مەملەكەت باسشىسى نۇرسۇلتان نازارباەۆ زيمبابۆە رەسپۋبليكاسىنىڭ پرەزيدەنتٸ ەممەرسون منانگاگۆانىڭ رەسمي ساپارىنىڭ قورىتىندىسى بويىنشا بۇقارالىق اقپارات قۇرالدارى ٶكٸلدەرٸ ٷشٸن بريفينگ ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
نۇرسۇلتان نازارباەۆ باق ٶكٸلدەرٸ الدىندا سٶيلەگەن سٶزٸندە بۇل ساپاردىڭ 1992 جىلى قازاقستان مەن زيمبابۆە اراسىندا ديپلوماتييالىق بايلانىستار ورناتىلعاننان بەرٸ العاش رەت جٷزەگە اسىرىلعانىن اتاپ ٶتتٸ.
– بٷگٸنگٸ كەزدەسۋدٸڭ ەكٸ ەل اراسىنداعى, سونداي-اق ورتالىق ازييا مەن وڭتٷستٸك افريكا ٶڭٸرلەرٸنٸڭ ٶزارا قاتىناستارىن نىعايتۋ ٷدەرٸسٸندەگٸ تاريحي ماڭىزى زور, – دەدٸ مەملەكەت باسشىسى.
قازاقستان پرەزيدەنتٸ ەكٸ جاقتى كەزدەسۋ بارىسىندا ساياسي ديالوگتى قولداۋ جەنە ساۋدا ىنتىماقتاستىعىن كەڭەيتۋ جٶنٸندەگٸ ۋاعدالاستىقتارعا قول جەتكٸزٸلگەنٸن ايتتى.
– جەكەلەگەن باعىتتار بويىنشا ٶزارا قارىم-قاتىناس ورناتۋعا مٷمكٸندٸكتەر مول. بٸزدٸڭ ەلدەرٸمٸز اراسىندا كەيبٸر ۇقساستىقتار بار. زيمبابۆە دە قازاقستان سيياقتى پايدالى قازبالارعا ٶتە باي. اۋىل شارۋاشىلىعى سالالارىمىز دا بٸردەي دامۋدا. قازاقستان تاۋ-كەن ٶنەركەسٸبٸندە ىنتىماقتاستىق ورناتۋ جەنە تەجٸريبە الماسۋ, زيمبابۆەگە اۋىل شارۋاشىلىعى ٶنٸمدەرٸن جەتكٸزۋ مەسەلەلەرٸن قاراستىرۋعا ەزٸر, – دەدٸ نۇرسۇلتان نازارباەۆ.
مەملەكەت باسشىسى زيمبابۆە اۋماعىندا پايدالى قازبالار ٶندٸرۋ سالاسىندا ٶزارا ىقپالداستىق ورناتۋدىڭ مٷمكٸندٸكتەرٸنە توقتالدى.
سونداي-اق, قازاقستان پرەزيدەنتٸ زيمبابۆەنٸڭ كٶلٸك-لوگيستيكا جەلٸسٸن جاڭعىرتۋ جەنە قايتا ٶڭدەۋ ٸسٸندە بٸرلەسكەن جوبالاردى ٸسكە اسىرۋ جٶنٸندەگٸ ىنتىماقتاستىقتىڭ ەلەۋەتٸ زور ەكەنٸن اتاپ ٶتتٸ.
– جاھاندىق كٷن تەرتٸبٸندەگٸ كٶپتەگەن باستى مەسەلەلەر بويىنشا وي-پٸكٸرلەرٸمٸز سەيكەس كەلەدٸ. بٸز قازاقستاننىڭ حالىقارالىق باستامالارىنا حارارەنٸڭ قولداۋ بٸلدٸرگەنٸن جوعارى باعالايمىز, – دەدٸ نۇرسۇلتان نازارباەۆ.
مەملەكەت باسشىسى كەلٸسسٶزدەر نەتيجەسٸندە تاراپتار بٸرٸككەن ۇلتتار ۇيىمى اياسىندا بٸرلەسكەن جۇمىستار مەن ٶزارا قولداۋ جٶنٸندەگٸ قالىپتاسقان تەجٸريبەنٸ جالعاستىرۋعا بايلانىستى نيەتتەرٸن ماقۇلداعانىن ايتتى.
– بٸز قازاقستان باقىلاۋشى ەل بولىپ سانالاتىن افريكا وداعى اياسىنداعى تىعىز ىنتىماقتاستىقتى ٸلگەرٸلەتۋ جٶنٸندە ۋاعدالاستىق. جالپى, ەممەرسون منانگاگۆانىڭ استاناعا العاشقى رەسمي ساپارى ەكٸ مەملەكەتتٸڭ تٷرلٸ سالالارداعى تىعىز قارىم-قاتىناستاردى ودان ەرٸ دامىتۋعا مٷددەلٸ ەكەنٸن كٶرسەتٸپ وتىر, – دەدٸ قازاقستان پرەزيدەنتٸ.
نۇرسۇلتان نازارباەۆ ساپار بارىسىندا قول جەتكٸزٸلگەن ۋاعدالاستىقتار تٷرلٸ باعىتتاعى ٶزارا ىنتىماقتاستىقتى دامىتۋعا وڭ سەرپٸن بەرەتٸنٸنە سەنٸم بٸلدٸردٸ.
زيمبابۆە رەسپۋبليكاسىنىڭ پرەزيدەنتٸ قازاقستاننىڭ ۇلتتىق ەكونوميكانى دامىتۋ جەنە جاڭعىرتۋ جٶنٸندەگٸ تەجٸريبەسٸن قولدانۋعا مٷددەلٸ ەكەنٸن اتاپ ٶتتٸ.
– زيمبابۆەنٸڭ قازٸرگٸ دامۋى قازاقستاننىڭ وسىدان 20 جىل بۇرىنعى دەڭگەيٸنە سەيكەس كەلەدٸ. بٸز دوستاس ەلدٸڭ 27 جىل بويى ٶز ەكونوميكاسىن قالاي ٶركەندەتكەنٸ جٶنٸندە ٷيرەنۋٸمٸز كەرەك. قازاقستاننىڭ مۇنداي جەتٸستٸككە جەتكەنٸنە سٷيسٸنەمٸز ەرٸ وسىنداي دامۋ جولىمەن جٷرۋگە ۇمتىلامىز, – دەدٸ ەممەرسون منانگاگۆا.
زيمبابۆە رەسپۋبليكاسىنىڭ پرەزيدەنتٸ قازاقستاننىڭ ۇلتتىق ەل-اۋقات قورىن دامىتۋ جەنە «استانا» حالىقارالىق قارجى ورتالىعىن قۇرۋ جٶنٸندەگٸ تەجٸريبەسٸن اتاپ ٶتتٸ.
سونىمەن قاتار, ەممەرسون منانگاگۆا زيمبابۆەنٸ قازاقستاننىڭ ٷلگٸسٸمەن وڭتٷستٸك افريكاداعى كٶلٸك-لوگيستيكالىق حاب رەتٸندە دامىتۋدىڭ ماڭىزدىلىعىنا توقتالدى.
سوڭىندا زيمبابۆە پرەزيدەنتٸ قاۋٸپسٸزدٸكتٸ ساقتاۋ جەنە يادرولىق قارۋسىز ەلەم قۇرۋ جٶنٸندەگٸ قازاقستاننىڭ حالىقارالىق باستامالارىن قولدايتىنىن ايتتى.
