QR Ekologiia, geologiia jáne tabiǵi resýrstar ministri Serikqali Brekeshev Qazaqstan aýmaǵynda qansha tekshe shaqyrym jerasty sý qory bar ekenin aitty, dep habarlaidy QazAqparat.
«El ishinde 17 myńnan astam ózen, 4 myń kól jáne jalpy aýdany 1 mln sharshy shaqyrym, kólemi 187 tekshe shaqyrym bolatyn 2,6 myń muzdyq bar. Boljamdy qory 58 tekshe shaqyrym bolatyn 4,3 myńnan astam jerasty sýynyń oryndary bar. Sonyń ishinde 15,7 tekshe shaqyrymy paidalanýǵa jaramdy dep bekitilgen», - dedi ministr Májiliste ótip jatqan parlamenttik tyńdaýda.
Onyń aitýynsha, sý sharýashylyǵy kesheniniń infraqurylymy damyp keledi.
«Shamamen 6 myń sý sharýashylyq obektisi kólemi 1 mln tekshe mekterden asatyn 300-den astam sý qoimasy bar. Kópjyldyq ortasha ózen resýrstary jylyna 102,3 tekshe shaqyrym bolady. Onyń 54,5 teksheshaqyrymy - ishki aǵyn bolsa, 47,8 tekshe shaqyrymy - Ortalyq Aziiadan, Reseide jáne Qytaidan keledi. Qazaqstan transshekaralyq aǵymdarǵa táýeldi. Ásirese ómir súrý jaǵdaiy sýmen qamtylýǵa tikelei táýeldi ońtústik jáne batys óńirlerdiń táýeldiligi joǵary», - dedi vedomstvo basshysy.
