قازاقستان جاڭارتىلاتىن ەنەرگييا كٶزدەرٸن دامىتۋدىڭ ايماقتىق ورتالىعى بولۋعا دايىن – سمايىلوۆ

قر پرەمەر-مينيسترٸ ەليحان سمايىلوۆ مىسىردا ٶتٸپ جاتقان كليماتتىڭ ٶزگەرۋٸ جٶنٸندەگٸ جاھاندىق كونفەرەنتسييانىڭ (COP27) ەلەم كٶشباسشىلارى سامميتٸندە سٶز سٶيلەدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.

كليماتتىق سامميت جۇمىسىنا 120-دان استام ەلدٸڭ ٶكٸلدەرٸ قاتىسۋدا. مەملەكەتتەر مەن ٷكٸمەتتەر باسشىلارى كليماتتىڭ ٶزگەرۋٸنٸڭ ەڭ ٶزەكتٸ مەسەلەلەرٸ بويىنشا ٶز ەلدەرٸنٸڭ ۇستانىمدارىن بٸلدٸرەتٸن «ۇلتتىق ٷندەۋلەر» جاسادى. 

ەليحان سمايىلوۆ ٶز سٶزٸندە قازاقستان كليمات جٶنٸندەگٸ پاريج كەلٸسٸمٸنٸڭ ماقساتتارى مەن مٸندەتتەرٸن بەرٸك ۇستاناتىنىن اتاپ ٶتتٸ. 

«بٸزدٸڭ ەلٸمٸز 2060 جىلعا قاراي كٶمٸرتەگٸ بەيتاراپتىعىنا قول جەتكٸزۋ تۋرالى بارىنشا بيٸك ماقساتتاردى قويىپ وتىر. وسىنىڭ اياسىندا جىل سوڭىنا دەيٸن تٶمەن كٶمٸرتەكتٸ دامۋ ستراتەگيياسىن قابىلداۋ جوسپارلانۋدا. ورتالىق ازيياداعى ەلدٸڭ العاش بولىپ وسىنداي ماڭىزدى قۇجاتتى قابىلداۋى تاريحي سەتكە اينالماق», — دەدٸ ەليحان سمايىلوۆ. 

ونىڭ ايتۋىنشا, بٷگٸندە قازاقستاندا جالپى ٶندٸرٸستەگٸ «جاسىل» ەنەرگييانىڭ ٷلەسٸ شامامەن 3%-دى قۇرايدى. بۇل رەتتە ونى ٶندٸرۋ كٶلەمٸن 15%-عا دەيٸن, ياعني 2030 جىلعا قاراي قوسىمشا 7 گۆت-قا ۇلعايتۋ جوسپارلانۋدا. سونىمەن قاتار بيىل كٶمٸرتەگٸ شىعارىندىلارىن كەم دەگەندە 15%-عا تٶمەندەتۋ كٶزدەلگەن. 

«قازاقستاننىڭ "جاسىل" ەنەرگەتيكانىڭ ەلەمدٸك ورتالىقتارىنىڭ بٸرٸ بولۋعا ەلەۋەتٸ زور. سوندىقتان بٸز جاڭارتىلاتىن ەنەرگييا كٶزدەرٸن دامىتۋدىڭ ايماقتىق ورتالىعىنا اينالۋعا جەنە جالپى ورتالىق ازييانى "جاسىل" تەحنولوگييالارعا كٶشۋگە ىنتالاندىرۋعا دايىنبىز», — دەپ اتاپ ٶتتٸ پرەمەر-مينيستر. 

وسى ورايدا ول ەلٸمٸزدە «جاسىل» سۋتەگٸ ٶندٸرٸسٸ مەن ەكسپورتىن ۇلعايتۋعا ەرەكشە نازار اۋدارىلاتىنىن ايتتى. 

«تەحنولوگييالىق جاڭعىرتۋدىڭ ماڭىزدىلىعىن, ونىڭ ٸشٸندە پاريج كەلٸسٸمٸ شەڭبەرٸندە بٸلٸم الماسۋدى ەنگٸزۋ جەنە "تازا" تەحنولوگييالاردى بەرۋ قاجەتتٸگٸن ەرەكشە اتاپ ٶتكٸم كەلەدٸ», — دەدٸ ەليحان سمايىلوۆ. 

بۇدان باسقا, قر ٷكٸمەتٸ «جاسىل» ينۆەستيتسييالاردى ىنتالاندىرۋ جٶنٸندە شارالار قابىلداپ جاتىر جەنە «جاسىل» قارجىنىڭ بٸرەگەي ٶڭٸرلٸك ينۆەستيتسييالىق ورتالىعى رەتٸندە «استانا» حالىقارالىق قارجى ورتالىعىن ۇسىنۋعا دايىن. 

«سونداي-اق بٸز جاڭا ەكولوگييالىق كودەكس اياسىندا شارالار قابىلداپ, 2025 جىلعا دەيٸن 2 ميلليارد تٷپ اعاش وتىرعىزۋ سەكٸلدٸ اۋقىمدى مٸندەتتٸ ٸسكە اسىرامىز», — دەدٸ ەليحان سمايىلوۆ. 

قورىتىندىلاي كەلە, پرەمەر-مينيستر بٷگٸندە ەلەمدٸك قوعامداستىقتىڭ بۇرىن-سوڭدى بولماعان سىن-قاتەرلەردٸ باستان كەشٸرٸپ وتىرعانىن اتاپ ٶتتٸ. 

«وسىعان بايلانىستى بٸزگە تۇراقتى جەنە تەڭ قۇقىلى باتىل شەشٸمدەر مەن ەدٸلەتتٸ دامۋ ٷلگٸلەرٸ قاجەت. قازاقستان كليماتتىق كٷن تەرتٸبٸندەگٸ مەسەلەلەردٸڭ كەڭ اۋقىمى بويىنشا بارلىق حالىقارالىق سەرٸكتەستەرمەن ىنتىماقتاستىق ورناتۋعا دايىن», — دەپ تٷيٸندەدٸ ەليحان سمايىلوۆ.