كەشە, 24 قىركٷيەكتە قازاقستاندا 2324 ادامنىڭ اناليزٸنەن كوروناۆيرۋس انىقتالدى. 2954 ادام جازىلدى. سەنبٸ تاڭەرتەڭ دەنساۋلىق ساقتاۋ مينيسترلٸگٸ وسىلاي دەپ حابارلادى.
ٶتكەن تەۋلٸكتە ەڭ كٶپ ناۋقاس الماتىدا (510) تٸركەلگەن. الماتى وبلىسىندا - 262, قاراعاندى وبلىسىندا 261 ادامنان كوروناۆيرۋس انىقتالعان.
ٸندەت باستالعالى بەرٸ قازاقستاندا 874 مىڭ ادامنىڭ پتر تەستٸ وڭ كٶرسەتكەن. دجونس حوپكينس ۋنيۆەرسيتەتٸنٸڭ مەلٸمەتٸنشە, قازاقستان ەلەمدە بٸر ايدا تٸركەلگەن ناۋقاستار سانى جٶنٸنەن 25-ورىندا تۇر. كوروناۆيرۋس پنەۆمونيياسىنا شالدىققانداردى قوسقاندا قازاقستاندا بارلىعى 947 مىڭ ادام كوروناۆيرۋسپەن اۋىرعان. 28 كٷندە 110 مىڭ ناۋقاس تٸركەلگەن.
قازاقستان بيلٸگٸ كوروناۆيرۋس پنەۆمونيياسىنا شالدىققانداردى 2020 جىلدىڭ 1 تامىزىنان بەرٸ ەسەپتەپ كەلەدٸ, بٸراق ونى Covid ستاتيستيكاسىنا قوسپاي كەلەدٸ. ال حالىقارالىق ۇيىمداردىڭ ستاتيستيكاسىندا ول بٸرگە ەسەپتەلەدٸ. بىلتىر قازاقستاندا جازدا جيٸ كەزدەسپەيتٸن ٶكپەنٸڭ قابىنۋى ٶرشٸگەن كەزدە ددسۇ "ٶلٸم قاۋپٸ جوعارى قازاقستاندىق پنەۆمونييا" – دۇرىس انىقتالماعان Covid دەپ مەلٸمدەگەن.
23 قىركٷيەكتە قازاقستاندا 200 ادامعا كوروناۆيرۋس پنەۆمونيياسى دياگنوزى قويىلعان. ەلدە ەكٸ كٷن بۇرىن 54 ادام ٶلٸمٸ تٸركەلگەن: 46 ادام – كوروناۆيرۋستان, 8 ادام كوروناۆيرۋس پنەۆمونيياسىنان قايتىس بولدى دەپ ايتىلادى.
2020 جىلدىڭ ناۋرىزىنان بەرٸ پتر تەستٸ وڭ كٶرسەتكەندەر اراسىندا 10 999 ادام قايتىس بولدى. بىلتىر تامىزدان بەرٸ كوروناۆيرۋس پنەۆمونيياسىنا شالدىققاندار اراسىندا 4784 ادام ٶلٸمٸ تٸركەلگەن.
ٶلٸم-جٸتٸمنٸڭ سەبەبٸن زەرتتەۋ كوميسسيياسى 2,6 مىڭ ادامنىڭ ٶلٸمٸنە – كوروناۆيرۋس ەمەس, باسقا اۋرۋ سەبەپ بولدى دەپ ايتقان. ولار Covid ستاتيستيكاسىنا ەنگٸزٸلمەگەن.
قازٸر رەسپۋبليكا 64 مىڭ ادام كوروناۆيرۋستان ەمدەلٸپ جاتىر. 11 مىڭى ستاتسيوناردا جاتىر. 895 ادامنىڭ جاعدايى اۋىر, 230 پاتسيەنتتٸڭ جاعدايى ٶتە اۋىر. 138 ناۋقاس جاساندى تىنىس اپپاراتىنا قوسىلعان.
اقپان ايىنان بەرٸ 6,3 ملن ادام كوروناۆيرۋسقا قارسى ۆاكتسينانىڭ تولىق دوزاسىن العان. 1,1 ملن ادام ەكٸنشٸ دوزاسىن كٷتٸپ وتىر.
