"قازاقستان جاستارى كونگرەسٸ" زاڭدى تۇلعالار بٸرلەستٸگٸنٸڭ ديرەكتورى توقتار بولىسوۆ بالا تۋعانى ٷشٸن يپوتەكا قارىزىن ٶتەۋدٸ ۇسىندى, دەپ حابارلايدى Sputnik قازاقستان.
ونىڭ ايتۋىنشا, كٶپ بالالى انالاردىڭ جەردەماقىسىن بٸرنەشە ەسەگە ٶسٸرٸپ, ٶڭٸردەگٸ ورتاشا جالاقىمەن تەڭەستٸرۋ كەرەك.
"جاس وتباسى يپوتەكا العاننان كەيٸن, بٸرٸنشٸ سەبيٸ دٷنيەگە كەلگەندە, يپوتەكالىق قارىزى 25 پروتسەنتكە تٶمەندەسٸن. ەكٸنشٸسٸ تۋعاندا تاعى 25%-كە, ٷشٸنشٸ بالاسى بولعاندا تاعى 25%-كە. ال تٶرتٸنشٸ بالا تۋىپ, وتباسى كٶپ بالالى اتانعاندا, مەملەكەت قارىزدى تولىعىمەن جاپسىن", - دەگەن ۇسىنىس تاستادى بولىسوۆ سەناتتا ٶتكەن دٶڭگەلەك ٷستەلدە.
مەملەكەت جەڭٸلدٸك ۇسىنعان جاعدايدا, تىم قىمبات پەتەرلەردٸ ساتىپ الۋعا جول بەرمەس ٷشٸن بٸر ادامعا 18 شارشى مەتر پايدالى تۇرعىن ٷي اۋماعىن بٶلۋ ۇسىنىلدى.
"العاشقى ەكٸ پۋنكت جٷزەگە اسقاننان كەيٸن اتا-انالاردىڭ جاۋاپكەرشٸلٸگٸنە قاتىستى زاڭنامانى قاتاڭداتۋ كەرەك. كٶپ بالالى وتباسىلارعا جاعداي جاسالعاننان كەيٸن عانا, بالالاردىڭ قۇقىعىن قورعاۋ سالاسى قاتاڭ باقىلاۋعا الىنۋى تيٸس", - دەدٸ ول.
سونىمەن قاتار بولىسوۆ مەكتەپتەردە پسيحولوگتار دايارلاۋ مەسەلەسٸنە دە توقتالدى. ايتۋىنشا, بٷگٸندە پسيحولوگتاردىڭ بٸلٸكتٸلٸگٸ تٶمەن.
"بٸلٸم بەرۋ مەكەمەلەرٸندە پسيحولوگتاردى وقىتۋ مەن ولاردىڭ مەرتەبەسٸن قايتا قاراۋ قاجەت. تەك سوندا عانا جاستار اراسىنداعى قىلمىستى ازايتا الامىز. ال قازٸر ول بارلىق قىلمىستىڭ 50 پروتسەنتٸن قۇراپ وتىر", - دەدٸ ول.
