مەجٸلٸستٸڭ جالپى وتىرىسىندا ۇلتتىق بانك تٶراعاسى ەربولات دوساەۆ ەلٸمٸزدە ينفلياتسييانىڭ ٶسۋٸنٸڭ نەگٸزگٸ سەبەپتەرٸن ايتتى, دەپ حابارلايدى قازاقپارات.
«بيىلعى جىلدىڭ ەكٸنشٸ جارتىجىلدىعىنان باستاپ قازاقستاندا ينفلياتسييا تۇتىنۋشىلىق بەلسەندٸلٸكتٸڭ تەز قالپىنا كەلۋٸ, ەكونوميكانى فيسكالدىق ىنتالاندىرۋدىڭ جالعاسۋى جەنە جەكەلەگەن تاۋار نارىقتارىنداعى تەڭگەرٸمسٸزدٸكتەرٸ نەتيجەسٸندە ٶستٸ», - دەدٸ ە. دوساەۆ.
ونىڭ ايتۋىنشا, ازىق-تٷلٸك باعاسىنىڭ ٶسۋٸ نەگٸزگٸ ينفلياتسيياعا قارسى فاكتور بولدى, ول جالپى ينفلياتسيياعا جارتىسىنان كٶپ ٷلەس قوسادى. ازىق-تٷلٸك ينفلياتسيياسى بيىلعى قىركٷيەكتە ۋاقىتشا جەنە ورنىقتى فاكتورلاردىڭ ەسەرٸنەن 11,5%-عا دەيٸن جىلدامدادى.
«وسى جىلعى شٸلدە-تامىزدا جاز ايلارىنا تەن ەمەس جەنە ۇزاق ساقتالاتىن كٶكٶنٸستەر (كارتوپ, سەبٸز, قىزىلشا) باعاسىنىڭ سوڭعى جىلدارداعى رەكورد ٶسۋٸ تٸركەلدٸ. ەت, ٶسٸمدٸك مايى جەنە قانت باعاسىنىڭ ٶسۋٸ ينفلياتسييانى جىلدامداتۋدىڭ تۇراقتى فاكتورى بولىپ قالۋدا, بۇل ٶسۋ دەڭگەيٸن ەلەمدٸك ٷردٸستەرمەن سالىستىرۋعا بولادى. فاو دەرەكتەرٸنە سەيكەس, بٸر جىلدا ەتتٸڭ ەلەمدٸك باعاسى ورتا ەسەپپەن 26,3%-عا, ٶسٸمدٸك مايىنىڭ باعاسى – 61,2%-عا, قانتتىڭ باعاسى – 53,5%-عا ٶستٸ», - دەدٸ ۇب باسشىسى.
ونىڭ سٶزٸنە قاراعاندا, بٸرٸنشٸ كەزەكتە تۇتىنۋشىلىق بەلسەندٸلٸكتٸڭ قالپىنا كەلۋٸ اياسىندا جانار-جاعار ماي جەنە ۇزاق پايدالانىلاتىن تاۋارلار باعاسىنىڭ ٶسۋٸ نەتيجەسٸندە قازاقستاندا ازىق-تٷلٸككە جاتپايتىن ينفلياتسييا 7,5%-عا دەيٸن جىلدامدادى.
«اقىلى قىزمەتتەر ينفلياتسيياسى نەگٸزٸنەن ەلەكتر ەنەرگيياسى, تۇرعىن ٷيدٸ جالداۋ جەنە كٶلٸك قىزمەتتەرٸ باعاسىنىڭ ٶسۋٸ ەسەبٸنەن 6,8%-عا دەيٸن جىلدامدادى», - دەدٸ ە. دوساەۆ.
