پارلامەنت مەجٸلٸسٸنٸڭ جالپى وتىرىسىندا «مٸندەتتٸ ەلەۋمەتتٸك ساقتاندىرۋ تۋرالى» زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى قازاقپارات تٸلشٸسٸ.
زاڭ جوباسىنىڭ نەگٸزگٸ ماقساتى - ەڭبەك ٶتٸلٸ مەن ەلەۋمەتتٸك تٶلەم مٶلشەرٸنٸڭ اراسىنداعى ٶزارا بايلانىستى كٷشەيتۋ, سونداي-اق 2020 جىلدان باستاپ ەڭبەك ەتۋ قابٸلەتٸنەن, اسىراۋشىسىنان جەنە جۇمىسىنان ايىرىلۋى بويىنشا ەلەۋمەتتٸك تٶلەم مٶلشەرلەرٸن ورتاشا ەسەپپەن 30 پايىزعا ارتتىرۋدى قامتاماسىز ەتۋ.
«وسى ماقساتتارعا قول جەتكٸزۋ ٷشٸن زاڭ جوباسىندا مەملەكەتتٸك ەلەۋمەتتٸك ساقتاندىرۋ قورىنان تٶلەنەتٸن 3 تٷرلٸ ەلەۋمەتتٸك تٶلەمدەردٸ تاعايىنداۋ پارامەترلەرٸن قايتا قاراستىرۋ كٶزدەلگەن. بٸرٸنشٸدەن, ەڭبەك ٶتٸلٸ 5 جىلدان اساتىن تٶلەم الۋشىلار ٷشٸن جٷيەگە قاتىسۋ ٶتٸلٸنٸڭ كوەففيتسيەنتٸن قايتا قاراۋ ۇسىنىلادى. بۇل كوەففيتسيەنت 3 ەلەۋمەتتٸك تٶلەمنٸڭ مٶلشەرٸن ايقىنداۋ كەزٸندە قولدانىلادى. بٷگٸنگٸ كٷنٸ 5 جىل جەنە ودان كٶپ ٶتٸلٸ بار ازاماتتار ٷشٸن بٸردەي كوەففيتسيەنت (1,0) قولدانىلىپ كەلەدٸ. وسىلايشا جٷيەگە 5 جىلدان كٶپ قاتىسقان ادامدى ىنتالاندىرۋ تەتٸگٸ قاراستىرىلماعان. جٷيەگە نەعۇرلىم كٶپ قاتىسۋدى ىنتالاندىرۋ ٷشٸن 5 جىلدان ارتىق قاتىسۋ ٶتٸلٸ بار ازاماتتارعا ەربٸر ەڭبەك ەتكەن تولىق بٸر جىلى ٷشٸن كوەففيتسيەنتتٸ 2 پايىزعا ارتتىرۋ ۇسىنىلادى», - دەدٸ ەڭبەك جەنە حالىقتى ەلەۋمەتتٸك قورعاۋ مينيسترٸ بەردٸبەك ساپارباەۆ.
بەلگٸلٸ بولعانداي, 2018 جىلى مٸندەتتٸ ەلەۋمەتتٸك ساقتاندىرۋ جٷيەسٸنە 5 جىلدان كٶپ قاتىسقان ازاماتتار سانى 3,4 ملن ادامدى نەمەسە قاتىسۋشىلاردىڭ جالپى سانىنىڭ (6,1 ملن ادام) 55 پايىزىن قۇرادى. سوندىقتان, بۇل ٶزگەرٸس تٶلەم الۋشىلارعا وڭ ەسەرٸن تيگٸزەتٸن بولادى.
«ەكٸنشٸدەن, مٷگەدەكتٸگٸ بار ادامداردىڭ ەلەۋمەتتٸك قورعالۋ دەڭگەيٸن ارتتىرۋ ماقساتىندا ەڭبەك ەتۋ قابٸلەتٸنەن ايىرىلۋى بويىنشا ەلەۋمەتتٸك تٶلەمنٸڭ مٶلشەرٸن تٸكەلەي مەديتسينالىق-ەلەۋمەتتٸك ساراپتاما نەگٸزٸندە بەلگٸلەنگەن جالپى ەڭبەك ەتۋ قابٸلەتٸنەن ايىرىلۋ دەڭگەيٸنە (30%-دان 100%-عا دەيٸن) سەيكەس انىقتاۋ ۇسىنىلادى. بٷگٸنگٸ كٷنٸ ەڭبەك ەتۋ قابٸلەتٸنەن ايىرىلۋدىڭ ورتاشا كوەففيتسيەنتٸ قولدانىلادى, ياعني مٷگەدەكتٸگٸ بار ادامداردىڭ ناقتى قاجەتتٸلٸگٸ ەسكەرٸلمەيدٸ. زاڭ جوباسىندا وسى مەسەلەنٸ رەتتەۋ كٶزدەلگەن. مەسەلەن, 65 پايىزعا بەرٸلسە, كوەففيتسيەنت - 0,65, 80 پايىزعا - 0,8, ال 100 پايىزعا بەرٸلسە, كوەففيتسيەنت 1-گە تەڭ بولادى», - دەدٸ مينيستر.
«مىسالى, ازاماتتىڭ ورتاشا ايلىق تابىسى 100 مىڭ تەڭگە. ول 7 جىل جۇمىس ٸستەپ, ەلەۋمەتتٸك اۋدارىمدارى تٶلەنگەن بولسا, وندا ەڭبەك ەتۋ قابٸلەتٸنەن 65 پايىزعا ايرىلعان جاعدايدا, ەلەۋمەتتٸك تٶلەمنٸڭ مٶلشەرٸ قولدانىستاعى فورمۋلا بويىنشا 22 988 تەڭگەنٸ, ال زاڭ جوباسىنداعى جاڭا فورمۋلا بويىنشا 31 080 تەڭگەنٸ (ٶسٸم 35%) قۇرايدى. بۇل تٶلەم مەملەكەتتٸك ەلەۋمەتتٸك ساقتاندىرۋ قورىنان جۇمىس ٸستەپ, ەلەۋمەتتٸك اۋدارىمدارى تٶلەنگەن ازاماتتارعا بەرٸلەدٸ. وعان قوسا, بازالىق دەڭگەيدەن مٷگەدەكتٸگٸ بويىنشا مەملەكەتتٸك جەردەماقى قوسا تاعايىندالادى, 2-شٸ توپتاعى مٷگەدەك ٷشٸن ونىڭ مٶلشەرٸ بيىلعى جىلى 45 438 تەڭگەنٸ قۇرايدى, سوندا تٶلەمنٸڭ جالپى سوماسى ايىنا 76 518 تەڭگە بولادى», - دەدٸ ب. ساپارباەۆ.
ٶتكەن جىلدىڭ قورىتىندىسى بويىنشا جالپى ەڭبەك ەتۋ قابٸلەتٸنەن ايىرىلۋى بويىنشا ەلەۋمەتتٸك تٶلەمدٸ الۋشىلار سانى 83,1 مىڭ ادامدى قامتىدى. تٶلەمنٸڭ سوماسى 12,3 ملرد تەڭگەگەگە جەتتٸ.
