قر ەكولوگييا, گەولوگييا جەنە تابيعي رەسۋرستار مينيسترلٸگٸنٸڭ باستاماسىمەن «تازا قازاقستان» اكتسيياسى اياسىندا ادامدار جيٸ دەمالاتىن ورىنداردىڭ ەكولوگييالىق احۋالى مەن تابيعي تازالىعىن باقىلايتىن رەسپۋبليكالىق رەيد ٶز جۇمىسىن باستادى, دەپ حابارلايدى قازاقپارات.
«ٶزدەرٸڭٸز بٸلەسٸزدەر, سوڭعى كەزدە ەلٸمٸزدە قورشاعان ورتاعا دەگەن ادامداردىڭ تەرٸس قارىم-قاتىناسىنا قاتىستى پرەزيدەنت ٷلكەن سىن ايتقان بولاتىن. ونىڭ ٸشٸندە كٶبەيتۇز وقيعاسى, كاسپييدەگٸ يتبالىقتى جەبٸرلەۋ, الماتى وبلىسىندا لوتوستى جۇلۋ جەنە تاعى باسقا جايتتاردى اتاۋعا بولادى. مەملەكەت باسشىسى ورىن العان وقيعالارعا قاتىستى ادامداردىڭ ەكولوگييالىق مەدەنيەتٸنٸڭ تٶمەندٸگٸن ايتا كەلە, وسى باعىتتا جۇمىس ٸستەۋ كەرەكتٸگٸن ناقتى تاپسىردى. وسى ورايدا بٸزدٸڭ مينيسترلٸك ٸشكٸ ٸستەر مينيسترلٸگٸمەن بٸرلەسٸپ, دەمالىس ورىندارى مەن باسقا دا ادامدار جيٸ دەمالاتىن مەكەندەرگە رەيدتٸ باستادىق. ونداعى ماقسات – قوقىس ٷيٸندٸلەرٸ ورىندارىن انىقتاپ, ولاردى جويۋ», - دەيدٸ مينيسترلٸككە قاراستى ەكولوگييالىق رەتتەۋ جەنە باقىلاۋ كوميتەتٸنٸڭ تٶراعاسى زۋلفۋحار جولداسوۆ.
رەسپۋبليكالىق تازالىق رەيدٸنٸڭ العاشقى ساپارى بۋرابايدان باستالدى.
«بۋراباي - ەلٸمٸزدەگٸ حالىق جيٸ دەمالاتىن ورىنداردىڭ بٸرٸ. بۇل جەرگە بٸر دەمالىستىڭ ٶزٸندە 50 مىڭ ادامعا دەيٸن كەلەدٸ. ەرينە, ونىڭ بەرٸ ەمەس, دەگەنمەن كٶبٸ سوڭىنان كٶپ قوقىس قالدىرىپ كەتەدٸ. بۋرابايدىڭ قوقىس قالدىعى بويىنشا باستى پروبلەماسى - بۇل جەردە سانكتسييالانعان قوقىس پوليگونى جوق. ودان بٶلەك, كەي دەمالىس ورىندارى قورشاعان ورتاعا زييان كەلتٸرمەۋ پرينتسيپٸن ۇستانبايدى. بۇل باعىتتا بٷگٸندە ەكٸمدٸك مەسەلەنٸ شەشۋ جاعىن قاراستىرۋدا. سوندىقتان بۇل ەكورەيد جاز بويى جالعاسادى», - دەيدٸ ول.
رەيد بارىسىندا ەلٸمٸزدٸڭ بارلىق ٶڭٸرلەرٸ بويىنشا دەمالىس ورىندارى مەن ٶزەن, كٶل, تاۋلى ايماقتاردىڭ تازالىق جاعدايى تەكسەرٸلٸپ, سول جەردە تيٸستٸ شارالار قابىلدانادى.
سونداي-اق, بۇل شاراعا قۇزىرلى ورگاندار مەن جەرگٸلٸكتٸ اتقارۋشى ورگانداردىڭ جاۋاپتى ماماندارى تارتىلادى.
