قازاقستان قۇرىلىسشىلار وداعىنىڭ باسشىسى تالعات ەرعاليەۆ تۇرعىن ٷيگە مۇقتاجداردىڭ بٸرنەشە ەسە كٶبەيەتٸنٸن بولجاپ وتىر, دەپ حابارلايدى قازاقپارات.
«قازٸر باسپاناعا مۇقتاج 2 ملن ادام بار. ۋربانيزاتسييانىڭ قارقىنىن ەسكەرسەك, باسپاناعا مۇقتاج تاعى 5 ميلليون ادامنىڭ قالاعا اعىلاتىنىن بولاۋعا بولادى. نەتيجەسٸندە تۇرعىن ٷيگە قاجەتتٸلٸگٸ بار حالىق سانى 7 ميلليوننان اسۋى مٷمكٸن. بٸراق بۇل تەك ەلوردادا عانا ەمەس, بارلىق قالالاردا», - دەدٸ تالعات ەرعاليەۆ ۇيىم وتىرىسىنىڭ الدىندا باق ٶكٸلدەرٸنە بەرگەن سۇحباتىندا.
ول بۇل ويىن مىناداي بولجامدارمەن تٷسٸندٸردٸ.
«اۋىل تۇرعىندارى وبلىس ورتالىقتارى مەن قالالارعا, نۇر-سۇلتان, شىمكەنت جەنە الماتى سيياقتى ٸرٸ قالالارعا كٶشەدٸ. مۇنداي جاعداي 10 جىل ٸشٸندە كٷتٸلەدٸ. ٶيتكەنٸ, ٸرٸ قالالار مەن وبلىس ورتالىقتارىنداعى ٶمٸر سٷرۋ دەڭگەيٸ اۋىلدىق جەرلەرگە قاراعاندا جاقسى. بٷگٸندە اۋىلدا قاجەت ماماندىقتار بويىنشا كٶپتەگەن گرانتتار بەرٸلٸپ جاتىر. ياعني, اۋىل جاستارىنىڭ وقۋعا كەلۋٸ بۇرىنعىدان دا كٶبەيەدٸ. ال قالادا بٸراز ۋاقىت وقىپ, ٶمٸر سٷرگەن ادامدار اۋىلعا ورالعىسى كەلمەيدٸ. وسىنىڭ بەرٸن ويلاپ, كٶشٸ-قون ٷردٸسٸن وسىلاي بولجاپ وتىرمىز», - دەدٸ قۇرىلىسشىلار وداعىنىڭ باسشىسى.
