قازاقستان رەسپۋبليكاسى ۇلتتىق بانكٸنٸڭ اقشا-كرەديت ساياساتى جٶنٸندەگٸ كوميتەتٸ بازالىق مٶلشەرلەمەنٸ +/-1,00 پ.ت. پايىزدىق دەلٸزٸمەن جىلدىق 10,25% دەڭگەيٸندە بەلگٸلەۋ تۋرالى شەشٸم قابىلدادى. تيٸسٸنشە, ٶتٸمدٸلٸكتٸ ۇسىنۋ جٶنٸندەگٸ تۇراقتى قولجەتٸمدٸ وپەراتسييالار بويىنشا مٶلشەرلەمە – 11,25%, ال ٶتٸمدٸلٸكتٸ الۋ جٶنٸندەگٸ تۇراقتى قولجەتٸمدٸ وپەراتسييالار بويىنشا مٶلشەرلەمە 9,25% بولادى, دەپ حابارلايدى بانكتٸڭ باسپاسٶز قىزمەتٸ.
شەشٸم ينفلياتسييالىق كٷتۋلەردٸ تٶمەندەتۋ جەنە ينفلياتسييانىڭ 2022 جىلدىڭ سوڭىنا قاراي بەلگٸلەنگەن 4-6% نىسانالى دەلٸزگە كٸرۋ قاجەتتٸلٸگٸ ەسكەرٸلە وتىرىپ قابىلداندى. ەلەم ەكونوميكالارىنىڭ كٶپشٸلٸگٸندە, ونىڭ ٸشٸندە قازاقستاننىڭ نەگٸزگٸ ساۋدا ەرٸپتەس ەلدەرٸندە ينفلياتسييانىڭ جوعارى دەڭگەيدە بولۋى جالعاسۋدا. سوڭعى ايلاردا دەزينفلياتسييالىق پروتسەستەردٸڭ بولۋىنا قاراماستان, ٸشكٸ كونيۋنكتۋرا سۇرانىس تاراپىنان, سول سيياقتى ۇسىنىس تاراپىنان دا ينفلياتسيياعا قارسى ەلەۋلٸ تەۋەكەلدەردٸڭ بولۋىمەن سيپاتتالادى.
ەلەمدەگٸ ەڭ ٸرٸ ەكونوميكالارداعى جەنە نەگٸزگٸ ساۋدا ەرٸپتەس ەلدەردەگٸ ينفلياتسييا ەلٸ دە جوعارى دەڭگەيدە. اقش-تا ينفلياتسييا 1982 جىلدان باستاپ العاش رەت 7,0%-عا دەيٸن كٶتەرٸلدٸ. 2021 جىلعى جەلتوقساندا ەو-دا تۇتىنۋشىلىق ينفلياتسييا 5,3%-عا دەيٸن, گەرمانييادا – 1992 جىلدان باستاپ العاش رەت 5,7%-عا دەيٸن ٶستٸ. قىتايدا باعانىڭ ٶسۋٸ 2021 جىلعى قاراشادا 15 ايلىق ەڭ جوعارعى كٶرسەتكٸشكە جەتتٸ (2,3%), سودان كەيٸن 2021 جىلعى جەلتوقساندا 1,5%-عا دەيٸن تٶمەندەدٸ. رەسەيدە ينفلياتسييا 2021 جىلعى جەلتوقساندا بۇرىنعى جوعارى – 8,4% دەڭگەيٸندە قالدى.
