مەملەكەتتٸك قىزمەت سالاسىنداعى زاڭنامانى بۇزعانى ٷشٸن 187 ادام ەكٸمشٸلٸك جاۋاپكەرشٸلٸككە تارتىلدى, دەپ حابارلادى قازاقستان مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸ.
العاشقى جارتىجىلدىقتا بارلىعى 194 ەكٸمشٸلٸك ٸس قوزعالدى. جاۋاپكەرشٸلٸككە تارتىلعاندار بيۋدجەتكە 5,6 ميلليون تەڭگە (16 مىڭ دوللارعا جۋىق) ايىپپۇل تٶلەدٸ.
شەنەۋنٸكتەرگە قانداي قۇقىق بۇزشىلىق ٷشٸن ايىپپۇل سالىندى?
استانادا سوت قاۋلىسىمەن ەكٸمشٸلٸك مەملەكەتتٸك قىزمەتتٸ يەلەنۋگە كونكۋرستىق ٸرٸكتەۋ رەسٸمدەرٸن بۇزعانى ٷشٸن ينۆەستيتسييالار جەنە دامۋ مينيسترلٸگٸ يندۋسترييالىق دامۋ جەنە ٶنەركەسٸپتٸك قاۋٸپسٸزدٸك كوميتەتٸنٸڭ كونكۋرستىق كوميسسيياسىنىڭ مٷشەلەرٸ ەكٸمشٸلٸك جاۋاپكەرشٸلٸككە تارتىلدى. زاڭدى ساقتاماعان مەملەكەتتٸك قىزمەتكەرلەر 36 مىڭ تەڭگە, نەمەسە 15 اەك (103 دوللار شاماسىندا) ايىپپۇل تٶلەدٸ.
جامبىل وبلىسىندا قىزمەتكەرلەرٸن ەكٸمشٸلٸك مەملەكەتتٸك قىزمەتتەن زاڭسىز بوساتقانى ٷشٸن اقىرتٶبە اۋىلدىق وكرۋگٸنٸڭ ەكٸمٸ دە 15 اەك ايىپپۇلمەن جازالاندى.
اقتٶبە وبلىسىندا ستەپنوي اۋىلدىق وكرۋگٸنٸڭ ەكٸمٸ كەسٸپكەرلٸك قىزمەتپەن اينالىسقانى ٷشٸن ەكٸمشٸلٸك جاۋاپكەرشٸلٸككە تارتىلدى. كودەكستٸڭ 154-بابىنا سەيكەس 200 اەك نەمەسە 481 مىڭ تەڭگە كٶلەمٸندە (1375 دوللار شاماسىندا) ايىپپۇل سالۋ تٷرٸندە جازاعا تارتىلدى.
اقمولا وبلىسىندا ەسٸل اۋدانى ورلوۆكا اۋىلى ەكٸمٸ اپپاراتىنىڭ مامانى تابىستارى مەن مٷلكٸ تۋرالى دەكلاراتسييا تاپسىرماعانى ٷشٸن جازالاندى. ول 50 اەك, نەمەسە 120 250 تەڭگە (343 دوللار شاماسىندا) ايىپپۇل تٶلەۋٸ تيٸس.
