Májilistiń jalpy otyrysynda Ulttyq bank tóraǵasy Erbolat Dosaev elimizde infliatsiianyń ósýiniń negizgi sebepterin aitty, dep habarlaidy QazAqparat.
«Biylǵy jyldyń ekinshi jartyjyldyǵynan bastap Qazaqstanda infliatsiia tutynýshylyq belsendiliktiń tez qalpyna kelýi, ekonomikany fiskaldyq yntalandyrýdyń jalǵasýy jáne jekelegen taýar naryqtaryndaǵy teńgerimsizdikteri nátijesinde ósti», - dedi E. Dosaev.
Onyń aitýynsha, azyq-túlik baǵasynyń ósýi negizgi infliatsiiaǵa qarsy faktor boldy, ol jalpy infliatsiiaǵa jartysynan kóp úles qosady. Azyq-túlik infliatsiiasy biylǵy qyrkúiekte ýaqytsha jáne ornyqty faktorlardyń áserinen 11,5%-ǵa deiin jyldamdady.
«Osy jylǵy shilde-tamyzda jaz ailaryna tán emes jáne uzaq saqtalatyn kókónister (kartop, sábiz, qyzylsha) baǵasynyń sońǵy jyldardaǵy rekord ósýi tirkeldi. Et, ósimdik maiy jáne qant baǵasynyń ósýi infliatsiiany jyldamdatýdyń turaqty faktory bolyp qalýda, bul ósý deńgeiin álemdik úrdistermen salystyrýǵa bolady. FAO derekterine sáikes, bir jylda ettiń álemdik baǵasy orta eseppen 26,3%-ǵa, ósimdik maiynyń baǵasy – 61,2%-ǵa, qanttyń baǵasy – 53,5%-ǵa ósti», - dedi UB basshysy.
Onyń sózine qaraǵanda, birinshi kezekte tutynýshylyq belsendiliktiń qalpyna kelýi aiasynda janar-jaǵar mai jáne uzaq paidalanylatyn taýarlar baǵasynyń ósýi nátijesinde Qazaqstanda azyq-túlikke jatpaityn infliatsiia 7,5%-ǵa deiin jyldamdady.
«Aqyly qyzmetter infliatsiiasy negizinen elektr energiiasy, turǵyn úidi jaldaý jáne kólik qyzmetteri baǵasynyń ósýi esebinen 6,8%-ǵa deiin jyldamdady», - dedi E. Dosaev.