ەلەمدٸك ازىق-تٷلٸك نارىعىندا باعا ٶسۋٸنٸڭ ازداپ باياۋلاۋى بايقالادى. فاو ازىق-تٷلٸك باعالارى يندەكسٸ 2021 جىلعى جەلتوقساندا الدىڭعى ايمەن سالىستىرعاندا (قاراشاداعى ٶسۋ – 1,3%) سٷت ٶنٸمدەرٸن قوسپاعاندا, ازىق-تٷلٸك تاۋارلارىنىڭ بارلىق شاعىن توپتارىنا باعالاردىڭ تٶمەندەۋٸ نەتيجەسٸندە 0,9%-عا تٶمەندەدٸ. بۇل رەتتە جىلدىق كٶرسەتۋدە يندەكستٸڭ ٶسۋٸ 23,1% (قاراشاداعى جىلدىق ٶسۋ – 27,8%) بولدى. ۇلتتىق بانكتٸڭ باعالاۋىنا سەيكەس, 2022 جىلعى 1-جارتى جىلدىقتا ازىق-تٷلٸك نارىقتارىنداعى بەلگٸسٸزدٸك جەنە سولتٷستٸك جارتى شاردا بيداي تٷسٸمٸنٸڭ ەلسٸز بولۋى اياسىندا ەلەمدٸك ازىق-تٷلٸك نارىعىنىڭ جەكەلەگەن سەگمەنتتەرٸندە باعانىڭ ٶسۋٸ كٷتٸلەدٸ, كەيٸننەن COVID-19 جاعدايى تۇراقتالىپ, جاڭا اۋىلشارۋاشىلىق ماۋسىمىنىڭ باستالۋىنا قاراي ٶسۋ قارقىنى بٸرتٸندەپ بەسەڭدەيدٸ.
قازاقستاندا 2021 جىلعى جەلتوقساندا جىلدىق ينفلياتسييا 8,4%-عا دەيٸن تٶمەندەدٸ. ينفلياتسيياعا قارسى دەن قويۋ شارالارىن ٸسكە اسىرۋ جاعدايىندا باعانىڭ ايلىق ٶسۋ قارقىنى 2021 جىلعى قاراشا-جەلتوقساندا ورتاشا دەڭگەيدەن تٶمەن بولدى.
ازىق-تٷلٸك ينفلياتسيياسى 2021 جىلعى جەلتوقساندا ەلەۋلٸ تٷردە تٶمەندەپ, جىلدىق كٶرسەتۋدە 9,9% بولدى. بۇل ينفلياتسيياعا قارسى دەن قويۋ شارالارىن ٸسكە اسىرۋعا جەنە جەكەلەگەن ازىق-تٷلٸك تاۋارلارىنا جوعارى ايلىق مەندەردٸڭ جىلدىق ينفلياتسييا ەسەبٸنەن شىعۋىنا بايلانىستى. سٷت ٶنٸمدەرٸنٸڭ, جۇمىرتقا, ماي, قانت پەن كٶكٶنٸستەردٸڭ جىلدىق دەزينفلياتسيياسى بايقالىپ وتىر. وسىعان قاراماستان, جەمٸس-كٶكٶنٸس ٶنٸمٸ قۇنىنىڭ جىلدىق ٶسۋ قارقىنى ەلٸ دە جوعارى دەڭگەيدە بولىپ وتىر. 2021 جىلدىڭ قورىتىندىسى بويىنشا جىلدىق كٶرسەتۋدە قىزىلشا باعاسى 73%-عا, قىرىققابات – 37,5%-عا, سەبٸز – 29,5%-عا, كارتوپ – 20,2%-عا ٶستٸ. ەت, نان-توقاش ٶنٸمدەرٸ مەن جارمالار, سونداي-اق الكوگولسٸز سۋسىنداردىڭ جىلدىق ينفلياتسيياسىنىڭ جىلدامداۋى بايقالادى.
