مەملەكەت باسشىسى قاسىم-جومارت توقاەۆ رەسەيدٸڭ «كومسومولسكايا پراۆدا» گازەتٸنە بەرگەن سۇحباتىندا قر تۇڭعىش پرەزيدەنتٸ نۇرسۇلتان نازارباەۆتىڭ تاريحي رٶلٸ تۋرالى پٸكٸر بٸلدٸردٸ, دەپ حابارلايدى "ۇلت اقپارات".
«تۇڭعىش پرەزيدەنت نۇرسۇلتان نازارباەۆ –قازٸرگٸ قازاقستاننىڭ نەگٸزٸن قالاۋشى, اۋقىمى كەڭ تاريحي تۇلعا. جاقىندا (6 شٸلدە كٷنٸ) بٸز ەلباسىنىڭ 80 جاسقا تولعان مەرەيتويىن اتاپ ٶتەمٸز. ەرينە, ونىڭ ەلٸمٸز بەن حالىقارالىق قاۋىمداستىق الدىنداعى ەڭبەگٸ جٶنٸندە ايتامىز. بٸز ٷشٸن ونىڭ تاريحي جەنە ساياسي مۇراسىن ساقتاپ قالۋ ماڭىزدى. بۇل قازاقستاننىڭ مەملەكەتتٸلٸگٸن نىعايتۋ ٷشٸن اسا قاجەت. سوندىقتان, مەنٸڭ سايلاۋالدى باعدارلامامنىڭ العاشقى پۋنكتٸ ساباقتاستىق دەپ اتالدى», - دەپ جاۋاپ بەردٸ پرەزيدەنت تٸلشٸ سۇراعىنا.
سونىمەن بٸرگە, قاسىم-جومارت توقاەۆ تۇڭعىش پرەزيدەنتتٸڭ ٶزٸنە قولداۋ كٶرسەتكەنٸن ايرىقشا اتاپ ٶتتٸ.
«قازٸرگٸ كٷردەلٸ جاعدايدا ن.نازارباەۆ مەنٸڭ داعدارىستان جەدەل شىعۋ, جاڭا ەكونوميكا قۇرىپ, ازاماتتارعا ماتەريالدىق كٶمەك بەرۋ جٶنٸندەگٸ باعىتىما ناقتى قولداۋ كٶرسەتتٸ. ەشقانداي قوس بيلٸك جوق. بۇل تۋرالى نۇرسۇلتان ەبٸشۇلىنىڭ ٶزٸ دە بٸرنەشە رەت ايتتى جەنە قوعامدى قازٸرگٸ پرەزيدەنتتٸڭ اينالاسىنا بٸرٸگۋگە شاقىردى», - دەدٸ قر پرەزيدەنتٸ.
ەسكە سالايىق, بٷگٸن مەملەكەت باسشىسىنىڭ رەسەيدٸڭ «كومسومولسكايا پراۆدا» گازەتٸنە سۇحباتى جارييالاندى.
