دەنساۋلىق ساقتاۋ مينيسترٸ الەكسەي تسوي بالالاردى كوروناۆيرۋسقا قارسى ۆاكتسينالاۋ تۋرالى سۇراققا جاۋاپ بەردٸ, دەپ جازادى Sputnik قازاقستان اگەنتتٸگٸ.
"ەرينە, بۇل تەك ەرٸكتٸ تٷردە, اتا-انالاردىڭ كەلٸسٸمٸمەن عانا جاسالادى. بٸز تەك بالاسىنا ەكپە سالۋعا مٷمكٸندٸك بەرەمٸز", - دەدٸ الەكسەي تسوي "حابار 24" تەلەارناسىنداعى تٸكەلەي ەفير كەزٸندە.
ونىڭ ايتۋىنشا,مينيسترلٸككە بالالاردى ۆيرۋستان قورعاۋ ٷشٸن ۆاكتسينا تابۋ تۋرالى كٶپتەگەن ٶتٸنٸش كەلٸپ تٷسٸپ جاتىر.
"ٶكٸنٸشكە قاراي, قازٸر تەك ەرەسەك ادامدار عانا ۆاكتسينا سالدىرا الادى, بالالارعا كٶمەكتەسۋگە مٷمكٸندٸگٸمٸز جوق. قازٸرگٸ ۋاقىتتا 12 جاستان باستاپ Pfizer ۆاكتسيناسىن سالدىرۋعا كەڭەس بەرٸلۋدە. ازاماتتار بۇل مەسەلەنٸ ٶزدەرٸ شەشەدٸ, بٸراق بٸز ۆاكتسينالاۋعا شاقىرامىز, ٶيتكەنٸ ول كٶمەكتەسەدٸ. ٶكٸنٸشكە قاراي, جاڭا شتاممەن بالالار دا اۋىرادى", - دەدٸ مينيستر.
سونىمەن قاتار مينيستر قازاقستاندىق QazVac ۆاكتسيناسىن بالالارعا سالىپ سىناقتان ٶتكٸزۋگە قاتىستى سۇراققا جاۋاپ بەردٸ.
"بٸزدٸڭ زاڭنامادا ەكپەنٸ بالالارعا سالىپ, سىناقتان ٶتكٸزۋگە تىيىم سالىنعان. سوندىقتان QazVac بويىنشا مۇنداي زەرتتەۋ جٷرگٸزٸلٸپ جاتقان جوق", - دەدٸ تسوي.
19 شٸلدەدە ٶتكەن كەڭەستە مەملەكەت باسشىسى قاسىم-جومارت توقاەۆ QazVac ۆاكتسيناسىن دٷنيەجٷزٸلٸك دەنساۋلىق ساقتاۋ ۇيىمىندا تٸركەۋدٸ جەدەلدەتۋدٸ تاپسىرعان ەدٸ.