ازىق-تٷلٸك ينفلياتسيياسىنىڭ ەدەۋٸر باياۋلاۋى ازىق-تٷلٸككە جاتپايتىن قۇرامداس بٶلٸكتٸڭ 2021 جىلعى جەلتوقساننىڭ قورىتىندىسى بويىنشا 8,5%-عا دەيٸن جەدەلدەۋٸمەن قاتار جٷرەدٸ. ازىق-تٷلٸككە جاتپايتىن جىلدىق ينفلياتسييانىڭ اعىمداعى قازٸرگٸ مەنٸ 2018 جىلعى مامىردان باستاپ العاش رەت بايقالىپ وتىر. ججم (23,2%), اۆتوموبيلدەر (14,7%) جەنە قاتتى وتىن (9,5%), ونىڭ ٸشٸندە كٶمٸر (9,8%) باعاسىنىڭ ٶسۋٸ نەگٸزگٸ ٷلەس قوسۋدا. بەنزين باعاسىنىڭ جىلدىق ٶسۋٸ 19,6%-عا دەيٸن, ديزەل وتىنى – 46,5%-عا جىلدامدادى.
اقىلى قىزمەتتەردٸڭ جىلدىق ينفلياتسيياسى رەتتەلەتٸن كوممۋنالدىق قىزمەتتەر, شاشتارازدار, مەيرامحانالار مەن قوناق ٷيلەر قىزمەتتەرٸ باعالارىنىڭ بارىنشا قالىپتى ٶسۋٸ اياسىندا 2021 جىلعى جەلتوقساندا 6,5%-عا دەيٸن (2021 جىلعى قازان – 6,9%, 2020 جىلعى جەلتوقسان – 4,2%) باياۋلادى. رەتتەلەتٸن كوممۋنالدىق قىزمەتتەر تاريفتەرٸنٸڭ ٶسۋٸ ورتالىقتان جىلۋ بەرۋ جەنە ىستىق سۋ تاريفتەرٸنٸڭ تٶمەندەۋٸ نەتيجەسٸندە 4,1%-عا دەيٸن باياۋلادى. بۇل رەتتە, ٶسۋ قارقىنى 2020 جىلعى جەلتوقسان دەڭگەيٸنەن ەلٸ دە اسىپ وتىر. تۇرعىن ٷيدٸ جالداۋ قۇنىنىڭ بەلسەندٸ ٶسۋٸ جالعاسۋدا (2021 جىلعى جەلتوقساندا 19,8%). سونىمەن قاتار سۇرانىستىڭ ارتۋىنا بايلانىستى 2021 جىلعى جەلتوقساندا كٶلٸك قىزمەتتەرٸنٸڭ جەكەلەگەن تٷرلەرٸنٸڭ باعاسى كٷرت ٶستٸ.
بازالىق ينفلياتسييانىڭ تراەكتوريياسى ينفلياتسييالىق پروتسەستەر باياۋلاۋىنىڭ تۇراقسىزدىعىن كٶرسەتەدٸ. 2021 جىلعى تامىز-قاراشادا باياۋلاۋدان كەيٸن بازالىق ينفلياتسييانىڭ ەرتٷرلٸ باعالاۋلارى نىسانالى دەلٸزدەن جوعارى قالىپتاسىپ, 2021 جىلعى جەلتوقساندا جىلدامداۋدى تاعى دا كٶرسەتتٸ. بۇل رەتتەلمەيتٸن تاۋارلار مەن قىزمەتتەر باعاسىنىڭ جوعارى ٶسۋٸنە بايلانىستى.
ينفلياتسييالىق كٷتۋلەر بٸرشاما تٶمەندەۋگە قاراماستان جوعارى دەڭگەيدە قالىپ وتىر. 2021 جىلعى جەلتوقساندا بٸر جىل بۇرىنعا ينفلياتسييانى ساندىق باعالاۋ 10,3% بولدى. رەسپوندەنتتەردٸڭ باسىم كٶپشٸلٸگٸ (66%) بۇرىنعىشا قازٸرگٸ باعا ٶسۋٸنٸڭ كەلەسٸ 12 ايدا ساقتالۋىن نە جەدەلدەۋٸن كٷتەدٸ. ولاردىڭ ٸشٸندە باعالاردىڭ ودان ەرٸ ٶسۋٸن كٷتەتٸندەردٸڭ ٷلەسٸ 2021 جىلعى قاراشاداعى 35%-دىق ەڭ جوعارى دەڭگەيدەن جەلتوقسانداعى 31%-عا دەيٸن تٶمەندەدٸ.
