ۇلتتىق بانك پەن قارجى نارىعىن رەتتەۋ جەنە دامىتۋ اگەنتتٸگٸ بٷگٸن قارجى نارىعى سۋبەكتٸلەرٸنٸڭ جۇمىس رەجيمٸن ٶزگەرتۋ تۋرالى بٸرلەسكەن بۇيرىق شىعاردى. وسىلايشا «قىزىل», «سارى» جەنە «جاسىل» ايماقتاردا قارجى ۇيىمدارىنا كەلەتٸن ادام سانىنا شەكتەۋ قويىلدى, دەپ حابارلايدى "ۇلت اقپارات".
بۇل ەكٸنشٸ دەڭگەيلٸ بانكتەرگە, رەزيدەنت ەمەس بانكتەردٸڭ فيليالدارىنا, ايىرباستاۋ پۋنكتتەرٸنە, يپوتەكالىق ۇيىمدارعا, ساقتاندىرۋ ۇيىمدارىنا, ساقتاندىرۋ بروكەرلەرٸنە, نەسيەلٸك سەرٸكتەستٸكتەر مەن لومباردتارعا, تٶلەم ۇيىمدارى مەن كوللەكتورلىق اگەنتتٸكتەرگە قاتىستى.
بۇيرىق قازاقستان رەسپۋبليكاسى ازاماتتارىنىڭ ٶمٸرٸ مەن دەنساۋلىعىن قورعاۋ, سونداي-اق كوروناۆيرۋس ينفەكتسييانىڭ تارالۋىنا جول بەرمەۋ ماقساتىندا قابىلداندى.
بۇيرىققا سەيكەس, قىزمەتتەر بارىنشا ونلاين رەجيمدە كٶرسەتٸلۋٸ كەرەك.
«قىزىل» ايماققا» جاتاتىن ٶڭٸرلەردە كٷشەيتٸلگەن سانيتارييالىق-دەزينفەكتسييالىق رەجيم شارالارى قاتاڭ ساقتالۋى تيٸس.
سونداي-اق قىزمەتكەردەردٸڭ 60% قاشىقتان جۇمىس ٸستەۋگە اۋىسادى.
«سارى» جەنە «جاسىل» ايماقتاردا – حالىققا قىزمەت كٶرسەتكەن كەزدە كٷشەيتٸلگەن سانيتارييالىق-دەزينفەكتسييالىق رەجيم شارالارىن قاتاڭ ساقتاعان جاعدايدا, ٶندٸرٸستٸك قاجەتتٸلٸك كەزٸندە قاشىقتان جۇمىس ٸستەۋ نىسانىنا فيليالدىڭ شتات سانىنىڭ كەمٸندە 30% اۋىسادى.
«ەكٸنشٸ دەڭگەيدەگٸ بانكتەر كليەنتتەر وپەراتسييالارىن ٶڭدەۋدٸ جٷزەگە اسىراتىن قىزمەتتەردٸڭ جۇمىسىن ۇيىمداستىرۋدى جەنە بانكوماتتاردىڭ, تەرمينالداردىڭ, ينتەرنەت-بانكينگتٸڭ, موبيلدٸك بانكينگتٸڭ جەنە باسقا دا كليەنتتەردٸڭ بانكتٸك شوتتارىن قاشىقتان باسقارۋ جٷيەلەرٸنٸڭ, ينكاسساتورلىق قىزمەتتٸڭ, call-قىزمەتتٸڭ, تٶلەم كارتالارىن جەتكٸزۋ قىزمەتٸنٸڭ, سونداي-اق ولاردىڭ ۇيعارۋى بويىنشا باسقا قىزمەتتەردٸڭ ٷزدٸكسٸز جۇمىس ٸستەۋٸن قامتاماسىز ەتسٸن. سونىمەن قاتار, ەكٸنشٸ دەڭگەيدەگٸ بانكتەر جەنە ايرىقشا قىزمەتٸ بانكنوتتاردى, مونەتالاردى جەنە قۇندىلىقتاردى ينكاسساتسييالاۋ بولىپ تابىلاتىن زاڭدى تۇلعالار ەكونوميكا سۋبەكتٸلەرٸ مەن حالىقتى قولما-قول اقشامەن قامتاماسىز ەتۋ بويىنشا ٷزدٸكسٸز قىزمەتتٸ, ونىڭ ٸشٸندە بانكوماتتاردى قولما-قول اقشامەن ۋاقتىلى تولىقتىرۋدى جەنە ولاردىڭ كٸدٸرٸسسٸز جۇمىسىن جٷزەگە اسىرۋدى قامتاماسىز ەتۋٸ تيٸس» دەلٸنگەن بۇيرىقتا.
ۇلتتىق بانك پەن اگەنتتٸكتٸڭ بٸرلەسكەن بۇيرىعى 2021 جىلدىڭ 19 قاڭتارىندا كٷشٸنە ەندٸ جەنە قر باس مەملەكەتتٸك سانيتار دەرٸگەرٸنٸڭ قاۋلىسىندا كٶرسەتٸلگەن شەكتەۋ شارالارى الىنعانعا دەيٸن كٷشٸندە بولادى.
