قازاقستاندا 45 ٶنەركەسٸپتٸك قالا بار جەنە ونىڭ 10-ىندا اتموسفەرالىق اۋا لاستانۋىنىڭ ەڭ جوعارعى دەڭگەيٸ تٸركەلدٸ. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ ايتتى, دەپ حابارلايدى قازاقپارات.
«كليماتتىڭ ٶزگەرۋٸ مەن كٶمٸرتەكتٸك بەيتاراپتىققا قول جەتكٸزۋ مەسەلەلەرٸنٸڭ شەشٸمٸن ەكولوگييالىق پروبلەمالاردى شەشۋ ارقىلى تابا الامىز. قازاقستانداعى نەگٸزگٸ ەكولوگييالىق پروبلەمالار اتموسفەرالىق اۋانىڭ لاستانۋى, جەرٷستٸ سۋلارى جەنە قالدىقتارمەن جۇمىس ٸستەۋ جٷيەسٸنٸڭ ناشارلىعى بولىپ وتىر», - دەدٸ مينيستر ٷكٸمەت وتىرىسىندا.
اتموسفەرالىق اۋا مونيتورينگٸنە سەيكەس, 45 ٶنەركەسٸپتٸك قالانىڭ ٸشٸندە 10-ى اتموسفەرالىق اۋا لاستانۋىنىڭ جوعارى دەڭگەيٸن كٶرسەتۋدە. ولار – نۇر-سۇلتان, الماتى, قاراعاندى, تەمٸرتاۋ, اتىراۋ, اقتٶبە, بالقاش, ٶسكەمەن, جەزقازعان جەنە شىمكەنت قالالارى.
«لاستانۋدىڭ باستى سەبەپتەرٸ – جابدىقتاردىڭ توزۋى, زاۋىتتارداعى شاڭ تازارتۋ قوندىرعىلارى جۇمىسىنىڭ تيٸمسٸزدٸگٸ, جاڭعىرتۋ مەن قايتا قۇرۋدىڭ بولماۋى جەنە كٶمٸردٸ پايدالانۋ. جەرٷستٸ سۋلارىنىڭ لاستانۋىنىڭ نەگٸزگٸ سەبەبٸ – كەرٸزدٸك-تازارتۋ قۇرىلىس جايلارىنىڭ توزۋى بولىپ وتىر. ال قالدىقتارمەن جۇمىس ٸستەۋ سالاسىندا قاتتى تۇرمىستىق قالدىقتار پوليگوندارىنىڭ سانيتارلىق جەنە ەكولوگييالىق تالاپتارعا سەيكەس كەلمەۋٸ, ولاردى ٶڭدەۋ دەڭگەيٸنٸڭ تٶمەندٸگٸ جەنە ستيحييالىق ٷيٸندٸلەر پروبلەمالارى ٶزەكتٸ بولىپ تۇر», - دەدٸ س. برەكەشەۆ.
