قازاقستاندا مەكتەپتەر 2021 جىلدان باستاپ ون ەكٸ جىلدىق بٸلٸم بەرۋ جٷيەسٸنە كٶشەدٸ. بۇل جايىندا بٸلٸم جەنە عىلىم مينيسترٸ اسحات ايماعامبەتوۆ حابارلاعان بولاتىن. بٸلٸم بەرۋ جٷيەسٸنٸڭ جاڭا فورماتىنا كٶشۋ قالاي جٷزەگە اسىرىلادى جەنە ون ەكٸ جىلدىق بٸلٸم بەرۋ جٷيەسٸنە ساي وقۋشى مەكتەپتٸ نەشە جاسىندا بٸتٸرەتٸنٸن تالداپ كٶرەيٸك. بۇل تۋرالى «ۇلت» پورتالى حابارلايدى.
ەڭ الدىمەن قازاقستانداعى مەكتەردٸڭ ون ەكٸ جىلدىق بٸلٸم بەرۋ فورماتىنا كٶشۋٸ مينيسترلٸكتٸڭ 2020-2025 جىلدارعا ارنالعان بٸلٸم بەرۋ مەن عىلىمدى دامىتۋدىڭ مەملەكەتتٸك باعدارلاماسىنىڭ جوباسىنا ەنگەنٸن ايتا كەتكەن جٶن. ال 12 جىلدىق جٷيەگە كٶشۋ كەزەڭ-كەزەڭٸمەن 2021 جىلى جاڭارتىلعان بٸلٸم بەرۋ مازمۇنى تولىقتاي ەنگٸزٸلگەن سوڭ جٷزەگە اسادى. ال بٸلٸم سالاسىنداعى جاڭارتىلعان باعدارلامالار 2015 جىلى بەكٸتٸلدٸ. سوعان سەيكەس, قازٸر بارلىق سىنىپتىڭ 95 پايىزى دەرلٸك جاڭارتىلعان مازمۇنعا كٶشتٸ. 2020 جىلى 11-سىنىپتار دا جاڭارتىلعان باعدارلاماعا اۋىسادى دەپ جوسپارلانعان بولاتىن.
دەي تۇرعانمەن, مينيستر اسىعىستىق تانىتساق, جاعدايدىڭ ۋشىعىپ كەتۋٸ مٷمكٸن ەكەنٸن ايتتى. سەبەبٸ بۇل جٷيە بٸلٸم جٷيەسٸنە كٶشۋ مەكتەپتەردٸڭ ينفراقۇرىلىمىنا ٷلكەن سالماق سالادى. سونىمەن قاتار ۇستازداردى دايارلاۋ مەن جاڭا وقۋلىقتاردى شىعارۋ دا قاجەت. تاعى بٸر ٶزەكتٸ مەسەلە – قازاقستاندا ٷش اۋىسىممەن جۇمىس ٸستەيتٸن مەكتەپتەردٸڭ قاراسى كٶپ ەكەنٸ.
ياعني, ون ەكٸ جىلدىق بٸلٸم بەرۋ جٷيەسٸ 1-11 سىنىپتار جاڭارتىلعان مازمۇنداعى باعدارلاما مەن جاڭا باعالاۋ جٷيەسٸنە تولىعىمەن كٶشكەننەن كەيٸن ەنگٸزٸلەدٸ.
وقۋدىڭ جاڭا جٷيەسٸنە اۋىسۋ ٷشٸن 2016 جىلدان باستاپ 1, 2, 3, 5, 6, 7 جەنە 8-سىنىپتاردا ورتا بٸلٸم بەرۋدٸڭ جاڭارتىلعان مازمۇنى ەنگٸزٸلدٸ. بۇل جٷيە نازارباەۆ زيياتكەرلٸك مەكتەبٸنٸڭ تەجٸريبەسٸ نەگٸزٸندە قۇراستىرىلعان بولاتىن.
