دەنساۋلىق ساقتاۋ مينيسترلٸگٸ قان تاپسىرعانى ٷشٸن دونورعا بەرٸلەتٸن تەگٸن تاماقتىڭ اقشالاي بالاماسىنىڭ مٶلشەرٸن ۇلعايتۋدى جوسپارلاپ وتىر, دەپ حابارلايدى Sputnik قازاقستان.
"قاندى جەنە (نەمەسە) ونىڭ كومپونەنتتەرٸن دوناتسييالاۋدى ٶتەۋسٸز نەگٸزدە جٷزەگە اسىرعان دونورعا بەرٸلەتٸن تەگٸن تاماقتىڭ اقشالاي بالاماسى تيٸستٸ قارجى جىلىنا ارنالعان رەسپۋبليكالىق بيۋدجەت تۋرالى زاڭمەن بەلگٸلەنگەن ايلىق ەسەپتٸك كٶرسەتكٸشتٸڭ 1,5 مٶلشەرٸن قۇرايدى", - دەلٸنگەن "اشىق نقا" پورتالىندا جارييالانعان بۇيرىق جوباسىندا.
بيىل 1 اەك 2917 تەڭگە ەكەنٸن ەسكەرسەك, بۇل سوما 4375 تەڭگەگە جەتەدٸ.
ايتا كەتەرٸ, قازٸر ٶتەۋسٸز نەگٸزدە قان تاپسىراتىن دونورعا بەرٸلەتٸن تەگٸن تاماقتىڭ اقشالاي بالاماسى 0,25 اەك نەمەسە 729 تەڭگەنٸ قۇرايدى.
تٷسٸندٸرمە حاتتا ايتىلعانداي, رەسەيدە دونورعا 1200 رۋب ≈ 6800 تەڭگە, بەلارۋستە 31,55 بەل.رۋب ≈ 5 045 تەڭگە بەرٸلەدٸ. ال گەرمانييادا تەگٸن تاماقتان بٶلەك, 40 ەۋرو ≈ 20 200 تەڭگەگە دەيٸن الۋعا بولادى.
"قازاق تاعامتانۋ اكادەميياسىنىڭ" ۇسىنىمدارىنا سەيكەس, دونورلار قان تاپسىرعان كٷنٸ اقشالاي بالاماسى 1,5 اەك نەمەسە ازىق-تٷلٸك جيىنتىعى 4790 ككال بولاتىن تاعام راتسيونىن الۋى كەرەك", - دەلٸنگەن قۇجاتتا.
جوبانى قوعامدىق تالقىلاۋ مەرزٸمٸ 20 قىركٷيەككە دەيٸن سوزىلادى.
