2019 جىلى قازاقستاندا ەۋە بيلەتتەرٸنٸڭ قۇنى ارزانداۋى مٷمكٸن. بۇل تۋرالى ينۆەستيتسييالار جەنە دامۋ مينيسترلٸگٸ مەلٸم ەتتٸ, دەپ حابارلايدى قازاقپارات تٸلشٸسٸ.
اتاپ ايتقاندا, بٷگٸن پارلامەنت مەجٸلٸسٸندەگٸ ٷكٸمەت ساعاتىندا دەپۋتاتتار ەۋە بيلەتتەرٸ باعاسىنىڭ جوعارى بولۋى تۋريزمدٸ دامىتۋعا كەدەرگٸ بولىپ وتىرعاندىعىن اتاپ ٶتتٸ.
ٶز كەزەگٸندە قر ينۆەستيتسييالار جەنە دامۋ ۆيتسە-مينيسترٸ تيمۋر توقتاباەۆ بۇل باعىتتا مينيسترلٸك تيٸستٸ جۇمىستاردى اتقارىپ جاتقانىن ايتتى.
«بٸزدە بالالارعا, زەينەتكەرلەرگە, مٷمكٸندٸگٸ شەكتەۋلٸ جاندارعا, جاستارعا ارنالعان جەڭٸلدٸكتەر ەسكەرٸلگەن جولاۋشىلاردى تاسىمالداۋ ەرەجەلەرٸ بەكٸتٸلگەن. دەگەنمەن دە, تاسىمالداۋ قۇنىنا قاتىستى مەسەلە ەلٸ دە بار. قازٸرگٸ كەزدە ەنەرگەتيكا مينيسترلٸگٸمەن بٸرلەسە بٸزدٸڭ ۇشاقتار پاركٸ ٷشٸن ٶزٸمٸزدٸڭ اۆياكەروسينمەن قامتاماسىز ەتۋ بٶلٸگٸندە تيٸستٸ جۇمىستار جٷرگٸزٸلۋدە. الداعى جىلى تولىقتاي وتاندىق اۆياكەروسينمەن قامتۋ جوسپارلانىپ وتىر. مەنٸڭ ويىمشا, كەلەسٸ جىلى وڭتايلى نەتيجە بايقالادى», - ت. توقتاباەۆ.
ونىڭ اتاپ ٶتۋٸنشە, بيلەت قۇنى بٸرنەشە ينديكاتورلار ەسەبٸنەن قالىپتاسادى. سونىڭ ٸشٸندە اۆياوتىن باعاسى نەگٸزگٸ كٶرسەتكٸش بولىپ وتىر.
بۇدان بۇرىن حابارلانعانداي, پارلامەنت مەجٸلٸسٸندە تۋريستٸك سالانى دامىتۋعا ارنالعان ٷكٸمەت ساعاتىندا مەدەنيەت جەنە سپورت مينيسترٸ ارىستانبەك مۇحامەديۇلى ەلەكتروندىق ۆيزا تەتٸگٸ قاشان ەنگٸزٸلەتٸنٸن ايتتى.
