٸن ايتتى, دەپ حابارلايدى قازاقپارات.
«ەل ٸشٸندە 17 مىڭنان استام ٶزەن, 4 مىڭ كٶل جەنە جالپى اۋدانى 1 ملن شارشى شاقىرىم, كٶلەمٸ 187 تەكشە شاقىرىم بولاتىن 2,6 مىڭ مۇزدىق بار. بولجامدى قورى 58 تەكشە شاقىرىم بولاتىن 4,3 مىڭنان استام جەراستى سۋىنىڭ ورىندارى بار. سونىڭ ٸشٸندە 15,7 تەكشە شاقىرىمى پايدالانۋعا جارامدى دەپ بەكٸتٸلگەن», - دەدٸ مينيستر مەجٸلٸستە ٶتٸپ جاتقان پارلامەنتتٸك تىڭداۋدا.
ونىڭ ايتۋىنشا, سۋ شارۋاشىلىعى كەشەنٸنٸڭ ينفراقۇرىلىمى دامىپ كەلەدٸ.
«شامامەن 6 مىڭ سۋ شارۋاشىلىق وبەكتٸسٸ كٶلەمٸ 1 ملن تەكشە مەكتەردەن اساتىن 300-دەن استام سۋ قويماسى بار. كٶپجىلدىق ورتاشا ٶزەن رەسۋرستارى جىلىنا 102,3 تەكشە شاقىرىم بولادى. ونىڭ 54,5 تەكشەشاقىرىمى - ٸشكٸ اعىن بولسا, 47,8 تەكشە شاقىرىمى - ورتالىق ازييادان, رەسەيدە جەنە قىتايدان كەلەدٸ. قازاقستان ترانسشەكارالىق اعىمدارعا تەۋەلدٸ. ەسٸرەسە ٶمٸر سٷرۋ جاعدايى سۋمەن قامتىلۋعا تٸكەلەي تەۋەلدٸ وڭتٷستٸك جەنە باتىس ٶڭٸرلەردٸڭ تەۋەلدٸلٸگٸ جوعارى», - دەدٸ ۆەدومستۆو باسشىسى.
