قازاقستاندا ەلدٸ مەكەندەرگە تاقاۋ قويمالاردان 20 مىڭ توننادان استام وق-دەرٸ شىعارىلدى. بۇل تۋرالى قر قورعانىس مينيسترٸنٸڭ ورىنباسارى, گەنەرال-مايور باقىت قۇرمانباەۆ ايتتى, دەپ حابارلايدى قازاقپارات.
«مەملەكەت باسشىسىنىڭ تاپسىرماسىن ورىنداۋ ماقساتىندا ارىستان شامامەن 20 مىڭ تونناعا جۋىق وق-دەرٸ شىعارىلدى. ال ٶزگە ەلدٸ مەكەندەردە ورنالاسقان قويمالاردان 750 توننادان استام ٸرٸ كاليبرلٸ وق-دەرٸلەر شىعارىلعان بولاتىن. بۇل حالىقتىڭ قاۋٸپسٸزدٸگٸن قامتاماسىز ەتۋ ماقساتىندا جاسالدى», - دەدٸ قورعانىس مينيسترٸنٸڭ ورىنباسارى.
ونىڭ اتاپ ٶتۋٸنشە, ارىستا تٶتەنشە وقيعا ورىن العاننان كەيٸن قورعانىس مينيسترلٸگٸنٸڭ بۇيرىعىمەن ەلٸمٸزدٸڭ بارلىق ٶڭٸرلەرٸندەگٸ قويمالارعا 1 اي بويى تەكسەرۋ جٷرگٸزٸلدٸ. مۇنداي تەكسەرۋلەر تۇراقتى تٷردە ٶتكٸزٸلٸپ كەلەدٸ. تەكسەرۋ كوميسسيياسىنىڭ قۇرامىنا مول تەجٸريبەسٸ بار بەدەلدٸ ەسكەري ماماندار كٸرەدٸ.
اتالعان كوميسسييا تٶتەنشە جاعدايلار تۋىنداۋ تەۋەكەلٸنە جان-جاقتى باعا بەرٸپ, اتىس قارۋ-جاراقتارى مەن وق-دەرٸلەر ساقتالاتىن بارلىق نىسانداردىڭ قاۋپٸسٸزدٸگٸن كٷشەيتۋ بويىنشا شارالار ۇسىندى.
