13 ناۋرىز كٷنٸ قازاقستاندا پتر تەستٸ وڭ شىققان 1049 ناۋقاس تٸركەلدٸ. بۇل تۋرالى كوروناۆيرۋستى تاراتپاۋ جٶنٸندەگٸ ۆەدومستۆوارالىق كوميسسييانىڭ Telegram-كانالىندا حابارلاندى. بۇل – 9 اقپاننان بەرگٸ ەڭ جوعارعى كٶرسەتكٸش.
رەسمي دەرەككە قاراعاندا, الماتىدا كوروناۆيرۋس ٸندەتٸ قايتا ٶرشي باستاعان. قالادا بٸر كٷندە 360 ناۋقاس تٸركەلگەن. قوعامدىق دەنساۋلىق ساقتاۋ ۇلتتىق ورتالىعىنىڭ مەلٸمەتٸنشە, الماتىدا بٸر كٷندە بۇرىن-سوڭدى مۇنشالىق كٶپ ناۋقاس تٸركەلە قويماعان. قالا بٸرنەشە كٷن بۇرىن ۆيرۋستىڭ تاراۋى بويىنشا "قىزىل ايماققا" كٸرگەن.
ايماقتار بويىنشا ەكٸنشٸ جوعارعى كٶرسەتكٸش - نۇر-سۇلتان ٷلەسٸندە. قالادا بٸر كٷندە 173 ناۋقاس تٸركەلگەن. بۇل – 24 قاڭتاردان كەيٸنگٸ ەڭ ٷلكەن كٶرسەتكٸش. سول كٷنٸ 211 ناۋقاس تٸركەلگەن.
تەۋلٸك ٸشٸندە 595 ناۋقاس جازىلىپ شىققان.
وسىلايشا, قازاقستاندا كوروناۆيرۋس جۇقتىرعانى پتر تەستٸمەن راستالعان ناۋقاستاردىڭ جالپى سانى 223 720 ادامعا جەتٸپ وتىر. ونىڭ 206 149-ى جازىلعان, 2851-ٸ قايتىس بولعان. كوروناۆيرۋستان كٶز جۇمعانداردىڭ بۇل ستاتيستيكاسىنا ۆيرۋس جۇقتىرعانى راستالعان, بٸراق "ٶزگە سەبەپتەن قايتىس بولدى" دەگەن جٷزدەگەن ادام كٸرمەي قالعان.
قازاقستاندا بۇدان بٶلەك پتر تەستٸمەن راستالماعان, بٸراق اۋرۋ بەلگٸلەرٸ بويىنشا كوروناۆيرۋسقا ۇقسايتىن پنەۆمونييا ەسەبٸ دە جٷرگٸزٸلٸپ كەلەدٸ. 12 ناۋرىزداعى دەرەككە قاراعاندا, 1 تامىزدان بەرٸ بارلىعى 49 801 ناۋقاس تٸركەلگەن, ونىڭ 653-ٸ قايتىس بولعان.
كوروناۆيرۋس پنەۆمونيياسى ەسەبٸنٸڭ جٷرگٸزٸلۋٸ ٸندەت ٶرشۋٸنٸڭ شارىقتاۋ شەگٸنەن كەيٸن باستالدى.
دەنساۋلىق ساقتاۋ مينيسترلٸگٸنٸڭ دەرەگٸنشە, 2020 جىلى بٸر شٸلدەنٸڭ ٶزٸندە 152 مىڭداي ادام پنەۆمونييامەن تٸركەلدٸ. ونىڭ نەشەۋٸ كوروناۆيرۋسقا ۇقسايتىن پنەۆمونييا ەكەنٸ ايتىلمادى, بٸراق ەشقايسىسى 1 تامىزدان كەيٸن عانا باستالعان ەسەپكە كٸرمەدٸ.