تۇتىنۋشىلىق سۇرانىس وڭ ٷردٸستٸ ساقتاپ قالدى, بۇنى بٶلشەك ساۋدا اينالىمى مەن تۇتىنۋشىلىق يمپورت سەرپٸنٸ كٶرسەتٸپ وتىر. بٶلشەك ساۋدا اينالىمى 2021 جىلعى قاڭتار-قاراشا ارالىعىندا وڭ سەرپٸندٸ ساقتاپ, 2021 جىلعى 11 ايدىڭ قورىتىندىسى بويىنشا 6,5% بولدى. 2021 جىلى ازىق-تٷلٸككە جاتپايتىن تاۋارلار بٶلشەك ساۋدا اينالىمىنا ەلەۋلٸ وڭ ٷلەس قوسىپ, قوسىمشا جىلدىڭ ورتاسىنان باستاپ ازىق-تٷلٸك ٶنٸمدەرٸ تاۋار اينالىمىنىڭ قالپىنا كەلۋٸ بايقالدى. كەيٸنگە قالدىرىلعان سۇرانىستى ٸسكە اسىرۋ جەنە تاۋار اينالىمىنىڭ سەرپٸندٸ ٶسۋٸ 2021 جىلعى 11 ايدىڭ قورىتىندىسى بويىنشا 21,8%-عا ٶسكەن تۇتىنۋشىلىق يمپورتتىڭ ەكٸ تاڭبالى ٶسۋ قارقىنىمەن قاتار جٷردٸ.
كەيٸنگە قالدىرىلعان سۇرانىستى ٸسكە اسىرۋ جەنە حالىقتىڭ ناقتى كٸرٸسٸنٸڭ ارتۋى 2021 جىلى ٷي شارۋاشىلىقتارىن تۇتىنۋعا قولداۋ كٶرسەتتٸ. 2021 جىلعى قاڭتار-قاراشانىڭ قورىتىندىسى بويىنشا ناقتى كٸرٸستەردٸڭ ٶسۋٸ 3,1% بولدى. سۇرانىستىڭ ودان كەيٸنگٸ سەرپٸنٸنە ەلدەگٸ تٶتەنشە جاعداي رەجيمٸ, سونداي-اق بايقالىپ وتىرعان «وميكرون» شتاممىن جۇقتىرۋ جاعدايلارىنىڭ ٶسۋٸ بٸرشاما تٷزەتۋ ەنگٸزدٸ.
ەكونوميكانى قولداۋدىڭ مەملەكەتتٸك باعدارلامالارىن ٸسكە اسىرۋ نەتيجەسٸندە اقشالاي ۇسىنىستىڭ ەدەۋٸر ۇلعايۋى ەكونوميكاداعى ينفلياتسيياعا قارسى قىسىمعا الىپ كەلەدٸ جەنە ۆاليۋتا نارىعىنىڭ تۇراقتىلىعىنا تەرٸس ەسەر ەتەدٸ. وسى باعدارلامالاردى ٸسكە اسىرۋ ەكونوميكانىڭ پاندەميياعا دەيٸنگٸ دەڭگەيگە دەيٸن قالپىنا كەلۋٸن جىلدامداتتى, بٸراق سونىمەن بٸرگە 2020 جىلدىڭ باسىنان باستاپ اقشا بازاسىنىڭ 11,0 ترلن تەڭگەگە دەيٸن 1,6 ەسە كەڭەيۋٸنە الىپ كەلدٸ, سول كەزەڭدە اقشا ماسساسى 30,1 ترلن تەڭگەگە دەيٸن 41,2%-عا ۇلعايدى. وسى فاكتوردىڭ ينفلياتسيياعا ەسەرٸن تٶمەندەتۋ ٷشٸن ۇلتتىق بانك ەكونوميكانى قولداۋدىڭ مەملەكەتتٸك باعدارلامالارىنان شىعۋدى باستاپ, 2021 جىلى ولاردىڭ 5 قارجىلاندىرۋدى اياقتادى (كەسٸپكەرلەردٸ جەڭٸلدٸكپەن كرەديتتەۋ باعدارلاماسى, جۇمىسپەن قامتۋدىڭ جول كارتاسى, نۇرلى جەر, جەڭٸلدٸكپەن اۆتوكرەديتتەۋ باعدارلاماسى جەنە «باسپانا حيت» يپوتەكالىق باعدارلاماسى). 2022 جىلى «قاراپايىم زاتتار ەكونوميكاسى» باعدارلاماسىن جەنە «7-20-25» يپوتەكالىق باعدارلاماسىن قارجىلاندىرۋدى اياقتاۋ جوسپارلانىپ وتىر.
