Memleket basshysy Qasym-Jomart Toqaev Reseidiń «Komsomolskaia pravda» gazetine bergen suhbatynda QR Tuńǵysh Prezidenti Nursultan Nazarbaevtyń tarihi róli týraly pikir bildirdi, dep habarlaidy "Ult aqparat".
«Tuńǵysh Prezident Nursultan Nazarbaev –qazirgi Qazaqstannyń negizin qalaýshy, aýqymy keń tarihi tulǵa. Jaqynda (6 shilde kúni) biz Elbasynyń 80 jasqa tolǵan mereitoiyn atap ótemiz. Árine, onyń elimiz ben halyqaralyq qaýymdastyq aldyndaǵy eńbegi jóninde aitamyz. Biz úshin onyń tarihi jáne saiasi murasyn saqtap qalý mańyzdy. Bul Qazaqstannyń memlekettiligin nyǵaitý úshin asa qajet. Sondyqtan, meniń sailaýaldy baǵdarlamamnyń alǵashqy pýnkti sabaqtastyq dep ataldy», - dep jaýap berdi Prezident tilshi suraǵyna.
Sonymen birge, Qasym-Jomart Toqaev Tuńǵysh Prezidenttiń ózine qoldaý kórsetkenin airyqsha atap ótti.
«Qazirgi kúrdeli jaǵdaida N.Nazarbaev meniń daǵdarystan jedel shyǵý, jańa ekonomika quryp, azamattarǵa materialdyq kómek berý jónindegi baǵytyma naqty qoldaý kórsetti. Eshqandai qos bilik joq. Bul týraly Nursultan Ábishulynyń ózi de birneshe ret aitty jáne qoǵamdy qazirgi Prezidenttiń ainalasyna birigýge shaqyrdy», - dedi QR Prezidenti.
Eske salaiyq, búgin Memleket basshysynyń Reseidiń «Komsomolskaia pravda» gazetine suhbaty jariialandy.
