بٷگٸن «قازمەديا» ورتالىعىندا اۋىل شارۋاشىلىعى مينيسترٸ ساپارحان وماروۆ ەسەپ بەرۋ كەزدەسۋٸن ٶتكٸزٸپ, ۆەدومستۆونىڭ 2018 جىلعى جۇمىسىن قورىتىندىلادى, دەپ حابارلايدى Baq.kz اگەنتتٸگٸ.
«2018 جىلدىڭ ٶزٸندە مايلى داقىلداردىڭ جالپى جينالىمى 2,7 ملن توننانى قۇرادى. قازاقستان زىعىر ٶندٸرۋ كٶلەمٸن 930 مىڭ تونناعا دەيٸن جەتكٸزٸپ, بۇل ٶندٸرٸس تٷرٸ بويىنشا ەلەمدە 1-ورىنعا شىقتى. كارتوپ ٶندٸرۋ كٶلەمٸ 3,5 ملن توننادان 3,8 ملن تونناعا, كٶكٶنٸس ٶندٸرۋ 3,8 ملن توننادان 4,1 ملن تونناعا دەيٸن ۇلعايدى. ەكسپورت تا قارقىندى دامۋدا. مەسەلەن, ارپا ەكسپورتى 2 ەسەگە, راپس مايى مەن قىزاناق 1,4 ەسەگە, سويا 2 ەسەگە ٶستٸ», - دەپ ايتتى مينيستر.
ۆەدومستۆو باسشىسى دەندٸ داقىلداردىڭ 20,3 ملن توننا كٶلەمٸندەگٸ جينالعان تٷسٸمٸنەن ۇندى ەسەپكە العاندا 11,7 ملن توننا استىق ەكسپورتتالعانىن اتاپ ٶتتٸ.
«مينەرالدى تىڭايتقىش قولدانۋ قاجەتتٸلٸكتٸڭ 18% جەتتٸ, ٶتكەن جىلدارى بۇل كٶرسەتكٸش 10-14% اسپايتىن. بىلتىر تىڭايتقىشتاردى سۋبسيدييالاۋ پروتسەسٸ تولىقتاي اۆتوماتتاندىرىلدى, ال بٶلٸنەتٸن قاراجات كٶلەمٸ 24% ۇلعايدى. قارقىندى باق شارۋاشىلىعىن دامىتۋ ماقساتىندا ٶتكەن جىلى 1 132 گا, ونىڭ ٸشٸندە الماتى وبلىسىندا 432 گەكتار, جامبىل وبلىسىندا 200 گا تٷركٸستان وبلىسىندا 500 گ قارقىندى باق وتىرعىزىلدى», - دەدٸ ول.
مينيستر قابىلدانعان شارالار نەتيجەسٸندە 2018 جىلدىڭ قورىتىندىسى بويىنشا جالپى ٶسٸمدٸك شارۋاشىلىعى ٶنٸمدەرٸن شىعارۋ كٶلەمٸ 3,2% ۇلعايىپ, 2,4 ترلن تەڭگەنٸ قۇراعانىن ايتتى.