ەلەمدٸك مۇناي نارىعىنداعى قازٸرگٸ احۋال ۆيرۋستىڭ تارالۋىنا قاراماستان قالىپتى پوزيتيۆتٸ رەتٸندە باعالانۋدا. كٶمٸرسۋتەكتەر نارىعىنداعى سۇرانىس بويىنشا وڭ كٷتۋلەر, ەلەمدٸك مۇناي قورلارىنىڭ تٶمەندەۋٸ جەنە وپەك + ەلدەرٸنٸڭ ٶندٸرٸستٸ اقىرىنداپ ارتتىرۋى اياسىندا 2021 جىلعى جەلتوقساندا Brent سۇرىپتى مۇناي باعاسى بٸر باررەل ٷشٸن 77,8 اقش دوللارىنا دەيٸن 10,2%-عا ٶستٸ.
2022 جىلعى 4 قاڭتاردا وپەك+ ٶندٸرۋدٸ 2022 جىلعى اقپاندا تەۋلٸگٸنە جوسپارلى 400 مىڭ باررەلگە ۇلعايتۋدى جالعاستىرۋ جٶنٸندە شەشٸم قابىلدادى. قازٸرگٸ ارتتىرۋ قارقىنى ساقتالعان كەزدە 2020 جىلى قابىلدانعان شەكتەۋلەر 2022 جىلعى قىركٷيەكتٸڭ سوڭىنا قاراي تولىعىمەن الىنۋى مٷمكٸن. وپەك+ «وميكرون» شتاممىنىڭ تارالۋى بۇرىن بولجانعانعا قاراعاندا ەلەمدٸك سۇرانىسقا ازداپ ەسەر ەتەدٸ دەپ كٷتەدٸ. بيىلعى جىلعى قاڭتاردا باە مۇناي ينفراقۇرىلىمىنا يەمەننەن كەلگەن كٶتەرٸلٸسشٸلەردٸڭ شابۋىلى نەتيجەسٸندە سۇرانىستىڭ كٷشەيۋٸ مەن جەتكٸزٸلٸمدەردٸڭ ٸركٸلٸستەرٸ اياسىندا Brent سۇرىپتى مۇناي باعاسى بٸر باررەل ٷشٸن 89 اقش دوللارى بەلگٸسٸنەن استى. الايدا, اقش-تا مۇناي قورىنىڭ ازداپ ٶسۋٸنەن كەيٸن سوڭعى كٷندەرٸ مۇناي باعاسى بٸر باررەل ٷشٸن 87 اقش دوللارىنا دەيٸن تٷزەلدٸ. EIA جاڭارتىلعان باعالاۋى بويىنشا 2022 جىلعا مۇناي باعاسى بٸر باررەل ٷشٸن 70,1 اقش دوللارىنان 75 اقش دوللارىنا دەيٸن كٶتەرٸلدٸ. مۇنايدىڭ ورتاشا ايلىق باعاسى جىل ٸشٸندە بٸر باررەل ٷشٸن 78-79 اقش دوللارىنان جىلدىڭ سوڭىنا قاراي 70 اقش دوللارىنا دەيٸن بٸرتٸندەپ تٶمەندەيتٸن بولادى دەپ كٷتٸلۋدە.
