2060 جىلعا قاراي قازاقستاندا زيياندى شىعارىندىلار كٶلەمٸ 473 ميلليون توننادان اسۋى مٷمكٸن. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ ايتتى, دەپ حابارلايدى قازاقپارات.
«ەۋروپالىق وداق 2023 جىلدان باستاپ كٶمٸرتەكتٸ قاجەتسٸنەتٸن ٶنٸمدەر يمپورتىنا سالىناتىن شەكارالىق كٶمٸرتەك سالىعىن ەنگٸزۋدٸ جوسپارلاپ وتىر. بۇل حالىقارالىق ساۋدا ەرەجەلەرٸن تٷبەگەيلٸ ٶزگەرتەتٸن بولادى. پاريج كەلٸسٸمٸ اياسىندا قازاقستان ٶزٸنە 2030 جىلعا قاراي شىعارىندىلاردى 1990 جىلعى دەڭگەيدەن 15 پايىزعا, ال حالىقارالىق قولداۋ كٶرسەتٸلەتٸن جاعدايدا 25 پايىزعا قىسقارتۋ مٸندەتتەمەسٸن الدى», - دەدٸ مينيستر ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
الايدا, مينيستر بٷگٸنگٸ تاڭدا شىعارىندىلار 1990 جىلعى دەڭگەيدەن ەلدەقاشان اسىپ كەتكەنٸن ايتادى.
«ايتارلىقتاي ٸس-شارالار قابىلدانباسا, بولجام بويىنشا جالپى شىعارىندىلاردىڭ ۇلعايۋى جالعاسىپ, 2060 جىلى 473 ميلليون توننادان اساتىن بولادى», - دەدٸ ول.
وسى رەتتە سەرٸكقالي برەشەكەۆ قازاقستان رەسپۋبليكاسىنىڭ پاريج كەلٸسٸمٸنٸڭ تەمپەراتۋرالىق تالابىن ساقتاۋ, سونداي-اق مەملەكەت باسشىسىنىڭ كٶمٸرتەگٸ بەيتاراپتىعىنا قول جەتكٸزۋ تۋرالى مەلٸمدەمەسٸن ٸسكە اسىرۋعا ٷلەس قوسۋ ٷشٸن 2060 جىلعا دەيٸن كٶمٸرتەگٸ بەيتاراپتىعىنا قاتىستى دوكتريناسىنىڭ جوباسى ەزٸرلەنگەنٸن اتاپ ٶتتٸ.
«دوكترينانى ەزٸرلەۋ كەزٸندە ناقتى ەكونوميكانى مودەلدەۋ ٷشٸن ەڭ وزىق TIMES, CGE جەنە System Dynamics ٷلگٸلەرٸ قولدانىلدى. بۇل بارىنشا از ينۆەستيتسييالىق شىعىندار جۇمساۋ جەنە بارىنشا كٶپ ەكونوميكالىق پايدا الۋ تۇرعىسىنان العاندا قازاقستان ەكونوميكاسىن كٶمٸرسٸزدەندٸرۋدٸڭ ەڭ وڭتايلى جولىن انىقتاۋعا مٷمكٸندٸك بەردٸ», - دەدٸ مينيستر.
