QR Energetika ministri Qanat Bozymbaev respýblika boiynsha 742 shaqyrym elektr jelisiniń iesi joq ekenin aitty, dep habarlaidy QazAqparat tilshisi.
Elimizdiń bas energetigi iesiz jelilerdi qysqartý boiynsha qyrýar sharýa atqarylyp jatqanyn aita kele, energiia berýshi uiymdar sany 162-den 152-ge azaitylǵanyn atady. Onyń pikirinshe, mundai qadam saladaǵy qaýipsizdik deńgeiin arttyryp otyr.
«2018 jyly iesiz jeliler uzyndyǵy 2 350 shaqyrym bolsa, 2019 jyldyń basynda bul kórsetkish 1 336 shaqyrymǵa azaidy. Al sońǵy bes aidyń ishinde 594 shaqyrym elektr jelisi jergilikti kásiporyndar balansyna berilip, 742 shaqyrymy iesiz tur», - deidi Qanat Bozymbaev.
Ministr ataǵan qadamdardyń nátijesinde elektr jelisindegi jazataiym oqiǵalar azaiǵan.
«Jalpy 2023 jylǵa qarai respýblika boiynsha energiia berýshi uiymdar sanyn 110-ǵa deiin qysqartý kózdelip otyr. Al iesiz jeliler men kommýnaldyq uiymdar múlde bolmaidy», - dedi ol.
Qanat Bozymbaev elektrmen jabdyqtaý júiesiniń qoljetimdiligi boiynsha Qazaqstan Dúniejúzilik banktiń «Doing Business» reitinginde Qazaqstan 76-shy orynda turǵanyn eske saldy.
El aldynda esep bergen energetika ministri Qanat Bozymbaev 2027 jylǵa deiin Qazaqstanda elektrge tapshylyq bolmaitynyn da aitqan edi.