«وميكرون» شتاممىن جۇقتىرۋدىڭ جوعارى قارقىنىنا جەنە ەلەمدە جاڭا جاعدايلاردىڭ تەۋلٸگٸنە رەكوردتىق ٶسۋٸنە (بيىلعى جىلعى 20 قاڭتارداعى ددۇ دەرەكتەرٸ بويىنشا تەۋلٸگٸنە 3,77 ملن ادام) قاراماستان, جاڭا شتامم اۋرۋحاناعا جاتقىزۋ مەن ٶلٸم-جٸتٸمنٸڭ مەيلٸنشە تٶمەن دەڭگەيٸمەن سيپاتتالادى, بۇل نارىقتاعى الاڭداۋشىلىقتى تٶمەندەتٸپ, ەنەرگييا تاسىمالداعىشتار باعاسىنىڭ قالپىنا كەلۋٸنە الىپ كەلدٸ.
ينفلياتسييالىق پروتسەستەردٸڭ ٶسۋٸ اياسىندا دامىعان ەكونوميكالار ٶز ساياساتىن كٷشەيتۋدٸ جالعاستىرۋدا. 2021 جىلى ەلەمنٸڭ ورتالىق بانكتەرٸنٸڭ بارلىق شەشٸمدەرٸنٸڭ 78%-ى اقشا-كرەديت تالاپتارىن كٷشەيتۋگە باعىتتالعان بولاتىن. تۇتىنۋ باعاسىنىڭ ٶسۋٸن تۇراقتاندىرۋ ٷشٸن فرج باسشىسى اقش سەناتىنداعى تىڭداۋلاردا ولاردىڭ 2022 جىلعى ناۋرىزدا اكتيۆتەردٸ ساتىپ الۋدى توقتاتاتىنى تۋرالى مەلٸمدەدٸ. وسىنىڭ اياسىندا نارىق قاتىسۋشىلارى بيىلعى جىلعى ناۋرىزدان باستاپ 2022 جىل ٸشٸندە مٶلشەرلەمەنٸڭ 3-4 رەت كٶتەرٸلۋٸن كٷتەدٸ. جوعارى ينفلياتسيياعا بايلانىستى ەوب دا جاقىن ارادا كەيبٸر اكتيۆتەردٸ ساتىپ الۋدى توقتاتادى.
سونىڭ سالدارىنان, جاھاندىق مونەتارلىق تالاپتاردى كٷشەيتۋ بويىنشا كٷتۋلەر بەيرەزيدەنتتەردٸڭ قر مەملەكەتتٸك باعالى قاعازدارىنان 2021 جىلعى قازانداعى ەڭ جوعارى 863 ملرد تەڭگەدەن 2021 جىلعى جەلتوقسانداعى 596 ملرد تەڭگەگە دەيٸن كەتۋٸنە الىپ كەلەدٸ. بۇل رەتتە بيىلعى جىلعى العاشقى 2 اپتاداعى دەرەكتەر قرۇب نوتتارىنداعى بەيرەزيدەنتتەردٸڭ ٷلەسٸ بيىلعى جىلعى 6 قاڭتارداعى 10,5%-دان بيىلعى جىلعى 14 قاڭتارداعى 7,4%-عا دەيٸن تٶمەندەگەنٸن كٶرسەتەدٸ.
