قازاقستاندا يت ايقاسىن ٶتكٸزۋگە زاڭنامالىق تٷردە تىيىم سالىنباق. بۇل تۋرالى قر ەكولوگييا, گەولوگييا جەنە تابيعي رەسۋرستار ۆيتسە-مينيسترٸ ەلييا شالابەكوۆا مەجٸلٸستە «جانۋارلارعا جاۋاپكەرشٸلٸكپەن قاراۋ تۋرالى» زاڭ جوباسىن تانىستىرۋ كەزٸندە ايتتى, دەپ حابارلايدى قازاقپارات.
«بٷگٸن نازارلارىڭىزعا ۇسىنىلعان زاڭ جوباسى جانۋارلارعا قاتىستى كەلەڭسٸز كٶرٸنٸستەرگە توسقاۋىل قويادى. مۇنداي كٶرٸنٸستەرگە, اتاپ ايتقاندا, يت ايقاستىرۋ, انەستەزيياسىز ۆەتەرينارييالىق وپەراتسييالار جٷرگٸزۋ, جانۋارلاردى ٶلتٸرگەنٸ ٷشٸن جازاسىز قالۋ, جانۋارلاردى اش ۇستاۋ جەنە ولارعا ۋاقىتىندا كٶمەك كٶرسەتپەۋ, قاتٸگەزدٸكپەن اۋلاۋ, جەۋگە جەنە ٶنٸم الۋعا ارنالماعان جانۋارلاردىڭ ەتٸ مەن مايىن پايدالانۋ جاتادى», - دەدٸ ۆيتسە-مينيستر.
ونىڭ ايتۋىنشا, زاڭ جوباسىنىڭ ەرەجەلەرٸن ٸسكە اسىرۋ ٷشٸن قولدانىستاعى زاڭناماعا, اتاپ ايتقاندا قىلمىستىق كودەكسكە, ەكٸمشٸلٸك قۇقىق بۇزۋشىلىق تۋرالى كودەكسكە, جەرگٸلٸكتٸ مەملەكەتتٸك باسقارۋ جەنە ٶزٸن-ٶزٸ باسقارۋ تۋرالى, ۆەتەرينارييا تۋرالى, جانۋارلار دٷنيەسٸن قورعاۋ, ٶسٸمٸن مولايتۋ جەنە پايدالانۋ تۋرالى زاڭدارعا ٶزگەرٸستەر مەن تولىقتىرۋلار ەنگٸزۋ قاجەت.
«جانۋارلارعا جاۋاپكەرشٸلٸكپەن قاراۋ تۋرالى» زاڭ جوباسىن قابىلداۋ قازاقستاننىڭ پروگرەسسيۆتٸ, زاماناۋي مەملەكەت رەتٸندەگٸ يميدجٸن نىعايتادى, بارلىق تٸرشٸلٸك يەلەرٸنە ادامگەرشٸلٸك پەن ٸزگٸ قارىم-قاتىناستى قالىپتاستىرۋعا, ٷي جانۋارلارىنا قاتىستى تۇرمىستىق زورلىق-زومبىلىقتىڭ الدىن الۋعا مٷمكٸندٸك بەرەدٸ دەپ سانايمىز», - دەپ تٷيٸندەدٸ ۆيتسە-مينيستر.
