قر ەنەرگەتيكا مينيسترٸ قانات بوزىمباەۆ رەسپۋبليكا بويىنشا 742 شاقىرىم ەلەكتر جەلٸسٸنٸڭ يەسٸ جوق ەكەنٸن ايتتى, دەپ حابارلايدى قازاقپارات تٸلشٸسٸ.
ەلٸمٸزدٸڭ باس ەنەرگەتيگٸ يەسٸز جەلٸلەردٸ قىسقارتۋ بويىنشا قىرۋار شارۋا اتقارىلىپ جاتقانىن ايتا كەلە, ەنەرگييا بەرۋشٸ ۇيىمدار سانى 162-دەن 152-گە ازايتىلعانىن اتادى. ونىڭ پٸكٸرٸنشە, مۇنداي قادام سالاداعى قاۋٸپسٸزدٸك دەڭگەيٸن ارتتىرىپ وتىر.
«2018 جىلى يەسٸز جەلٸلەر ۇزىندىعى 2 350 شاقىرىم بولسا, 2019 جىلدىڭ باسىندا بۇل كٶرسەتكٸش 1 336 شاقىرىمعا ازايدى. ال سوڭعى بەس ايدىڭ ٸشٸندە 594 شاقىرىم ەلەكتر جەلٸسٸ جەرگٸلٸكتٸ كەسٸپورىندار بالانسىنا بەرٸلٸپ, 742 شاقىرىمى يەسٸز تۇر», - دەيدٸ قانات بوزىمباەۆ.
مينيستر اتاعان قادامداردىڭ نەتيجەسٸندە ەلەكتر جەلٸسٸندەگٸ جازاتايىم وقيعالار ازايعان.
«جالپى 2023 جىلعا قاراي رەسپۋبليكا بويىنشا ەنەرگييا بەرۋشٸ ۇيىمدار سانىن 110-عا دەيٸن قىسقارتۋ كٶزدەلٸپ وتىر. ال يەسٸز جەلٸلەر مەن كوممۋنالدىق ۇيىمدار مٷلدە بولمايدى», - دەدٸ ول.
قانات بوزىمباەۆ ەلەكترمەن جابدىقتاۋ جٷيەسٸنٸڭ قولجەتٸمدٸلٸگٸ بويىنشا قازاقستان دٷنيەجٷزٸلٸك بانكتٸڭ «Doing Business» رەيتينگٸندە قازاقستان 76-شى ورىندا تۇرعانىن ەسكە سالدى.
ەل الدىندا ەسەپ بەرگەن ەنەرگەتيكا مينيسترٸ قانات بوزىمباەۆ 2027 جىلعا دەيٸن قازاقستاندا ەلەكترگە تاپشىلىق بولمايتىنىن دا ايتقان ەدٸ.