دٷنيەجٷزٸلٸك بانكتٸڭ باعالاۋى بويىنشا تۇتىنۋ باعالارىنىڭ جاھاندىق ينفلياتسيياسى 2022 جىلدىڭ بٸرٸنشٸ جارتىسىندا ەڭ جوعارى دەڭگەيگە جەتٸپ, ودان كەيٸن 2023 جىل ٸشٸندە بٸرتٸندەپ تٶمەندەيدٸ. ەلەمدە ينفلياتسييانىڭ تٶمەندەۋٸنە جاھاندىق ٶسۋدٸڭ باياۋلاۋى جەنە شيكٸزات تاۋارلارىن جەتكٸزۋدٸڭ كەڭەيۋٸ ىقپال ەتەتٸن بولادى.
ەلەمدٸك ەكونوميكاداعى احۋالدىڭ دامۋىن جەنە قازاقستانداعى قازٸرگٸ ٸشكٸ فاكتورلاردى ەسكەرە وتىرىپ, جاڭارتىلعان بولجامعا سەيكەس ۇلتتىق بانك 2022 جىلدىڭ قورىتىندىسى بويىنشا ينفلياتسييانىڭ 6-6,5% دەڭگەيٸنە دەيٸن ودان ەرٸ باياۋلاۋىن كٷتۋدە. بۇل رەتتە, بيىلعى جىلعى قاڭتاردىڭ باسىندا قازاقستاندا بولعان قايعىلى وقيعالارعا جەنە 2021 جىلدىڭ 1-جارتىسىنداعى سالىستىرمالى تٷردە تٶمەن بازاعا بايلانىستى ينفلياتسييالىق پروتسەستەردٸڭ ٶسۋٸ ىقتيمال, ونىڭ نەگٸزگٸ قىسىمى بيىلعى جىلعى 1-توقسانعا كەلەدٸ. بيىلعى جىلعى 2-جارتى جىلدىقتا ەمات, ججم جەنە كوممۋنالدىق قىزمەتتەر باعاسىن ۋاقىتشا رەتتەۋ شارالارىنىڭ قولدانىلۋ مەرزٸمٸ (180 كٷن) ٶتكەننەن كەيٸن ينفلياتسييانىڭ جىلدامداۋ تەۋەكەلٸ ۇلعاياۋى مٷمكٸن.
تەۋەكەلدەردٸڭ قازٸرگٸ تەڭگەرٸمٸ, ازىق-تٷلٸككە جاتپايتىن قۇرامداس بٶلٸكتٸڭ جەدەلدەۋٸنە بايلانىستى 2021 جىلدىڭ سوڭىندا ينفلياتسييا باياۋلاۋىنىڭ تۇراقسىزدىعى, سونداي-اق ينفلياتسييالىق كٷتۋلەردٸڭ ارتۋى نەگٸزٸندە ۇلتتىق بانك اقشا-كرەديت ساياساتىن كٷشەيتۋدٸ جالعاستىرۋدا. ٷكٸمەت ەزٸرلەپ جاتقان ينفلياتسييانى باقىلاۋ جٶنٸندەگٸ شارالار كەشەنٸن تيٸمدٸ ٸسكە اسىرۋمەن بٸرگە ۇلتتىق بانكتٸڭ دەزينفلياتسييالىق اقشا-كرەديت ساياساتى 2022 جىلعا بەلگٸلەنگەن 4-6% ماقساتقا سەيكەس ينفلياتسييانى تٶمەندەتۋگە مٷمكٸندٸك بەرەدٸ.
قازاقستان رەسپۋبليكاسىنىڭ ۇلتتىق بانكٸ اقشا-كرەديت ساياساتى جٶنٸندەگٸ كوميتەتٸنٸڭ بازالىق مٶلشەرلەمە بويىنشا كەزەكتٸ جوسپارلى شەشٸمٸ 2022 جىلعى 9 ناۋرىزدا نۇر-سۇلتان قالاسىنىڭ ۋاقىتى بويىنشا 15:00-دە جارييالاناتىن بولادى.
