قازاقستاندا مەدەنيەت سالاسىندا 1 ملن-نان استام بالانى قامتيتىن مەدەني جوبالار قولعا الىنعان. بۇل تۋرالى قر مەدەنيەت جەنە سپورت مينيسترٸ دەۋرەن اباەۆ ٷكٸمەت وتىرىسىندا ايتتى, دەپ حابارلايدى قازاقپارات.
«مەدەنيەت جەنە سپورت مينيسترلٸگٸ «بالالار جىلىن» ٶتكٸزۋ اياسىندا بەرٸلگەن بارلىق تاپسىرما مەن مٸندەتتەر بويىنشا بەلسەندٸ جۇمىس اتقارىپ جاتىر. بارلىق جۇمىس بالالاردىڭ ساپالى جەنە قولجەتٸمدٸ بٸلٸم الۋىن, شىعارماشىلىق تۇرعىدان تولىققاندى دامۋىن قامتاماسىز ەتۋگە, ولاردىڭ سپورتتىق جەنە شىعارماشىلىق ەلەۋەتٸن ارتتىرۋعا باعىتتالعان», - دەدٸ اباەۆ.
ونىڭ ايتۋىنشا, مەدەنيەت سالاسىندا 1 ملن-نان استام بالانى قامتيتىن بٸرنەشە ٸرٸ جوبا قولعا الىنعان.
«اتاپ ايتقاندا, رەسپۋبليكالىق «ۇلاعاتتى ۇرپاق» مەدەني-بٸلٸم بەرۋ ونلاين جوباسى قولعا الىندى. جوبا سايتتار مەن ەلەۋمەتتٸك جەلٸلەردە جٷرگٸزٸلەدٸ. قازٸرگٸ تاڭدا قارالىم سانى 986 مىڭعا جەتٸپ وتىر, جىل سوڭىنا دەيٸن 2 ملن قارالىمعا بارادى دەپ كٷتٸلۋدە. بۇل ٶتە اۋقىمدى قىزىق جوبا. وقۋشىلار ٷيدەن شىقپاي-اق, ۆيرتۋالدى ساياحات جاساپ, وپەرا, بالەت, دراما ٶنەرٸنٸڭ ٷزدٸك ٷلگٸلەرٸن تاماشالاپ, قازاقستاندىق جەنە شەتەلدٸك فيلمدەر مەن مۋلتفيلمدەردٸ كٶرە الادى. دەرٸسكەر رەتٸندە بەلگٸلٸ مەدەنيەت جەنە ٶنەر قايراتكەرلەرٸ, شىعارماشىلىق جوو-لاردىڭ پروفەسسورلىق-وقىتۋشىلىق قۇرامى 20 سايتقا 5 باعىت بويىنشا ەكٸ تٸلدە ەزٸرلەنگەن 402 بەينەساباق تولىق ەنگٸزٸلدٸ. مىسالى, مۋزىكالىق ٶنەر, كينەماتوگرافييا, بەينەلەۋ ٶنەرٸ, تەاتر جەنە كيەلٸ قازاقستان تۋرالى», - دەپ تٷسٸندٸردٸ مينيستر.
سونىمەن بٸرگە «وقۋشىنىڭ مەدەني نورماتيۆٸ» جوباسى ەلٸمٸزدەگٸ 1510 مەكتەپكە ەنگٸزٸلگەن. بۇل جالپى مەكتەپتەردٸڭ 20%-ىن قۇرايدى. جىل سوڭىنا دەيٸن بۇل كٶرسەتكٸشتٸ 30%-عا جەتكٸزۋ جوسپارلانعان.
«بالالار ەدەبيەتٸنە ارنالعان «دانا بالا» (www.danabala.kz) ۆەب-سايتىندا قازٸر 100-دەن استام قازاقستاندىق اۆتوردىڭ كٸتاپتارى توپتاستىرىلعان. جىل سوڭىنا دەيٸن سايتقا 5000 كٸتاپ ورنالاستىرىلادى. بۇل – بالالارعا ارنالعان جالعىز ەلەكتروندى كٸتاپحانا.
ودان بٶلەك, بالالار شىعارماشىلىعىنا ارنالعان «تالانتتار ارامىزدا» رەسپۋبليكالىق فەستيۆال-كٶرمە ٶتكٸزٸلدٸ. فەستيۆال قورىتىندىسى بويىنشا بالالارعا 16 نوميناتسييا بەرٸلدٸ. احمەت بايتۇرسىنۇلى اتىنداعى ٷزدٸك وقۋشى, قادىر مىرزاليەۆ اتىنداعى ٷزدٸك اقىن, ەلكەي مارعۇلان اتىنداعى ٷزدٸك ارحەولوگ, اسقار جۇمادٸلداەۆ اتىنداعى ٷزدٸك ٶنەرتاپقىش, قۇمان تاستانبەكوۆ اتىنداعى ٷزدٸك اكتەر, بيبٸگٷل تٶلەگەنوۆا اتىنداعى ٷزدٸك ەنشٸ, دينا نۇرپەيٸسوۆا اتىنداعى ٷزدٸك كٷيشٸ, قاجىمۇقان مۇڭايتپاسوۆ اتىنداعى ٷزدٸك سپورتشى ديپلومدارى بەرٸلدٸ», - دەدٸ مينيستر.
ال «ەجەمنٸڭ ەرتەگٸلەرٸ» ونلاين-جوباسى 31 مىڭ بالانى قامتيدى. جىل سوڭىنا دەيٸن بۇل كٶرسەتكٸش 40 مىڭعا جەتەدٸ دەپ جوسپارلانىپ وتىر.
بالالار شىعارماشىلىعىنا ارنالعان «مەيٸرٸم» ينكليۋزيۆتٸ فەستيۆالٸندە ەرەكشە بٸلٸم بەرۋدٸ قاجەت ەتەتٸن بالالار ٷشٸن ساز بالشىق تەراپيياسى, كيٸز باسۋ, ينتۋيتٸۆتٸ جيۆوپيس, پلاستيلين سىندى 6 باعىتتا شەبەرلٸك سىنىپتارى ۇيىمداستىرىلادى.
«بالالاردى قورعاۋ كٷنٸنە وراي «جازعى كينو» اۋقىمدى ەلەۋمەتتٸك جوباسى باستالدى. جاز بويى كٶپ بالالى, كٶمەككە مۇقتاج, ەلەۋمەتتٸك از قامتىلعان وتباسىلاردىڭ بالالارى مەن جاسٶسپٸرٸمدەرگە تەگٸن كينو كٶرسەتٸلٸمدەر ۇيىمداستىرىلادى. بۇل «قازاقكونتسەرت» مەملەكەتتٸك كونتسەرتتٸك ۇيىمىنىڭ جوباسى جەنە «قازاقفيلم» اق, «ۇلتتىق كينونى قولداۋ ورتالىعى» اق-مەن بٸرگە جٷزەگە اسىرىلادى», - دەدٸ دەۋرەن اباەۆ.
