كەشە, 7 قازاندا قازاقستاندا 1896 ادامنىڭ اناليزٸنەن كوروناۆيرۋس انىقتالدى. ەكٸ كٷن بۇرىن 187 ادامعا كوروناۆيرۋس پنەۆمونيياسى دياگنوزى قويىلدى. ٸندەت باستالعالى بەرٸ 976 مىڭنان استام ادامعا كوروناۆيرۋس پەن "پنەۆمونييا" جۇققان. دەنساۋلىق ساقتاۋ مينيسترلٸگٸنٸڭ 8 قازان كٷنگٸ حابارلاماسىندا وسىنداي مەلٸمەت كٶرسەتٸلگەن.
ٶتكەن تەۋلٸكتە الماتىدا – 412, نۇر-سۇلتان قالاسىندا – 297, الماتى وبلىسىندا – 174, قاراعاندى وبلىسىندا – 157, پاۆلودار وبلىسىندا 153 ادامنان كوروناۆيرۋس انىقتالعان. قالعان قالالار مەن وبلىستاردا ونداعان ناۋقاس تٸركەلگەن.
2020 جىلدىڭ ناۋرىز ايىنان بەرٸ 900 مىڭ ادامنىڭ كوروناۆيرۋس تەستٸ وڭ شىققان. باسىم بٶلٸگٸ جازىلعان. 11 459-ى قايتىس بولعان. 6 قازاندا 37 ادام كوروناۆيرۋستان كٶز جۇمعان.
پنەۆمونييانىڭ كوروناۆيرۋس ۇقساس تٷرٸن قازاقستان بيلٸگٸ حالىقارالىق ۇيىمداردىڭ قىسىمىنىڭ نەتيجەسٸندە 2020 جىلدىڭ 1 تامىزىنان باستاپ ەسەپكە الا باستاعان. بىلتىر قازاقستاندا جازدا جيٸ كەزدەسپەيتٸن ٶكپەنٸڭ قابىنۋى ٶرشٸگەن كەزدە ددسۇ "ٶلٸم قاۋپٸ جوعارى قازاقستاندىق پنەۆمونييا" – دۇرىس انىقتالماعان Covid دەپ مەلٸمدەگەن.
سودان بەرٸ رەسمي مەلٸمەت بويىنشا, 76 مىڭنان استام ادام كوروناۆيرۋس پنەۆمونيياسىنا شالدىققان. 4887-ٸ قايتىس بولعان. التاۋى 6 قازاندا كٶز جۇمعان.
قازٸر رەسپۋبليكا بويىنشا 54 مىڭعا جۋىق ناۋقاس كوروناۆيرۋستان ەمدەلٸپ جاتىر. 9,4 مىڭ ناۋقاس ستاتسيوناردا جاتىر.
قازٸر 6,8 ميلليون ادام كوروناۆيرۋسقا قارسى ۆاكتسينانىڭ تولىق دوزاسىن العان. 1 ملن ادام ەكٸنشٸ دوزاسىن كٷتٸپ وتىر. مينيستر الەكسەي تسوي ەلگە باتىس كومپانييالارى ەزٸرلەگەن Pfizer ۆاكتسيناسى تٶرتٸنشٸ توقساندا جەتكٸزٸلەدٸ دەپ حابارلادى. ول نەگٸزٸنەن 12 جاستان باستاپ بالالار مەن جاسٶسپٸرٸمدەرگە, جٷكتٸ ەيەلدەرگە سالىنۋى تيٸس.
قازٸر قازاقستاندا رەسەيلٸك "سپۋتنيك V" (قازٸر ونى قاراعاندىدا ٶندٸرەدٸ), وتاندىق QazVac, قىتايلىق Sinopharm كومپانيياسىنىڭ باە-دە ٶندٸرٸلگەن Hayat-Vax پەن قىتايدا ٶندٸرٸلگەن Vero Cell ەكپەسٸ, سونىمەن بٸرگە تاعى بٸر قىتايلىق Sinovac كومپانيياسىنىڭ CoronaVac ەكپەسٸ قولدانىلادى.
امەريكالىق دجونس حوپكينس ۋنيۆەرسيتەتٸنٸڭ مەلٸمەتٸنشە, ەلەمدە 236 ميلليوننان استام ادامعا كوروناۆيرۋس جۇققان, 4,8 ميلليونى قايتىس بولعان.
