قازاقستاندا الداعى ٷش جىلدا 1971 جىلدان باستاپ بەكٸتٸلگەن تەرميندەرگە مونيتورينگ جاسالادى. بۇل تۋرالى مەجٸلٸس دەپۋتاتتارىنىڭ ساۋالىنا وراي قر پرەمەر-مينيسترٸنٸڭ ورىنباسارى ەرالى توعجانوۆتىڭ جاۋابىندا ايتىلعان, دەپ حابارلايدى "ۇلت اقپارات".
«تەرمينولوگييا سالاسى مەملەكەتتٸك تٸلدٸ دامىتۋدىڭ باسىم باعىتتارىنىڭ بٸرٸ بولىپ سانالادى. وسى رەتتە ۇلتتىق تەرمينولوگييالىق قوردى تولىقتىرۋ بويىنشا ٷزدٸكسٸز جۇمىس جٷرگٸزٸلٸپ كەلەدٸ. تەۋەلسٸزدٸك جىلدارى قازاق تٸلٸنٸڭ تەرمينولوگييالىق قورى ايتارلىقتاي ارتىپ, قازٸر ول 30 مىڭعا جۋىق تەرميندٸ قامتيدى. قر ٷكٸمەتٸنٸڭ 1998 جىلعى 21 سەۋٸردەگٸ № 367 قاۋلىسىنا سەيكەس تەرمينولوگييا كوميسسيياسى قازاقستان رەسپۋبليكاسى ٷكٸمەتٸنٸڭ جانىنداعى بارلىق سالالاردا قازاق تٸلٸنٸڭ تەرمينولوگييالىق لەكسيكاسى بويىنشا ۇسىنىستار ەزٸرلەيتٸن كونسۋلتاتسييالىق-كەڭەسشٸ ورگان بولىپ تابىلادى», - دەدٸ ول.
ونىڭ اتاپ ٶتۋٸنشە, كوميسسييا بەكٸتكەن تەرميندەردٸڭ جاپپاي قولدانىلۋىن قامتاماسىز ەتۋ ماقساتىندا مەدەنيەت جەنە سپورت مينيسترلٸگٸ مٷددەلٸ مەملەكەتتٸك ورگاندارمەن بٸرلەسٸپ, تيٸستٸ شارالار قابىلدايدى. بٸرٸزدٸلٸكتٸ قامتاماسىز ەتۋ ماقساتىندا كوميسسييا بەكٸتكەن تەرميندەردٸڭ جيناعى تۇراقتى تٷردە بارلىق مەملەكەتتٸك ورگاندارعا جۇمىستا پايدالانۋ ٷشٸن جولدانادى. سونىمەن قاتار بەكٸتٸلگەن تەرميندەر «termincom.kz» رەسمي سايتىندا, «ەگەمەن قازاقستان», «انا تٸلٸ» جەنە «تٷركٸستان» رەسپۋبليكالىق گازەتتەرٸندە, ەلەۋمەتتٸك جەلٸلەردە جارييالانادى.
«2020 جىلى تەرميندەردٸ پايدالانۋعا قاتىستى ارنايى مونيتورينگ جٷرگٸزۋدٸڭ ەدٸستەمەسٸ بەكٸتٸلدٸ. ونىڭ نەگٸزٸندە 2021-2023 جىلدار ارالىعىندا 1971 جىلدان باستاپ بەكٸتٸلگەن تەرميندەرگە مونيتورينگ جاسالادى. نەتيجەسٸندە بەكٸتٸلگەن تەرمينولوگييالىق قور رەتتەلٸپ, كٶپشٸلٸكتٸڭ نازارىنا ۇسىنىلادى», - دەدٸ ەرالى توعجانوۆ.
ٷكٸمەت باسشىسى ورىنباسارىنىڭ ايتۋىنشا, سالالىق تەرميندەردٸڭ ساپاسىن قامتاماسىز ەتۋ ٷشٸن ورتالىق اتقارۋشى ورگاندار جانىنان تەرمينولوگييالىق جۇمىس توپتارى قىزمەت ەتەدٸ. بۇل باعىتتا 2 جۇمىستى جەتٸلدٸرۋ ماقساتىندا كوميسسييانىڭ قۇرامىنا ەرتٷرلٸ سالا ماماندارىن تارتۋ كٶزدەلٸپ وتىر.
«تەرميندەردٸ بەكٸتۋ ٸسٸنە ازاماتتاردىڭ قاتىسۋىن قامتاماسىز ەتۋ ماقساتىندا «termincom.kz» سايتىندا قارالۋداعى تەرميندەرگە داۋىس بەرۋ پلاتفورماسى اشىلدى. سايتتىڭ قولدانۋشىلارى كوميسسييا مٷشەلەرٸنٸڭ ۇسىنىستارىمەن تانىسىپ, ٶز پٸكٸرلەرٸن بٸلدٸرە الادى. قولدانۋشىلاردىڭ ۇسىنىس-پٸكٸرلەرٸ تەرميندەردٸ بەكٸتۋ كەزٸندە نازارعا الىنادى. كوميسسييا وتىرىستارىن بارىنشا اشىق ٶتكٸزۋ ٷشٸن ونىڭ كەلەسٸ وتىرىستارىنا باق ٶكٸلدەرٸن شاقىرۋ جوسپارلانىپ وتىر», - دەدٸ ول.