2019-2020 وقۋ جىلىندا بۇل قاتارعا 4, 9 جەنە 10-سىنىپ وقۋشىلارى دا قوسىلدى, ال مەكتەپتٸڭ بٸتٸرۋشٸ تٷلەكتەرٸ ٷشٸن بٸلٸم بەرۋدٸڭ جاڭا مازمۇنى 2020-2021 وقۋ جىلىندا ەنگٸزٸلەدٸ.
بۇل جٷيەگە كٶشكەن سوڭ مەكتەپتەردەگٸ باستاۋىش سىنىپتاردىڭ وقۋ مەرزٸٸم بٸر جىلعا ۇزارتىلادى. بۇعان دەيٸن 1-4 سىنىپ باستاۋىش دەپ اتالسا, ەندٸ وقۋشىلار 1-5 سىنىپتا باستاۋىشتا بٸلٸم الادى. نەگٸزگٸ ورتا جەنە جالپى ورتا بٸلٸم بەرۋ مەرزٸمٸ ٶزگەرمەيدٸ.
قورىتا ايتقاندا, بۇل جٷيە 2021-2022 وقۋ جىلىنان باستاپ كٶشٸرٸلەدٸ. ال باعدارلاما بەكٸتٸلگەننەن كەيٸن وقۋ جوسپارى مەن مەملەكەتتٸك جالپىعا مٸندەتتٸ بٸلٸم بەرۋ ستاندارتىنا ٶزگەرٸس ەنگٸزٸلەدٸ.
مينيستردٸڭ ايتۋىنشا, بۇل جٷيەگە كٶشكەن كەزدە وقۋشىلار ايتارلىقتاي ٶزگەرٸستٸ سەزبەيدٸ. سەبەبٸ قازٸر تٶرتٸنشٸ سىنىپ وقىپ جٷرگەن وقۋشىلار بٸرٸنشٸ سىنىپتان بەرٸ جاڭارتىلعان باعدارلاما نەگٸزٸندە بٸلٸم الىپ جاتىر. سونىمەن قاتار ەندٸ 10-سىنىپ وقۋشىلارىنىڭ وقۋ باعدارلاماسىنا "كەسٸپكەرلٸك جەنە بيزنەس نەگٸزدەرٸ" پەنٸ قوسىلادى. مينيسترلٸك بۇل پەندٸ قوسۋ ارقىلى وقۋشىلاردىڭ ماماندىق تاڭداۋىندا قاتەلٸك جٸبەرمەۋٸ ٷشٸن قاجەت ەكەنٸن ايتىپ وتىر.
سونىمەن قاتار ون ەكٸ جىلدىق بٸلٸم بەرۋ جٷيەسٸنە كٶشكەننەن كەيٸن بالالار التى جاستان باستاپ مەكتەپكە قابىلدانادى. وسى ورايدا ەگەر بالا التى جاسىندا مەكتەپكە باراتىن بولسا, ون ەكٸ جىل وقىپ شىققان كەزدە 18 جاستا بولادى, ال 18 جاستاعى بالا ەسكەرگە شاقىرىلاتىنى دا كٶتەرٸلگەن بولاتىن. الايدا زاڭعا سەيكەس, قازاقستاندا بالالار تولىق التى جاسقا تولعان سوڭ مەكتەپكە بارادى. قازٸردٸڭ ٶزٸندە بالاداردىڭ 80%-ى مەكتەپكە التى جاستان باستاپ بارادى. سونىمەن قاتار بۇل كٶرسەتكٸش جىل سايىن ارتىپ جاتىر. دەمەك, 6 جاستا مەكتەپكە بارعان بالا 12 جىلدىق مەكتەپتٸ ون جەتٸ جاسىندا بٸتٸرٸپ شىعادى. جەتٸ جاستان مەكتەپكە بارىپ, ون بٸر جىل وقىعاندار دا دەل سولاي, سوندىقتان بۇل جاعىنان ەش ٶزگەرٸس جوق, دەپ ايتتى ايماعامبەتوۆ.
دەمەك, 17 جاسىندا مەكتەپ بٸتٸرگەن تٷلەك جوعارى وقۋ ورنىنا تٷسسە, ەسكەر قاتارىنا كەيٸنٸرەك شاقىرىلادى.
