پرەمەر-مينيستر ەليحان سمايىلوۆ پەن Adani Group كومپانيياسىنىڭ پرەزيدەنتٸ گاۋتاما اداني قازاقستاندا بٸرقاتار ينۆەستيتسييالىق جوبانى ٸسكە قوسۋ پەرسپەكتيۆالارىن تالقىلادى, - دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
كٶلٸك جەنە لوگيستيكا, ەنەرگەتيكا, تاۋ-كەن مەتاللۋرگييا كەشەنٸ, مۇناي-حيمييا, اۋىل شارۋاشىلىعى جەنە ت. ب. سالالاردا جوبالاردى ٸسكە اسىرۋ مٷمكٸندٸكتەرٸ قارالدى.
پرەمەر-مينيستر مۇنىڭ بارلىعى قازاقستان ەكونوميكاسى ٷشٸن باسىم باعىتتار ەكەنٸن اتاپ ٶتتٸ.
"وسى ورايدا Adani Group-پەن ىنتىماقتاستىقتىڭ ەلەۋەتٸ زور دەپ سانايمىز جەنە سٸزدٸڭ كومپانيياڭىزدىڭ بٸزدٸڭ ەلٸمٸزدەگٸ ٸسكەرلٸك بايلانىستاردى كەڭەيتۋ نيەتٸن قۇپتايمىز", - دەدٸ ەليحان سمايىلوۆ.
ول رەسپۋبليكادا جاڭا ينۆەستيتسييالىق جوبالاردى ٸسكە قوسۋ جەنە جالپى كەسٸپكەرلٸك قىزمەتتٸ جٷرگٸزۋ ٷشٸن قولايلى جاعدايلار جاسالعانىن ايتتى. سونىمەن قاتار, ٷكٸمەت قازاقستاندا حولدينگ جوبالارىن ٸسكە اسىرۋ ٷشٸن جان-جاقتى قولداۋ كٶرسەتۋگە دايىن.
ٶز كەزەگٸندە گاۋتاما اداني كومپانييا بٸرٸنشٸ كەزەكتە ازاماتتىق اۆياتسييا, مۇناي-حيمييا سەكتورى, كٶلٸك-لوگيستيكالىق ينفراقۇرىلىم, جاڭارتىلاتىن ەنەرگييا كٶزدەرٸن دامىتۋ جەنە "جاسىل" سۋتەگٸن ٶندٸرۋ بويىنشا جوبالارعا قىزىعۋشىلىق تانىتىپ وتىرعانىن اتاپ ٶتتٸ.
"بٸز ۇزاقمەرزٸمدٸ ينۆەستيتسييالار سالۋعا مٷددەلٸمٸز جەنە قازاقستاندا قانداي مٷمكٸندٸكتەر, قانداي جوبالار بويىنشا ورتاق قىزىعۋشىلىق بارىن بٸلگٸمٸز كەلەدٸ. بەلسەندٸ جۇمىس ٸستەۋگە دايىنبىز", - دەدٸ اداني.
ايتا كەتەيٸك, Adani Group – 1988 جىلى گاۋتاما اداني نەگٸزٸن قالاعان ٷندٸ كٶپۇلتتى كونگلومەراتى. كومپانييالار توبى ەلەمنٸڭ 70 ەلٸندە بار جەنە اكتيۆتەرٸنٸڭ جيىنتىق قۇنى $100 ملرد-تى قۇرايدى. كونگلومەرات جۇمىس ٸستەگەن جىلدارى ەلەم بويىنشا 100 مىڭنان استام تٸكەلەي جەنە جاناما جۇمىس ورنىن قۇردى.
ەسكە سالايىق, گاۋتاما اداني استاناعا 13 جەلتوقساندا ٸسساپارمەن كەلگەن بولاتىن. سول كٷنٸ پرەزيدەنت قاسىم-جومارت توقاەۆپەن كەزدەستٸ.
