قازاقستاندا 19 مىڭنان استام شەتەلدٸك ەڭبەك ەتٸپ جاتىر, دەپ حابارلايدى "ۇلت اقپارات" قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
مينيسترلٸكتٸڭ مەلٸمەتٸنشە, 2020 جىلعى 1 اقپانداعى جاعداي بويىنشا قازاقستان اۋماعىندا جەرگٸلٸكتٸ اتقارۋشى ورگانداردان رۇقسات العان 19 137 شەتەلدٸك ازامات ەڭبەك قىزمەتٸن جٷزەگە اسىرادى.
«ولاردىڭ ٸشٸندە بٸرٸنشٸ سانات بويىنشا (باسشىلار جەنە ولاردىڭ ورىنباسارلارى) 753 ادام (4%), ەكٸنشٸ سانات بويىنشا (قۇرىلىمدىق بٶلٸمشەلەردٸڭ باسشىلارى) – 4 364 (23%), ٷشٸنشٸ سانات بويىنشا (ماماندار) – 9 613 (50%), تٶرتٸنشٸ سانات بويىنشا (بٸلٸكتٸ جۇمىسشىلار) – 1 749 (9%), ماۋسىمدىق جۇمىستاردا – 926 (5%), كورپوراتيۆتٸك اۋىستىرۋ شەڭبەرٸندە 1 732 ادام (9%) تارتىلدى», دەلٸنگەن حابارلامادا.
شەتەلدٸكتەردٸ تارتقان جۇمىس بەرۋشٸنٸڭ سانى – 2 021, ولاردا 479 342 قازاقستاندىق جۇمىس ٸستەيدٸ, بۇل قىزمەتكەرلەردٸڭ جالپى سانىنىڭ 96%.
«شەتەلدٸكتەردٸڭ باسىم بٶلٸگٸ قۇرىلىس سالاسىندا – 8 582 ادام (45%) جۇمىس ٸستەيدٸ. تاۋ-كەن ٶنەركەسٸبٸندە 2 228 ادام (12%), ٶڭدەۋ ٶنەركەسٸبٸندە – 1 586 (8%), كەسٸبي, عىلىمي جەنە تەحنيكالىق قىزمەتتە 1 397 شەتەلدٸك (7%) جۇمىس ٸستەيدٸ», دەلٸنگەن حابارلامادا.
ەڭبەكشٸ ميگرانتتاردىڭ نەگٸزگٸ شىعۋ ەلدەرٸ: قىتاي – 5 266 ادام (28%), تٷركييا – 1 935 (10%), ٷندٸستان – 1 896 (10%), ۇلىبريتانييا – 1 434 (8%), ٶزبەكستان – 965 (5%).
ەسكە سالا كەتسەك, ٸشكٸ ەڭبەك نارىعىن قورعاۋ ماقساتىندا قر ٷكٸمەتٸ جىل سايىن رەسپۋبليكاعا شەتەلدٸك مامانداردى تارتۋ كۆوتاسىن بەلگٸلەيدٸ. 2020 جىلعا ارنالعان كۆوتا جۇمىس كٷشٸنٸڭ سانىنا قاتىستى 0,32% نەمەسە 29,3 مىڭ بٸرلٸك مٶلشەرٸندە بەكٸتٸلدٸ.
ايتا كەتەرلٸگٸ, ەلٸمٸزدە شەتەلدٸك جۇمىسكەرلەردٸ تارتۋعا ارنالعان كۆوتا 40 پايىزعا قىسقارتىلعان.
