Densaýlyq saqtaý ministrligi qan tapsyrǵany úshin donorǵa beriletin tegin tamaqtyń aqshalai balamasynyń mólsherin ulǵaitýdy josparlap otyr, dep habarlaidy Sputnik Qazaqstan.
"Qandy jáne (nemese) onyń komponentterin donatsiialaýdy óteýsiz negizde júzege asyrǵan donorǵa beriletin tegin tamaqtyń aqshalai balamasy tiisti qarjy jylyna arnalǵan respýblikalyq biýdjet týraly zańmen belgilengen ailyq eseptik kórsetkishtiń 1,5 mólsherin quraidy", - delingen "Ashyq NQA" portalynda jariialanǵan buiryq jobasynda.
Biyl 1 AEK 2917 teńge ekenin eskersek, bul soma 4375 teńgege jetedi.
Aita keteri, qazir óteýsiz negizde qan tapsyratyn donorǵa beriletin tegin tamaqtyń aqshalai balamasy 0,25 AEK nemese 729 teńgeni quraidy.
Túsindirme hatta aitylǵandai, Reseide donorǵa 1200 rýb ≈ 6800 teńge, Belarýste 31,55 bel.rýb ≈ 5 045 teńge beriledi. Al Germaniiada tegin tamaqtan bólek, 40 eýro ≈ 20 200 teńgege deiin alýǵa bolady.
"Qazaq taǵamtaný akademiiasynyń" usynymdaryna sáikes, donorlar qan tapsyrǵan kúni aqshalai balamasy 1,5 AEK nemese azyq-túlik jiyntyǵy 4790 kkal bolatyn taǵam ratsionyn alýy kerek", - delingen qujatta.
Jobany qoǵamdyq talqylaý merzimi 20 qyrkúiekke deiin sozylady.
